ಹಣಕಾಸಿನ ಸ್ಥಿರತೆಯನ್ನು ಕಾಪಾಡಲು ಮತ್ತು ಅಗತ್ಯವಿರುವವರಿಗೆ ಹಣ ದೊರೆಯುವಂತೆ ಮಾಡಲು ಸಹಕಾರಿಯಾದ ಎರಡನೇ ಕ್ರಮಗಳ ಪಟ್ಟಿಯನ್ನು ಪ್ರಕಟಿಸಿದ ಆರ್‌ಬಿಐ

ಕೋವಿಡ್‌-19 ನಿರ್ವಹಿಸಲು ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಹೆಚ್ಚು ಸಾಲ ಪಡೆಯಲು ಅವಕಾಶ ನೀಡಲಾಗಿದೆ

ರಿವರ್ಸ್ ರೆಪೊ ದರವನ್ನು ಶೇ.4.0 ರಿಂದ ಶೇ. 3.75ಕ್ಕೆ ಇಳಿಸಲಾಗಿದೆ

ಎನ್‌ ಬಿ ಎಫ್‌ ಸಿ ಮತ್ತು ರಿಯಲ್ ಎಸ್ಟೇಟ್ ವಲಯಕ್ಕೆ ವಿನಾಯಿತಿ ಒದಗಿಸಲಾಗಿದೆ

2021-22 ರಲ್ಲಿ ಭಾರತವು ಶೇ.7.4 ರಷ್ಟು ಬೆಳೆಯುವ ನಿರೀಕ್ಷೆಯಿದ್ದು, ನಾವು ಸಹಿಷ್ಣುತೆ ಹೊಂದುತ್ತೇವೆ ಮತ್ತು ಪರಿಹಾರ ಕಂಡುಕೊಳ್ಳುತ್ತೇವೆ: ಆರ್‌ಬಿಐ ಗರ್ವನರ್‌
 

"…ಸಾವಿನ ಮಧ್ಯೆ ಜೀವನ ಮುಂದುವರಿಯುತ್ತದೆ, ಸುಳ್ಳಿನ ಮಧ್ಯೆ ಸತ್ಯ ಮುಂದುವರಿಯುತ್ತದೆ, ಕತ್ತಲೆಯ ಮಧ್ಯದಲ್ಲಿ ಬೆಳಕು ಮುಂದುವರಿಯುತ್ತದೆ"- ಮಹಾತ್ಮಾ ಗಾಂಧಿ. 1931ರ ಅಕ್ಟೋಬರ್‌ನಲ್ಲಿ ಲಂಡನ್ನಿನ ಪ್ರಸಿದ್ಧ ಕಿಂಗ್ಸ್ಲೆ ಹಾಲ್‌ನಲ್ಲಿ ಮಾಡಿದ ಭಾಷಣ,

ಈ ಮೇಲಿನ ನುಡಿಗಳ ಮೂಲಕ ಭಾರತೀಯ ರಿಸರ್ವ್ ಬ್ಯಾಂಕ್ ಗವರ್ನರ್ ಶ್ರೀ ಶಕ್ತಿಕಾಂತ ದಾಸ್ ತಮ್ಮ ಮಾತುಗಳನ್ನು ಆರಂಭಿಸಿದರು. ಬಳಲುತ್ತಿರುವ ದೇಶೀಯ ಆರ್ಥಿಕತೆಯನ್ನು ಪುನರುಜ್ಜೀವನಗೊಳಿಸಲು ಒಂಬತ್ತು ಕ್ರಮಗಳನ್ನು ಘೋಷಿಸಿದರು. ಇದು 2020ರ ಮಾರ್ಚ್ 27ರಂದು ಆರ್‌ಬಿಐ ಘೋಷಿಸಿದ ಹಿಂದಿನ ಕ್ರಮಗಳನ್ನು ಅನುಸರಿಸುತ್ತದೆ. ಆನ್‌ಲೈನ್‌ ಮೂಲಕ ಪ್ರಕಟಣೆ ಹೊರಡಿಸಿದ ಗವರ್ನರ್ ಅವರು, ಜಗತ್ತನ್ನು ಮಾರಣಾಂತಿಕವಾಗಿ ಅಪ್ಪಿಕೊಂಡಿರುವ ಕೋವಿಡ್‌ 19 ಸಾಂಕ್ರಾಮಿಕ ರೋಗವನ್ನು ನಿವಾರಿಸುವ ಸಂಕಲ್ಪದಿಂದ ಮಾನವ ಚೈತನ್ಯವನ್ನು ಬೆಳಗಿಸಲಾಗುತ್ತದೆ ಎಂದು ಹೇಳಿದರು.

