ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਅਤੇ ਹਵਾਬਾਜ਼ੀ ਉਦਯੋਗ ਭਾਰਤ ’ਚ ਅਤੇ ਵਿਦੇਸ਼ ਵਿੱਚ ਬੇਹੱਦ ਕਾਰਜਕੁਸ਼ਲ ਢੰਗ ਨਾਲ ਅਤੇ ਸਸਤੀਆਂ ਦਰਾਂ ’ਤੇ ਹਵਾਈ ਜਹਾਜ਼ਾਂ ਰਾਹੀਂ ਮੈਡੀਕਲ ਸਮਾਨ ਦੀ ਸਪਲਾਈ ਕਰ ਕੇ ਕੋਵਿਡ–19 ਵਿਰੁੱਧ ਭਾਰਤ ਦੀ ਜੰਗ ਵਿੱਚ ਮਦਦ ਲਈ ਪੂਰੀ ਤਰ੍ਹਾਂ ਦ੍ਰਿੜ੍ਹ ਹੈ। ‘ਲਾਈਫ਼ਲਾਈਨ ਉਡਾਨ’ ਫ਼ਲਾਈਟਸ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਵੱਲੋਂ ਕੋਵਿਡ–19 ਵਿਰੁੱਧ ਭਾਰਤ ਦੀ ਜੰਗ ਵਿੱਚ ਮਦਦ ਲਈ ਦੇਸ਼ ਦੇ ਦੂਰ–ਦੁਰਾਡੇ ਦੇ ਭਾਗਾਂ ਤੱਕ ਜ਼ਰੂਰੀ ਮੈਡੀਕਲ ਸਮਾਨ ਦੀ ਢੋਆ–ਢੁਆਈ ਵਾਸਤੇ ਅਪਰੇਟ ਕੀਤੀਆਂ ਜਾ ਰਹੀਆਂ ਹਨ। ਲਾਈਫ਼ਲਾਈਨ ਉਡਾਨ ਅਧੀਨ ਏਅਰ ਇੰਡੀਆ, ਅਲਾਇੰਸ ਏਅਰ, ਭਾਰਤੀ ਹਵਾਈ ਫ਼ੌਜ ਤੇ ਪ੍ਰਾਈਵੇਟ ਕੈਰੀਅਰਜ਼ ਵੱਲੋਂ 227 ਉਡਾਨਾਂ ਅਪਰੇਟ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਵਿੱਚੋਂ 138 ਉਡਾਨਾਂ ਏਅਰ ਇੰਡੀਆ ਤੇ ਅਲਾਇੰਸ ਏਅਰ ਵੱਲੋਂ ਅਪਰੇਟ ਕੀਤੀਆਂ ਗਈਆਂ ਹਨ ਅਤੇ ਜਿਨ੍ਹਾਂ ਰਾਹੀਂ ਅੱਜ ਤੱਕ ਲਗਭਗ 407.40 ਟਨ ਮਾਲ ਦੀ ਢੋਆ–ਢੁਆ ਕੀਤੀ ਗਈ ਹੈ। ਲਾਈਫ਼ਲਾਈਨ ਉਡਾਨ ਫ਼ਲਾਈਟਸ ਨੇ ਅੱਜ ਤੱਕ 2,20,129 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਹੈ। ਕੋਵਿਡ–ਜੋਧੇ ਦੂਰ–ਦੁਰਾਡੇ ਦੇ ਇਲਾਕਿਆਂ ’ਚ ਖਾਸ ਕਰਕੇ ਨਿਰੰਤਰ ਸਪਲਾਈ ਯਕੀਨੀ ਬਣਾਉਦ ਲਈ ਸਖ਼ਤ ਮਿਹਨਤ ਕਰ ਰਹੇ ਹਨ।

ਲਾਈਫ਼–ਲਾਈਨ ਉਡਾਨ ਫ਼ਲਾਈਟਸ ਦੇ ਮਿਤੀ–ਕ੍ਰਮ ਅਨੁਸਾਰ ਵੇਰਵੇ ਨਿਮਨਲਿਖਤ ਅਨੁਸਾਰ ਹਨ :

