দিফেন্স পব্লিক সেক্তর অন্দরতেকিংশিং (দি.পি.এস.য়ু.শিং) অমসুং ওর্দিনান্স ফেক্তরী বোর্দ (ও.এফ.বি.)না কোবিদ-১৯গী লাইচৎ থেংননবগীদমক মখোয়না মীয়ামগীদমক্তা পাংফম থোকপা মতেং পাংদুনা মখোয়গী থৌদাং লৌবা হৌখ্রে। ঙাক-শেল মন্ত্রালয়গী দিপার্তমেন্ত ওফ দিফেন্স প্রদক্সন (দি.দি.পি.) হায়রিবা মরু ওইবা ইন্সতিত্যুসন অসিনসু মখোয়গী রিসোর্সশিং, তেক্নিকেলগী অখঙবশিং অমসুং থৌমীশিংবু মচা খাইনা শিন্দোক্তুনা অকি-তুজুংনীংঙাই ওইরবা ভাইরস অসিগা থেংননবা খোংথাং কয়া অমা লৌখৎখ্রে। মখাদা পীরিবশিং অসি দি.পি.এস.য়ু. অমসুং ও.এফ.বি.গী সাইন্তিস্তশিংনা হোৎনখিবা থৌওংশিংগী মহৈশিংনিঃ    

দিফেন্সকী পি.এস.য়ু. অমা ওইরিবা হিন্দুস্তান এরোনোতিক্স লিমিতেদ (ঐচ.এ.এল.), বেঙ্গলুরুনা ইন্তেন্সিব কেয়র য়ুনিৎকী ফমুং অহুম অমসুং ময়ামগী ওইবা ৱার্দতা ফমুং ৩০ লৈবা আইসোলেসন ৱার্দ অমা হাংদোকখ্রে। মসিগী মথক্তা কা ৩০ লৈবা য়ুম অমসু শেম শাদুনা থমখ্রে। মসিগী ঐচ.এ.এল.গী মফম অসিদা পুল্লপ্না মীওই ৯৩ থম্বা য়াই। ঐ্চ.এ.এল.না বেঙ্গালোরদা লৈবা কোবিদ-১৯গী অনাবা লায়েংবা য়াবা অনা লায়েংশং কয়াদা দোক্তরশিংগী ওইনা পি.পি.ই. ২৫ শাদুনা য়েন্থোকখ্রে। মসিনা বেঙ্গালুরু, মৈসুর, মুম্বাই, পুনে, উত্তর প্রদেশ, তেলঙ্গানা, আন্ধ্র প্রদেশ অমসুং তমিল নাদুদা লৈবা সরকারগী অনা লায়েংশংশিংগী ওইনা এরোসোল বোক্স ১৬০ শাদুনা য়েন্থোকখ্রে। 

ভারত ইলেক্ত্রোনিক লিমিতেদ (বি.ই.এল.)সু হকশেল অমসুং ইমুং মনুংগী য়াইফ-য়ুম্বাল মন্ত্রালয় (এম.ও.ঐচ.&এফ.দব্ল্যু.) গী য়াথং মতুং ইন্না থোক্লক্তুনা থা অনিগী মনুংদা লৈবাক অসিদা লৈরিবা আই.সি.য়ু.শিংদা য়েন্থোক্নবা ভেন্তিলেতর ৩০,০০০ শেম শাবা হৌখ্রে। ভেন্তিলেতরশিং অসি শাবগী মওং অসি বি.ই.এল.গা খুৎশমনদুনা এম./এস. এস.কে.এ.এন.আর.এ.ৱাই.না অমুক শেমদোক্লবা মতুংদা দি.আর.দি.ও.না অহানবা ওইনা শাখিবনি। বি.ই.এল.না ভেন্তিলেতরশিং অসি এপ্রিল ২০-২৪, ২০২০গী মনুংদা শাবা হৌবা য়াই। লোইশিন্নবা পীরিবা মতমগী মতুং ইন্না বি.ই.এল.না ২০২০গী এপ্রিলদা ভেন্তিলেতর য়ুনিৎ ৫,০০০, মেদা ভেন্তিলেতর য়ুনিৎ ১০,০০০ অমসুং জুন্দা ভেন্তিলেতর য়ুনিৎ ১৫,০০০দা শাবা লোইগনি হায়না থাজরি। দি.আর.দি.ও.গী মতেংগা লোইননা কম্পোনেন্তশিং অসি ইন্দেজিনাইস তৌনবসু হোৎনরি।

ভারত দাইনামিক্স লিমিতেদ (বি.দি.এল.)না ভেন্তিলেতরগী প্রোতোতাইপ অমসু শেম্লি অমসুং মেগী ১ ফাওবগী মনুংদা চাংয়েং তৌবা অমসুং সার্তিফাই তৌরবা মতুংদা ময়ামগী ওইনা শেম শাবা হৌগনি। মখোয়না প্রোজেক্ত অসি পুনেগী স্তার্ত অপ অমগা খুৎশম্নদুনা পায়খৎপনি।

দিফেন্সকী পি.এস.য়ু. এম./.এস. বি.ই.এল.সু ভেন্তিলেতরশিং য়াম্না পুথোক্কদৌরিবা অসিদা তেংবাংবা হৌখ্রে। ভারত আর্থ মুবরস লিমিতেদ (বি.ই.এম.এল.)না এম./এস. এস.কে.এ.এন.আর.এ.ৱাই., মৈসুরগীদমক্তা ভেন্তিলেতর শাবগী কম্পোনেন্ত ৫গী সেৎ ২৫ শাবা লোইখ্রে। 