ಹೆಚ್ಚುವರಿ ಕ್ರಮಗಳನ್ನು ಗುರಿಯಾಗಿರಿಸಿಕೊಳ್ಳಲಾಗಿದೆ ಎಂದು ಆರ್‌ಬಿಐ ಗವರ್ನರ್ ತಿಳಿಸಿದ್ದಾರೆ:

• ಕೋವಿಡ್‌-19 ಸಂಬಂಧಿತ ಜೋಡಣೆಗಳ ಹಿನ್ನೆಲೆಯಲ್ಲಿ ವ್ಯವಸ್ಥೆ ಮತ್ತು ಅದರ ಘಟಕಗಳಲ್ಲಿ ಸಾಕಷ್ಟು ಲಿಕ್ವಿಡಿಟಿಯನ್ನು ಕಾಪಾಡಿಕೊಳ್ಳಬೇಕು
• ಬ್ಯಾಂಕ್ ಸಾಲದ ಹರಿವನ್ನು ಸುಗಮಗೊಳಿಸಬೇಕು ಮತ್ತು ಉತ್ತೇಜಿಸಬೇಕು
• ಆರ್ಥಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಬೇಕು ಮತ್ತು
• ಮಾರುಕಟ್ಟೆಗಳ ಸಾಮಾನ್ಯ ಕಾರ್ಯವನ್ನು ಸಕ್ರಿಯಗೊಳಿಸಬೇಕು

ಸಾಂಕ್ರಾಮಿಕ ರೋಗದಿಂದ ಎದುರಾಗುವ ಸವಾಲುಗಳನ್ನು ಎದುರಿಸಲು ಕೇಂದ್ರೀಯ ಬ್ಯಾಂಕ್ ತನ್ನ ಎಲ್ಲ ಸಾಧನಗಳನ್ನು ಉಪಯೋಗಿಸುತ್ತದೆ ಎಂದು ಗವರ್ನರ್ ಹೇಳಿದರು. ಎಲ್ಲ ಮಧ್ಯಸ್ಥಗಾರರಿಗೆ ಅದರಲ್ಲೂ ವಿಶೇಷವಾಗಿ ಅನನುಕೂಲಕರ ಮತ್ತು ದುರ್ಬಲರಿಗೆ ಹಣಕಾಸು ಹರಿವನ್ನು ಖಾತ್ರಿಪಡಿಸಿಕೊಳ್ಳಲು ಸಹಾಯ ಒದಗಿಸುವುದು ಉದ್ದೇಶವಾಗಿದೆ ಎಂದು ಅವರು ಹೇಳಿದರು. ರಾಷ್ಟ್ರವು ಪ್ರಸ್ತುತ ಪರಿಸ್ಥಿತಿಯಲ್ಲಿ ಸಮಸ್ಯೆಗಳಿಗೆ ನಿವಾರಣೆಯನ್ನು ಕಂಡುಕೊಳ್ಳುತ್ತದೆ ಹಾಗೂ ಸಹಿಷ್ಣುತೆಯನ್ನು ಅಳವಡಿಸಿಕೊಳ್ಳುತ್ತದೆ ಎಂಬ ಭರವಸೆ ವ್ಯಕ್ತಪಡಿಸಿದರು.

ಗವರ್ನರ್ ಅವರು ಇಂದು ಹೊರಡಿಸಿದ ಒಂಭತ್ತು ಪ್ರಕಟಣೆಗಳ ಅವಲೋಕನ ಈ ಮುಂದಿನಂತಿದೆ. ಗವರ್ನರ್ ಅವರ ಪೂರ್ಣ ಹೇಳಿಕೆಯನ್ನು ಇಲ್ಲಿ ಓದಬಹುದು.

