কেন্দ্রীয় অসামৰিক বিমান পৰিবহন মন্ত্ৰালয় আৰু বিমান পৰিবহন সংস্থাসমূহে ক’ভিড-১৯ৰ বিৰুদ্ধে যুঁজত দেশ-বিদেশৰ লোকসকলৰ বাবে মালবাহী বিমানৰ জৰিয়তে প্ৰয়োজনীয় ঔষধ যোগান ধৰিবলৈ প্ৰতিশ্ৰুতিবদ্ধ৷ "লাইফ লাইন উড়ান" বিমান চলাচলৰ জৰিয়তে দেশৰ দুৰ্গম অঞ্চলত ঔষধ যোগানৰ কাম চলাই গৈছে কেন্দ্রীয় অসামৰিক বিমান পৰিবহণ মন্ত্ৰালয়ে৷ বৰ্তমানলৈকে "লাইফ লাইন উড়ান"ৰ অধীনত ২২৭খন বিমান চলাচল কৰা হৈছে৷ ইয়াৰ ভিতৰত এয়াৰ ইণ্ডিয়াৰ ৭২, অন্যান্য বিমান পৰিবহন সংস্থাৰ ৬৬, ভাৰতীয় বায়ুসেনাৰ ৮১, ইণ্ডিগ’ৰ ৬ আৰু স্পাইচজেটৰ ২খন বিমান আছে। এয়াৰ ইণ্ডিয়া আৰু সহযোগী বিমানে বৰ্তমানলৈকে ৪০৭.৪০ টন সামগ্ৰী সৰবৰাহ কৰা হৈছে। "লাইফ লাইন উড়ান" অধীনত পৰিচালিত বিভিন্ন বিমানে ২,২০,১২৯ কিলোমিটাৰ দৈর্ঘ পথ অতিক্ৰম কৰিছে৷

লাইফ লাইন উড়ান অধীনত তাৰিখভিত্তিক বিমান চালনাঃ

পৱন হংস হেলিকপ্টাৰৰ জৰিয়তে জম্মু আৰু কাশ্মীৰ, লাদাখ কেন্দ্ৰীয় শাসিত অঞ্চল আৰু উত্তৰ-পূর্বাঞ্চলৰ ৰাজ্যসমূহত প্ৰয়োজনীয় ঔষধ যোগান ধৰা হৈছে৷ দেশৰ অভ্যন্তৰত “লাইফ লাইন উড়ান”ৰ জৰিয়তে ঔষধৰ লগতে ৰাজ্যসমূহত চাহিদা অনুযায়ী চিকিৎসা সঁজুলি, ব্যক্তিগত সুৰক্ষা সঁজুলি(পিপিই), পৰীক্ষা কিট, মাস্ক, গ্ল’ভছ, ডাক পেকেট সৰবৰাহ কৰা হৈছে৷

আন্তঃৰাষ্ট্ৰীয় পৰ্যায়ত বিমান চালনা

এয়াৰ ইণ্ডিয়াই ১৩ এপ্রিলত মুম্বাই আৰু লণ্ডনৰ মাজত প্ৰথম বিমান চলাচল কৰে৷ বিমানখনে ভাৰতৰ পৰা ২৮.৯৫ টন ফল আৰু শাক-পাচলি লণ্ডনলৈ নিয়াৰ বিপৰীতে দেশখনৰ পৰা ১৫.৬ টন সাধাৰণ সামগ্রী কঢ়িয়াই আনে৷ দক্ষিণ এছিয়াৰ ভিতৰত কলম্বোলৈ এয়াৰ ইণ্ডিয়াই ৭ এপ্রিলত প্রায় ৯ টন আৰু ৮ এপ্রিল ৪ টন সামগ্ৰী সৰবৰাহ কৰিছে৷

দেশৰ অভ্যন্তৰত সামগ্ৰী সৰবৰাহ কৰাৰ ক্ষেত্ৰত স্পাইচজেট, ব্লু ডার্ট আৰু ইণ্ডিগ’ই বাণিজ্যিক ভিত্তিত সামগ্ৰী পৰিবাহী বিমান সেৱাৰ কাম কৰিছে। তদুপৰি, চৰকাৰৰ বাবে বিনামূলীয়া চিকিৎসা সামগ্রীও সৰবৰাহৰ কামো কৰিছে।

স্পাইচজেটে পৰিবহণ কৰা ঘৰুৱা কাৰ্গ’ (১৩.০৪.২০২০ ত)

স্পাইচজেটৰ দ্বাৰা আন্তঃৰাষ্ট্ৰীয় কাৰ্গ’ ( ১৩.০৪.২০২০ ত)

ব্লু ডাৰ্টৰ কাৰ্গ’ পৰিবহণ (১৩.০৪.২০২০ ত)

*****

RJ/NG/DB