সিভিল এভিয়েসন মন্ত্রালয় অমসুং এভিয়েসন ইন্দস্ত্রীনা ভারত অমসুং মপান্দা মেদিকেল এয়র কার্গো ত্রান্সপোর্ত তৌদুনা কোবিদ-১৯গী মায়োক্তা চত্থরিবা ভারতকী লান্দা মতেং পাংলি। কোবিদ-১৯গী মায়োক্তা চত্থরিবা ভারতকী লান্দা মতেং পাংনবগীদমক লৈবাক অসিগী মনুং হুঞ্জিনবা মফমশিংদা মরুওইবা মেদিকেল কার্গো ত্রান্সপোর্ত তৌনবা সিভিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি। লাইফলাইন উরানগী মখাদা এয়র ইন্দিয়া, এলাইন্স এয়র, আই.এ.এফ. অমসুং প্রাইভেৎ কেরিয়রশিংনা ফ্লাইৎ ২২৭ ওপরেৎ তৌরি। ফ্লাইৎশিং অসিগী মনুংদা ১৩৮দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাউরাক্না তন ৪০৭.৪০নি। ঙসি ফাওবদা লাইফলাইন উরান্না পাইখিবা এরিয়েল অরাপ্পা অসি কিলোমীতর ২,২০,১২৯নি। কোবিদ থেংনরিবা লান্মীশিংনা অখন্ননা অৱাং-নোংপোক অমসুং মনুং হুঞ্জিনবা মফমশিংদা সপ্লাই ফংহন্নবা মখা তানা থবক তৌরি।

লাইফলাইন উরান ফ্লাইৎশিংগী তাং মতুং ইনবা ৱারোল মখাদা পীরি:

ক্রিতিকেল মেদিকেল কার্গো অমসুং অনাবশিং ত্রান্সপোর্ত তৌনবগীদমক জম্মু অমসুং কাশ্মির, লাদাখ, ইথৎশিং অমসুং অৱাং নোংপোক লমদমদা পাৱন হন্স য়াওনা হেলিকোপতর শর্বিসশিং ওপরেৎ তৌরি।

দোমেস্তিক লাইফলাইন উরান কার্গোদা কোবিদ-১৯গা মরী লৈনবা রিএজেন্তশিং, এঞ্জাইমশিং, মেদিকেল ইক্বিপমেন্ত, তেস্তিং কিৎস অমসুং পি.পি.ই., মাস্ক, গ্লোব অমদি ঐচ.এল.এল.গী অতোপ্পা পোৎলমশিং অমদি রাজ্য/য়ুনিয়ন তেরিতোরী সরকারশিংনা হায়জরকপা কার্গো অমসুং পোস্তেল পেকেৎশিং য়াওরি।

দোমেস্তিক কার্গো ওপরেতরশিং ব্লু দার্ত, স্পাইস জেৎ অমসুং ইন্দিগোনা কমর্সিয়েল বেসিসতা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী মার্চ ২৪দগী এপ্রিল ১৩ ফাওবগী মনুংদা কার্গো ফ্লাইৎ ৩১৫ ওপরেৎ তৌবগা লোয়ননা কার্গো তন ২৬৪৫ পুদুনা কিলোমীতর ৪,৫০,১৩৯গী অরাপ্পা কভর তৌখি। মদুগী মনুংদা ১০০দি ইন্তর্নেস্নেল কার্গো ফ্লাইৎশিংনি। ব্লু দার্তনা ২০২০গী মার্চ ২৫দগী এপ্রিল ১৩ ফাওবগী মনুংদা দোমেস্তিক কার্গো ফ্লাইৎ ১০৪  ওপরেৎ তৌবগা লোয়ননা কার্গো তন ১৬৩৬ পুদুনা কিলোমীতর ১,০১,০৪২গী অরাপ্পা কভর তৌখি। ইন্দিগোনা ২০২০গী এপ্রিল ৩-১৩ ফাওবগী মনুংদা কার্গো ফ্লাইৎ ২৫ ওপরেৎ তৌবগা লোয়ননা কার্গো তন ২১.৭৭ পুদুনা কিলোমীতর ২১,৯০৬গী অরাপ্পা কভর তৌখি। মসিদা সরকারগীদমক মমল লৌদনা মেদিকেল সপ্লাই পুবা য়াওরি।

ইন্তর্নেস্নেল সেক্তর

এয়র ইন্দিয়ানা এপ্রিল ১৩দা মুম্বাই অমসুং লন্দনগী মরক্তা অহানবা ফ্লইত ওপরেৎ তৌদুনা তন ২৮.৯৫গী উহ অমসুং মনা-মশিং পুখি অমদি জেনরেল কার্গো মেতরিয়েল তন ১৫.৬কা লোয়ননা হল্লকখি। এয়র ই্ন্দিয়ানা দরকারগী মতুং ইন্না ক্রিতিকেল মেদিকেল সপ্লাইশিং ত্রান্সফর তৌনবগীদমক অতোপ্পা লৈবাকশিংদা কত্থোক্লবা সেদ্যুল কার্গো ফ্লাইৎশিং ওপরেৎ তৌগনি। সউথ এসিয়া মনুংদা এয়র ইন্দিয়ানা কোলম্বোদা ২০২০গী এপ্রিল ৭তা সপ্লাই চাউরাক্না তন ৯ অমসুং ২০২০গী এপ্রিল ৮দা তন ৪ ত্রান্সপোর্ত তৌখি।

ফার্মাতিকেল, মেদিকেল ইক্বিপমেন্ত অমসুং কোবিদ-১৯ রিলিফ মেতরিয়েলগী ত্রান্সপোর্তেসনগীদমক ২০২০গী এপ্রিল ৪দগী হৌরগা এয়র-ব্রিজ অমা হৌদোক্লে। তাং-তারিক্কী ওইবা পুরকখিবা মেদিকেল কার্গোগী চাং মখাদা লৈরে:

স্পাইস জেৎকী দোমেস্তিক কার্গো  (১৩.৪.২০২০দা)

স্পাইস জেৎকী ইন্তর্নেস্নেল কার্গো (১৩.৪.২০২০দা)

ব্লু দার্ত কার্গো অপলিফ (১৩.৪.২০২০দা)