ಲಿಕ್ವಿಡಿಟಿ ನಿರ್ವಹಣೆ

1) ಉದ್ದೇಶಿತ ದೀರ್ಘಕಾಲೀನ ಕಾರ್ಯಾಚರಣೆಗಳು (ಟಿಎಲ್‌ ಟಿಆರ್‌ಒ) 2.0

50,000 ಕೋಟಿ ರೂ.ನ ಆರಂಭಿಕ ಒಟ್ಟು ಮೊತ್ತದ ಉದ್ದೇಶಿತ ದೀರ್ಘಕಾಲೀನ ರೆಪೋ ಕಾರ್ಯಾಚರಣೆಗಳ ಎರಡನೇ ಪಟ್ಟಿ ನಿಯೋಜನೆಯಾಗಿದೆ. ಕೋವಿಡ್19ರಿಂದ ಎದುರಾಗುವ ಅಡೆತಡೆಗಳಿಂದ ಹೆಚ್ಚು ಪರಿಣಾಮ ಅನುಭವಿಸುವ ಎನ್‌ಬಿಎಫ್‌ಸಿ ಮತ್ತು ಎಂಎಫ್‌ಐ ಸೇರಿದಂತೆ ಸಣ್ಣ ಮತ್ತು ಮಧ್ಯಮ ಗಾತ್ರದ ಕಾರ್ಪೊರೇಟ್‌ಗಳಿಗೆ ಹಣದ ಹರಿವನ್ನು ಸರಾಗಗೊಳಿಸಲು ಈ ಕ್ರಮವನ್ನು ಕೈಗೊಳ್ಳಲಾಗುತ್ತಿದೆ. ಟಿಎಲ್‌ಟಿಆರ್‌ಒ 2.0 ಅಡಿಯಲ್ಲಿ ಬ್ಯಾಂಕುಗಳು ಪಡೆಯುವ ಹಣವನ್ನು ಹೂಡಿಕೆ ದರ್ಜೆಯ ಬಾಂಡ್‌ಗಳು, ವಾಣಿಜ್ಯಪತ್ರ ಮತ್ತು ಬ್ಯಾಂಕೇತರ ಹಣಕಾಸು ಕಂಪನಿಗಳ (ಎನ್‌ಬಿಎಫ್‌ಸಿ) ಪರಿವರ್ತಿಸಲಾಗದ ಡಿಬೆಂಚರ್‌ಗಳಲ್ಲಿ ಹೂಡಿಕೆ ಮಾಡಬೇಕು. ಒಟ್ಟು ಮೊತ್ತದ ಕನಿಷ್ಠ ಶೇ. 50ರಷ್ಟು ಸಣ್ಣ ಮತ್ತು ಮಧ್ಯಮ ಗಾತ್ರದ ಎನ್‌ಬಿಎಫ್‌ಸಿ ಮತ್ತು ಸೂಕ್ಷ್ಮ ಹಣಕಾಸು ಸಂಸ್ಥೆ (ಎಂಎಫ್‌ಐ)ಗಳಿಗೆ ಹೋಗುತ್ತದೆ

2) ಅಖಿಲ ಭಾರತ ಹಣಕಾಸು ಸಂಸ್ಥೆಗಳಿಗೆ ಮರುಹಣಕಾಸು ಸೌಲಭ್ಯಗಳು

ವಲಯ ಸಾಲ ಅಗತ್ಯತೆಗಳನ್ನು ಪೂರೈಸಲು ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ (ನಬಾರ್ಡ್), ಸಣ್ಣ ಕೈಗಾರಿಕಾ ಅಭಿವೃದ್ಧಿ ಬ್ಯಾಂಕ್ (ಎಸ್‌ಐಡಿಬಿಐ) ಮತ್ತು ರಾಷ್ಟ್ರೀಯ ವಸತಿ ಬ್ಯಾಂಕ್ (ಎನ್‌ಎಚ್‌ಬಿ)ಗಳಿಗೆ ವಿಶೇಷ ಮರುಹಣಕಾಸು ಸೌಲಭ್ಯಗಳಡಿ 50,000 ಕೋಟಿ ರೂ.ಗಳನ್ನು ಮೀಸಲಿರಿಸಲಾಗಿದೆ.  ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳು(ಆರ್‌ಆರ್‌ಬಿ), ಸಹಕಾರಿ ಬ್ಯಾಂಕುಗಳು ಮತ್ತು ಸೂಕ್ಷ್ಮ ಹಣಕಾಸು ಸಂಸ್ಥೆಗಳಿಗೆ(ಎಂಎಫ್‌ಐ) ಮರು ಹಣಕಾಸು ನೀಡಲು ನಬಾರ್ಡ್‌‌ಗೆ 25,000 ಕೋಟಿ ರೂ, ಸಾಲ ಅಥವಾ ಮರುಹಣಕಾಸು ನೀಡಲು ಎಸ್‌ಐಡಿಬಿಗೆ 15,000 ಕೋಟಿ ರೂ. ಹಾಗೂ ವಸತಿ ಹಣಕಾಸು ಸಂಸ್ಥೆಗಳನ್ನು ಬೆಂಬಲಿಸಲು ಎನ್‌ಎಚ್‌ಬಿಗೆ 10,000 ಕೋಟಿ ರೂ.ಗಳಂತೆ ನಿಯೋಜನೆಯಾಗಿದೆ.