লৈবাক অসিগী ওর্দিনান্স ফেক্তরী ৪০গী মকোক ওইরিবা ওর্দিনান্স ফেক্তরী বোর্দনা আই.এস.ও. ক্লাস ৩ এক্সপোজর স্তেন্দর্দ ইনবা কভর-ওলশিংসু পীবা হৌখ্রে। ঐচ.এল.এল. লাইফকেয়র লিমিতেদ (ঐচ.এল.এল.)না পীরকপা অহানবা লাখ ১.১০ শানবা ওর্দর অদু শেম শাবগী থবক কন্না চত্থরী। মসিগী ওর্দর অসি নুমিৎ ৪০নিগী মনুংদা লোইশিনগদবনি।

কানপুর, শাহজহানপুর, হজ্রতপুর (ফিরোজাবাদ) অমসুং চেন্নৈদা লৈবা ওর্দিনান্স ইক্যুইপমেন্ত গ্রুপকী ফেক্তরীশিং অসি কভর-ওল শাবদা য়াওরি। হৌজিক্কী ওইনা নোংমদা পুথোকপগী চাং অসি ৮০০নি। নোংমদা ১,৫০০ পুথোকপা ঙম্নবগী থাক্তা য়ৌরক্নবা ঙম্নবা কন্না হোৎনরি। কভর-ওল অমসুং মাস্কশিং অসিগী মথৌ নীংথিনা তৌবগী চাং ওন্নবগীদমক সাউথ ইন্দিয়া তেক্সতাইল রিসর্চ এসোসিএসন (এস.আই.তি.আর.এ.)না অয়াবা পীরবা মেছিন অহুমসু শারে অমসুং মসি ফবগী চাং লেংদনা থম্বগী মতেং ওইনবা হায়দুনা কভর-ওল অমসুং মাস্কশিং পুথোকপদসু শিজিন্নগনি।

ওর্দিনান্স ফেক্তরী বোর্দ (ও.এফ.বি.)নসু মশাগী ওর্দিনান্স ফেক্তরীশিংগী অনা লায়েংশঙদা পীনবগী মথক্তা ফিরোজাবাদকী ঐচ.এল.এল., সি.এম.ও.দসু পীননবা পি.পি.ই. ৫,৮৭০ শাখ্রে।

ফেক্তরী বোর্দনা মেদিকেলগী অথুবগী, স্ক্রিনিং তৌবগী, অনা লায়েংশংগী ত্রাএজকী অমসুং ক্বারান্তাইনগীদমক শিজিন্ননবা হায়দুনা অখন্নবা মীতর অনিগী তেন্ত অমসু শাখ্রে। মসি ঈশিং চংদবা ফী, অশোনবা স্তিল অমসুং এলুমিনিয়ম এল্লোইনা শাবনি। পোত্থোকশিং অসি য়েন্থোকপসু হৌখ্রে। ওরিশা স্তেত মেদিকেল কোর্পোরেসন, দেহরাদুনগী জোই গ্রান্ত হোস্পিতাল, অরুনাচল প্রদেশ কী দি.এম.এ., অমসুং চন্দীগরগী পঞ্জাব পুলিস্তা তোঙান তোঙানবা মখলগী তেন্ত ৪২০ পীখ্রে। ও.এফ.বি.না ভেন্তিলেতর শেম্বগী থবকসু হৌখ্রে। হৌজিক ফাওবদা ভেন্তিলেতর ৫৩ শেমখ্রে অমসুং তেলঙ্গানাগী তি.এস.আই.এম.দি.সি.দা পীখ্রে।

• ওর্দিনান্স ফেক্তরীশিং (ও.এফ.শিং)না ভারত সরকারনা লৈবাক্কী ওইনা য়েংশিন্নবা খনবা ঐচ.এল.এল.না হায়রকপা সেনিতাইজরগী লীতর ২৮,০০০গী মনুংদা লীতর ৭,৫০০ হৌজিক হৌজিক কন্না শেম শারি। ও.এফ.শিংনা লীতর ৫,১৪৮ পীখ্রে অমসুং ঐচ.এল.এল.দা হেক ফংবগা য়েন্থোকপা য়াবা লীতর ১৫,০০০সু লৈরে। হৌজিক ফাওবদা ওর্দিনান্স ফেক্তরীশিংগী মশাগী অনা মায়েংশংগী মথক্তা ইন্দোর, বেলগাবী, তিরুবন্থাপুরম, সেন্ত্রেল রেলৱেজ, এম.ই.সি.এল., নাগপুর দিস্ত্রিক্ত এদমিনিস্ত্রেসন, উত্তরাখন্দ, বিহার, কেন্তোনমেন্ত বোর্দ ৱিলিংতন, দি.এম. নাগপুর, দি.আর.এম. সোলাপুরদা লৈবা ঐচ.এল.এল. য়ুনিৎশিংগী ওইনা সেনিতাইজর লীতর ৬০,২৩০ শাখ্রে। ব্লদ পেনেত্রেসন তেস্ত তৌনবা তেস্ত তৌবগী মফম অনি অমসু, চেন্নাই অমসুং কানপুরদা, শাবা লোইখ্রে।

ও.এফ.বি.না হৌজিক ফাওবদা ৩-প্লাই মেদিকেল মাস্ক ৩৮,৫২০ য়াওনা পুন্না মাস্ক ১,১১,৪০৫ শাবা লোইখ্রে। হায়রিবশিং অসি তামিল নাদু পুলিস, ফিরোজাবাদ অমসুং আগ্রাগী জিলাগী পুলিস অমসুং পুলিসকী মরী লৈনবা মীওইশিং, শাহজহানপুরগী কেন্তোনমেন্ত বোর্দ, উত্তরাখন্দ সরকার, শাহজহানপুরগী জিলাগী হেলথ ওফিসরশিং, মিলিতরী ইন্তেল্লিজেন্সনচিংবশিংদা য়েন্থোকখ্রে।