ਪਵਨ ਹੰਸ ਲਿਮਿਟੇਡ ਸਮੇਤ ਹੈਲੀਕਾਪਟਰ ਸੇਵਾਵਾਂ ਰਾਹੀਂ ਜੰਮੂ ਤੇ ਕਸ਼ਮੀਰ, ਲਦਾਖ, ਟਾਪੂਆਂ ਤੇ ਉੱਤਰ–ਪੂਰਬੀ ਖੇਤਰ ਵਿੱਚ ਅਹਿਮ ਮੈਡੀਕਲ ਸਮਾਨ ਦੀ ਢੋਆ–ਢੁਆਈ ਕੀਤੀ ਜਾ ਰਹੀ ਹੈ ਤੇ ਮਰੀਜ਼ਾਂ ਨੂੰ ਲਿਜਾਂਦਾ ਰਿਹਾ ਹੈ।

ਘਰੇਲੂ ਲਾਈਫ਼ਲਾਈਨ ਉਡਾਨਾਂ ਰਾਹੀ ਲਿਜਾਂਦੇ ਜਾਣ ਵਾਲੇ ਸਮਾਨ/ਮਾਲ ਵਿੱਚ ਕੋਵਿਡ–19 ਨਾਲ ਸਬੰਧਿਤ ਰੀਜੈਂਟਸ, ਐਂਜ਼ਾਈਮਜ਼, ਮੈਡੀਕਲ ਉਪਕਰਣ, ਟੈਸਟਿੰਗ ਕਿਟਸ, ਨਿਜੀ ਸੁਰੱਖਿਆਤਮਕ ਉਪਕਰਣ (ਪੀਪੀਈ), ਮਾਸਕਸ, ਦਸਤਾਨੇ, ਐੱਚਐੱਲਐੱਲ ਤੇ ਆਈਸੀਐੱਮਆਰ ਦੀਆਂ ਹੋਰ ਸਮੱਗਰੀ; ਰਾਜ / ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਵੱਲੋਂ ਮੰਗਵਾਏ ਮਾਲ ਤੇ ਡਾਕ ਦੇ ਪੈਕਟ ਆਦਿ ਸ਼ਾਮਲ ਹੁੰਦੇ ਹਨ।

ਘਰੇਲੂ ਮਾਲ–ਵਾਹਕ ਅਪਰੇਟਰਜ਼ ਸਪਾਈਸ–ਜੈੱਟ, ਬਲੂ ਡਾਰਟ ਤੇ ਇੰਡੀਗੋ ਵਪਾਰਕ ਆਧਾਰ ਉੱਤੇ ਮਾਲ–ਵਾਹਕ ਉਡਾਨਾਂ ਅਪਰੇਟ ਕਰ ਰਹੀਆਂ ਹਨ। ਸਪਾਈਸ–ਜੈੱਟ ਨੇ 24 ਮਾਰਚ ਤੋਂ 13 ਅਪ੍ਰੈਲ, 2020 ਤੱਕ 315 ਮਾਲ–ਵਾਹਕ ਉਡਾਨਾਂ ਅਪਰੇਟ ਕਰਦਿਆਂ 4,50,139 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਤੇ 2,645 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ। ਇਨ੍ਹਾਂ ’ਚੋਂ 100 ਅੰਤਰਰਾਸ਼ਟਰੀ ਮਾਲ–ਵਾਹਕ ਉਡਾਨਾਂ ਸਨ। ਬਲੂ ਡਾਰਟ ਨੇ 25 ਮਾਰਚ ਤੋਂ 13 ਅਪ੍ਰੈਲ 2020 ਤੱਕ ਦੌਰਾਨ 104 ਘਰੇਲੂ ਮਾਲ–ਵਾਹਕ ਉਡਾਨਾਂ ਅਪਰੇਟ ਕਰਦਿਆਂ 1,01,042 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਤੇ 1,636 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ। ਇੰਡੀਗੋ ਨੇ 3 ਤੋਂ 13 ਅਪ੍ਰੈਲ 2020 ਤੱਕ 25 ਮਾਲ–ਵਾਹਕ ਉਡਾਨਾਂ ਅਪਰੇਟ ਕਰਦਿਆਂ 21,906 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਅਤੇ 21.77 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ। ਇਸ ਵਿੱਚ ਸਰਕਾਰ ਲਈ ਬਿਲਕੁਲ ਮੁਫ਼ਤ ਕੀਤੀਆਂ ਜਾਣ ਵਾਲੀਆਂ ਮੈਡੀਕਲ ਸਪਲਾਈਜ਼ ਵੀ ਸ਼ਾਮਲ ਹਨ।