ಪ್ರಸ್ತುತ ಕೋವಿಡ್-19ನ ಕಷ್ಟಕರ ಸಮಯದಲ್ಲಿ ಆರ್ಥಿಕ ಪರಿಸ್ಥಿತಿಗಳ ದೃಷ್ಟಿಯಿಂದ ಈ ಸಂಸ್ಥೆಗಳು ಮಾರುಕಟ್ಟೆಯಿಂದ ಹಣಕಾಸು ಸಂಗ್ರಹಿಸಲು ತೊಂದರೆ ಅನುಭವಿಸುತ್ತಿವೆ. ಆದ್ದರಿಂದ ಈ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ. ಸಾಲಗಾರರಿಗೆ ಕೈಗೆಟುಕುವ ದರದಲ್ಲಿ ಸಾಲವನ್ನು ನೀಡಲು ಅನುವು ಮಾಡಿಕೊಡುವ ಉದ್ದೇಶದಿಂದ ಈ ಸೌಲಭ್ಯದಡಿ ಮುಂಗಡಗಳನ್ನು ಆರ್‌ಬಿಐನ ಪಾಲಿಸಿ ರೆಪೊ ದರದಲ್ಲಿ ಪಡೆಯುವ ಸಮಯದಲ್ಲಿ ವಿಧಿಸಲಾಗುತ್ತದೆ ಎಂದು ಗರ್ವನರ್‍ ತಿಳಿಸಿದ್ದಾರೆ.

3) ಲಿಕ್ವಿಡಿಟಿ ಹೊಂದಾಣಿಕೆ ಸೌಲಭ್ಯದಡಿ ರಿವರ್ಸ್ ರೆಪೊ ದರವನ್ನು ಕಡಿಮೆ ಮಾಡುವುದು

ಆರ್ಥಿಕತೆಯ ಉತ್ಪಾದಕ ಕ್ಷೇತ್ರಗಳಲ್ಲಿನ ಹೂಡಿಕೆ ಮತ್ತು ಸಾಲಗಳಲ್ಲಿ ಹೆಚ್ಚುವರಿ ಹಣವನ್ನು ನಿಯೋಜಿಸಲು ಬ್ಯಾಂಕುಗಳನ್ನು ಉತ್ತೇಜಿಸುವ ಉದ್ದೇಶದಿಂದ ರಿವರ್ಸ್ ರೆಪೊ ದರವನ್ನು 25 ಬೇಸಿಸ್ ಪಾಯಿಂಟ್‌ಗಳು ಅಂದರೆ ಶೇ.4.0 ರಿಂದ ಶೇ.3.75ಕ್ಕೆ ಇಳಿಸಲಾಗಿದೆ.

ಸರ್ಕಾರದ ನಿರಂತರ ಖರ್ಚು ಮತ್ತು ಆರ್‌ಬಿಐ ಕೈಗೊಂಡ ಲಿಕ್ವಿಡಿಟಿ ಹೆಚ್ಚಿಸುವ ವಿವಿಧ ಕ್ರಮಗಳಿಂದ ಗಮನಾರ್ಹವಾಗಿ ಏರಿಕೆಯಾಗಿರುವ ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿನ ಹೆಚ್ಚು ಲಿಕ್ವಿಡಿಟಿ ಉಂಟಾಗಿರುವುದರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಗರ್ವನರ್‍ ವಿವರಿಸಿದರು.

