ଶ୍ରମ ଓ ନିୟୋଜନ ମନ୍ତ୍ରଣାଳୟ
ଶ୍ରମିକଙ୍କ ଅଭିଯୋଗର ସମାଧାନ ଲାଗି ନୋଡାଲ ଅଧିକାରୀ ନିଯୁକ୍ତ କରିବାକୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କୁ ପତ୍ର ଲେଖିଲେ କେନ୍ଦ୍ର ଶ୍ରମ ଓ ନିୟୋଜନ ମନ୍ତ୍ରୀ ସନ୍ତୋଷ ଗଙ୍ଗୱାର
Posted On:
18 APR 2020 2:30PM by PIB Bhubaneshwar
କେନ୍ଦ୍ର ଶ୍ରମ ଓ ନିୟୋଜନ ମନ୍ତ୍ରୀ ଶ୍ରୀ ସନ୍ତୋଷ ଗଙ୍ଗୱାର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରମାନଙ୍କୁ ପତ୍ର ଲେଖି ଶ୍ରମ ବିଭାଗର ଜଣେ ଅଧିକାରୀଙ୍କୁ ନୋଡାଲ ଅଧିକାରୀ ଭାବେ ନିଯୁକ୍ତ କରିବାକୁ ଅନୁରୋଧ କରିଛନ୍ତି । କୋଭିଡ-19 ମହାମାରୀ ଯୋଗୁ କେନ୍ଦ୍ର ସରକାର ସ୍ଥାପନ କରିଥିବା ନିୟନ୍ତ୍ରଣ କକ୍ଷ ସହ ଏହି ନୋଡାଲ ଅଧିକାରୀମାନେ ଯୋଗସୂତ୍ର ରକ୍ଷାକରି ଶ୍ରମିକମାନଙ୍କ ସମସ୍ୟା ସମାଧାନ ଦିଗରେ ସାହାଯ୍ୟ କରିବେ । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଶ୍ରମମନ୍ତ୍ରୀମାନଙ୍କୁ ଲେଖିଥିବା ପତ୍ରରେ ଶ୍ରୀ ଗଙ୍ଗୱାର ଦେଶରେ ସ୍ଥାପିତ 20ଟି ନିୟନ୍ତ୍ରଣ କକ୍ଷକୁ ଆସୁଥିବା ଶ୍ରମିକ ସମସ୍ୟା ଉପରେ ଶ୍ରମବିଭାଗର ଏହି ନୋଡାଲ ଅଧିକାରୀମାନେ ସମ୍ବେଦନଶୀଳ ହେବା ଆବଶ୍ୟକ ବୋଲି ଉଲ୍ଲେଖ କରିଛନ୍ତି । ଶ୍ରମିକମାନଙ୍କ ଆପତ୍ତି ଅଭିଯୋଗ ସମାଧାନ କରିବା ଦିଗରେ ଉଭୟ କେନ୍ଦ୍ର ଓ ରାଜ୍ୟ ସରକାର ସମନ୍ୱୟ ରଖି କାର୍ଯ୍ୟ କରିବାକୁ ଶ୍ରୀ ଗଙ୍ଗୱାର ତାଙ୍କ ପତ୍ରରେ ଉଲ୍ଲେଖ କରିଛନ୍ତି।
କେନ୍ଦ୍ର ଶ୍ରମ ଓ ନିୟୋଜନ ମନ୍ତ୍ରଣାଳୟ ମୁଖ୍ୟ ଶ୍ରମ ଆୟୁକ୍ତଙ୍କ ଅଧୀନରେ ଦେଶର ବିଭିନ୍ନ ସ୍ଥାନରେ 20ଟି ନିୟନ୍ତ୍ରଣ କକ୍ଷ ସ୍ଥାପନ କରିଛନ୍ତି । କୋଭିଡ-19 ମହାମାରୀ ବେଳେ ଶ୍ରମିକମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟାର ସମାଧାନ କରିବା ପାଇଁ ଏହି ନିୟନ୍ତ୍ରଣ କକ୍ଷଗୁଡିକ ସ୍ଥାପନ କରାଯାଇଛି ।
ନିୟନ୍ତ୍ରଣ କକ୍ଷଗୁଡିକ ସ୍ଥାପନ ହେବାର କିଛି ଦିନ ପରେ ଦେଖାଯାଇଛି ଯେ, ଆସିଥିବା 2100ଟି ଆପତ୍ତି ଅଭିଯୋଗ ମଧ୍ୟରୁ 1400ଟି ବିଭିନ୍ନ ରାଜ୍ୟ ଓ କେନ୍ଦ୍ର ସରକାରଙ୍କ ଅଧୀନରେ ରହିଛି । ଶ୍ରମ ବିଷୟ ସମ୍ବିଧାନର ଯୁଗ୍ମ ତାଲିକା ଅନ୍ତର୍ଭୁକ୍ତ ହୋଇଥିବାରୁ ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ସମନ୍ୱୟର ଆବଶ୍ୟକତା ରହିଛି । ମନ୍ତ୍ରୀ 20ଟି ନିୟନ୍ତ୍ରଣ କକ୍ଷର ଠିକଣା ସହ କେନ୍ଦ୍ର ସରକାରଙ୍କ ତରଫରୁ ସେଠାକୁ ପଠାଯାଇଥିବା ଅଧିକାରୀମାନଙ୍କ ନାମ ଏକ ତାଲିକାରେ ଜଣାଇଛନ୍ତି ।
*************
(Release ID: 1615746)
Visitor Counter : 187
Read this release in:
Assamese
,
Punjabi
,
English
,
Urdu
,
Marathi
,
Hindi
,
Bengali
,
Manipuri
,
Gujarati
,
Tamil
,
Telugu
,
Kannada
,
Malayalam