ਅੰਤਰਰਾਸ਼ਟਰੀ ਖੇਤਰ

ਏਅਰ ਇੰਡੀਆ ਨੇ ਪਹਿਲੀ ਉਡਾਨ ਮੁੰਬਈ ਤੇ ਲੰਡਨ ਤੱਕ ਦੀ ਪਹਿਲੀ ਉਡਾਨ 13 ਅਪ੍ਰੈਲ ਨੂੰ ਅਪਰੇਟ ਕਰਦਿਆਂ 28.95 ਟਨ ਫਲ ਤੇ ਸਬਜ਼ੀਆਂ ਲੰਦਨ ਤੱਕ ਪਹੁੰਚਾਈਆਂ ਅਤੇ ਵਾਪਸੀ ਉੱਤੇ 15.6 ਟਨ ਆਮ ਮਾਲ–ਸਮੱਗਰੀ ਵੀ ਲਿਆਂਦੀ। ਏਅਰ ਇੰਡੀਆ ਹੋਰਨਾਂ ਦੇਸ਼ਾਂ ਨੂੰ, ਜ਼ਰੂਰਤ ਅਨੁਸਾਰ, ਅਹਿਮ ਮੈਡੀਕਲ ਸਪਲਾਈਜ਼ ਦੀ ਟ੍ਰਾਂਸਫ਼ਰ ਲਈ ਸਮਰਪਿਤ ਮਾਲ–ਵਾਹਕ ਉਡਾਨਾਂ ਅਪਰੇਟ ਕਰੇਗੀ। ਦੱਖਣੀ ਏਸ਼ੀਆ ’ਚ ਏਅਰ ਇੰਡੀਆ ਨੇ 7 ਅਪ੍ਰੈਲ, 2020 ਨੂੰ 9 ਟਨ ਅਤੇ 8 ਅਪ੍ਰੈਲ 2020 ਨੂੰ ਕੋਲੰਬੋ ਤੱਕ 4 ਟਨ ਮਾਲ ਦੀ ਸਪਲਾਈ ਕੀਤੀ।

ਫ਼ਾਰਮਾਸਿਊਟੀਕਲਜ਼, ਮੈਡੀਕਲ ਉਪਕਰਣਾਂ ਤੇ ਕੋਵਿਡ–19 ਦੀ ਰਾਹਤ ਸਮੱਗਰੀ ਦੀ ਢੋਆ–ਢੁਆਈ ਲਈ 4 ਅਪ੍ਰੈਲ, 2020 ਤੋਂ ਇੱਕ ਹਵਾਈ–ਪੁਲ ਦੀ ਸਥਾਪਨਾ ਕੀਤੀ ਗਈ ਹੈ। ਲਿਆਂਦੇ ਗਏ ਮੈਡੀਕਲ ਸਮਾਨ ਦੀ ਮਿਤੀ–ਕ੍ਰਮ ਅਨੁਸਾਰ ਮਾਤਰਾ ਨਿਮਨਲਿਖਤ ਅਨੁਸਾਰ ਹੈ:

ਸਪਾਈਸ–ਜੈੱਟ ਵੱਲੋਂ ਘਰੇਲੂ ਕਾਰਗੋ (13.4.2020 ਨੂੰ)

ਸਪਾਈਸ–ਜੈੱਟ ਵੱਲੋਂ ਅੰਤਰਰਾਸ਼ਟਰੀ ਕਾਰਗੋ (13.4.2020 ਨੂੰ)

ਬਲੂ ਡਾਰਟ ਕਾਰਗੋ ਅਪਲਿਫ਼ਟ (13.4.2020 ਨੂੰ)

*****

ਆਰਜੇ/ਐੱਨਜੀ