4) ಮಾರ್ಗಗಳ ಮಿತಿಯನ್ನು ಹೆಚ್ಚಿಸುವುದು ಮತ್ತು ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಸಂಪತ್ತಿನ ಬೆಳವಣಿಗೆ

ಕೋವಿಡ್-19 ಅನ್ನು ತಗ್ಗಿಸುವ ಪ್ರಯತ್ನಗಳನ್ನು ಕೈಗೊಳ್ಳಲು ರಾಜ್ಯಗಳಿಗೆ ಹೆಚ್ಚಿನ ಸೌಕರ್ಯ ಒದಗಿಸುವ ಉದ್ದೇಶದಿಂದ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ನೀಡುವ ವೇಸ್ ಮತ್ತು ಮೀನ್ಸ್ ಮುಂಗಡಗಳ (WMA) ಮಿತಿಯನ್ನು 2020 ರ ಮಾರ್ಚ್ 31 ರಿಂದ ಅನ್ವಯವಾಗುವಂತೆ ಶೇ.60ಕ್ಕೆ ಹೆಚ್ಚಿಸಲಾಗಿದೆ. ತಮ್ಮ ಮಾರುಕಟ್ಟೆ ಸಾಲ ಕಾರ್ಯಕ್ರಮಗಳನ್ನು ಉತ್ತಮವಾಗಿ ಯೋಜಿಸಲು ಸಹಾಯ ಮಾಡುವುದೂ ಇದರ ಮತ್ತೊಂದು ಉದ್ದೇಶವಾಗಿದೆ.

ಡಬ್ಲ್ಯುಎಂಎಗಳು ತಾತ್ಕಾಲಿಕ ಸಾಲ ಸೌಲಭ್ಯಗಳಾಗಿದ್ದು, ಪಾವತಿ ಮತ್ತು ಖರ್ಚಿನಲ್ಲಿ ತಾತ್ಕಾಲಿಕ ಹೊಂದಾಣಿಕೆಯಾಗದಂತೆ ಸರ್ಕಾರಗಳು ಸಹಾಯ ಮಾಡುತ್ತವೆ. ಈ ಹೆಚ್ಚಿನ ಮಿತಿಯು 2020ರ ಸೆಪ್ಟೆಂಬರ್‌ 30ರವರೆಗೆ ಲಭ್ಯವಿರುತ್ತದೆ.

ನಿಯಂತ್ರಕ ಕ್ರಮಗಳು

2020ರ ಮಾರ್ಚ್ 27ರಂದು ಆರ್‌ಬಿಐ ಘೋಷಿಸಿದ ಕ್ರಮಗಳ ಜತೆಗೆ, ಸಾಂಕ್ರಾಮಿಕ ರೋಗದ ಹಿನ್ನೆಲೆಯಲ್ಲಿ ಸಾಲಗಾರರ ಹೊರೆ ಕಡಿಮೆ ಮಾಡಲು ಬ್ಯಾಂಕ್ ಹೆಚ್ಚುವರಿ ನಿಯಂತ್ರಣ ಕ್ರಮಗಳನ್ನು ಘೋಷಿಸಿತ್ತು.

5) ಆಸ್ತಿ ವರ್ಗೀಕರಣ

ವಸೂಲಾಗದ ಸಾಲ (ಎನ್‌ಪಿಎ)ದ ಮಾನ್ಯತೆಗೆ ಸಂಬಂಧಿಸಿದಂತೆ, ಸ್ವತ್ತುಗಳನ್ನು ಎನ್‌ಪಿಎ ಎಂದು ವರ್ಗೀಕರಿಸುವಾಗ 2020 ರ ಮಾರ್ಚ್ 27ರಂದು ಆರ್‌ಬಿಐ ಹೊರಡಿಸಿದ ಪ್ರಕಟಣೆ ಪ್ರಕಾರ ಸಾಲ ನೀಡುವ ಸಂಸ್ಥೆಗಳಿಗೆ ಅನುದಾನ ನೀಡಲು ಅನುಮತಿ ನೀಡಿರುವ ಪಾವತಿ ನಿಷೇಧದ ಅವಧಿಯನ್ನು ಪರಿಗಣಿಸಲಾಗುವುದಿಲ್ಲ ಎಂದು ಕೇಂದ್ರ ಬ್ಯಾಂಕ್ ನಿರ್ಧರಿಸಿದೆ. ಅಂದರೆ, ಸಾಲ ನೀಡುವ ಸಂಸ್ಥೆಗಳು ಮುಂದೂಡಿಕೆ ನೀಡಲು ನಿರ್ಧರಿಸಿದ ಮತ್ತು ಮಾರ್ಚ್ 1, 2020ರ ವೇಳೆಗೆ ಪ್ರಮಾಣಿತವಾಗಿದ್ದ ಆ ಖಾತೆಗಳಿಗೆ 90 ದಿನಗಳ ಎನ್‌ಪಿಎ ಮಾನದಂಡವನ್ನು ಪರಿಗಣಿಸುವಾಗ ನಿಷೇಧದ ಅವಧಿಯನ್ನು ಹೊರಗಿಡಲಾಗುತ್ತದೆ. ಅಂದರೆ ಮಾರ್ಚ್ 1 ರಿಂದ ಮೇ 31, 2020 ರವರೆಗೆ ಅಂತಹ ಖಾತೆಗಳಿಗೆ ಆಸ್ತಿ ವರ್ಗೀಕರಣ ಸ್ಥಗಿತವಾಗುತ್ತದೆ. ಎನ್‌ಬಿಎಫ್‌ಸಿಗಳು ತಮ್ಮ ಸಾಲಗಾರರಿಗೆ ಆ ರೀತಿಯ ಪರಿಹಾರವನ್ನು ಒದಗಿಸಲು ನಿಗದಿತ ಲೆಕ್ಕಪತ್ರ ಮಾನದಂಡಗಳ ಅಡಿಯಲ್ಲಿ ನಮ್ಯತೆಯನ್ನು ಹೊಂದಿರುತ್ತವೆ.

ಏಕಕಾಲದಲ್ಲಿ ಬ್ಯಾಂಕುಗಳು ಎಲ್ಲ ಖಾತೆಗಳಲ್ಲಿ ಶೇ.10 ಹೆಚ್ಚಿನ ನಿಬಂಧನೆಯನ್ನು ಕಾಯ್ದುಕೊಳ್ಳಲು ತಿಳಿಸಲಾಗಿದೆ. ಅವರ ವರ್ಗೀಕರಣವನ್ನು ಮೇಲಿನಂತೆ ಸ್ಥಗಿತಗೊಳಿಸಲಾಗಿದೆ. ಇದರಿಂದ ಬ್ಯಾಂಕುಗಳು ಸಾಕಷ್ಟು ಬಫರ್‌ಗಳನ್ನು ನಿರ್ವಹಿಸುತ್ತವೆ.

6) ಸಂಕಲ್ಪ ಸಮಯರೇಖೆಯ ವಿಸ್ತರಣೆ

ಎನ್‌ಪಿಎ ಆಗುವ ಸಾಧ್ಯತೆ ಇರುವ ಖಾತೆಗಳ ಪರಿಹಾರದ ಸವಾಲುಗಳನ್ನು ಗುರುತಿಸಿ, ಸಂಕಲ್ಪ ಯೋಜನೆಯ ಅನುಷ್ಠಾನದ ಅವಧಿಯನ್ನು 90 ದಿನಗಳವರೆಗೆ ವಿಸ್ತರಿಸಲಾಗಿದೆ. ಪ್ರಸ್ತುತ, ನಿಗದಿತ ವಾಣಿಜ್ಯ ಬ್ಯಾಂಕುಗಳು ಮತ್ತು ಇತರ ಹಣಕಾಸು ಸಂಸ್ಥೆಗಳು ಪೂರ್ವನಿಯೋಜಿತ ದಿನಾಂಕದಿಂದ 210 ದಿನಗಳಲ್ಲಿ ಸಂಕಲ್ಪ ಯೋಜನೆಯನ್ನು ಜಾರಿಗೊಳಿಸದಿದ್ದರೆ ಶೇಕಡಾ 20ರಷ್ಟು ಹೆಚ್ಚುವರಿ ಹಂಚಿಕೆಯನ್ನು ಹೊಂದಿರಬೇಕು.

7) ಲಾಭಾಂಶ ವಿತರಣೆ

ನಿಗದಿತ ವಾಣಿಜ್ಯ ಬ್ಯಾಂಕುಗಳು ಮತ್ತು ಸಹಕಾರಿ ಬ್ಯಾಂಕುಗಳು 2019-20ನೇ ಹಣಕಾಸು ವರ್ಷಕ್ಕೆ ಸಂಬಂಧಿಸಿದ ಲಾಭದಿಂದ ಯಾವುದೇ ಹೆಚ್ಚಿನ ಲಾಭಾಂಶವನ್ನು ಪಾವತಿಸಬಾರದು ಎಂದು ನಿರ್ಧರಿಸಲಾಗಿದೆ; 2019-20ರ ಆರ್ಥಿಕ ವರ್ಷದ ಎರಡನೇ ತ್ರೈಮಾಸಿಕದ ಕೊನೆಯಲ್ಲಿ ಬ್ಯಾಂಕುಗಳ ಆರ್ಥಿಕ ಸ್ಥಿತಿಯ ಆಧಾರದ ಮೇಲೆ ನಿರ್ಧಾರವನ್ನು ಪರಿಶೀಲಿಸಲಾಗುತ್ತದೆ. ಬ್ಯಾಂಕುಗಳು ಬಂಡವಾಳವನ್ನು ಸಂರಕ್ಷಿಸಲು ಅನುವು ಮಾಡಿಕೊಡಲು ಈ ರೀತಿ ಮಾಡಲಾಗಿದೆ, ಇದರಿಂದ ಅವರು ಆರ್ಥಿಕತೆಯನ್ನು ಬೆಂಬಲಿಸುವ ಸಾಮರ್ಥ್ಯವನ್ನು ಉಳಿಸಿಕೊಳ್ಳಬಹುದು.

8) ಲಿಕ್ವಿಡಿಟಿ ವ್ಯಾಪ್ತಿ ಅನುಪಾತದ ಅಗತ್ಯವನ್ನು ಕಡಿಮೆ ಮಾಡುವುದು

ವೈಯಕ್ತಿಕ ಸಂಸ್ಥೆಗಳ ಲಿಕ್ವಿಡಿಟಿ ಸ್ಥಾನವನ್ನು ಸುಧಾರಿಸಲು, ನಿಗದಿತ ವಾಣಿಜ್ಯ ಬ್ಯಾಂಕುಗಳಿಗೆ ಲಿಕ್ವಿಡಿಟಿ ವ್ಯಾಪ್ತಿ ಅನುಪಾತದ ಅಗತ್ಯವನ್ನು ತಕ್ಷಣದ ಪರಿಣಾಮದಿಂದ 100% ರಿಂದ 80% ಕ್ಕೆ ಇಳಿಸಲಾಗಿದೆ. ಇದನ್ನು ಕ್ರಮೇಣ ಎರಡು ಹಂತಗಳಲ್ಲಿ ಪುನಃಸ್ಥಾಪಿಸಲಾಗುತ್ತದೆ - 2020 ರ ಅಕ್ಟೋಬರ್ 1 ರ ವೇಳೆಗೆ 90% ಮತ್ತು ಏಪ್ರಿಲ್ 1, 2021 ರ ವೇಳೆಗೆ 100%.

9) ವಾಣಿಜ್ಯ ರಿಯಲ್ ಎಸ್ಟೇಟ್ ಯೋಜನೆಗಳಿಗೆ ಎನ್‌ಬಿಎಫ್‌ಸಿ ಸಾಲ

ವಾಣಿಜ್ಯ ಕಾರ್ಯಾಚರಣೆಗಳ ಪ್ರಾರಂಭದ ದಿನಾಂಕ(ಡಿಸಿಸಿಒ)ಕ್ಕೆ ಸಂಬಂಧಿಸಿದಂತೆ ವಾಣಿಜ್ಯ ರಿಯಲ್ ಎಸ್ಟೇಟ್ ಯೋಜನೆಗಳಿಗೆ ಸಾಲಕ್ಕಾಗಿ ಲಭ್ಯವಿರುವ ಉಪಚಾರವನ್ನು ಎನ್‌ಬಿಎಫ್‌ಸಿಗಳಿಗೆ ವಿಸ್ತರಿಸಲಾಗಿದ್ದು, ಇದರಿಂದ ಎನ್‌ಬಿಎಫ್‌ಸಿ ಮತ್ತು ರಿಯಲ್ ಎಸ್ಟೇಟ್ ಕ್ಷೇತ್ರಕ್ಕೆ ಪರಿಹಾರವನ್ನು ಒದಗಿಸಲು ಸಾಧ್ಯವಾಗುತ್ತದೆ. ಪ್ರಸ್ತುತ ಮಾರ್ಗಸೂಚಿಗಳ ಪ್ರಕಾರ, ಪ್ರಚಾರಕರ ನಿಯಂತ್ರಣ ಮೀರಿದೆ. ಆದ್ದರಿಂದ ವಿಳಂಬವಾದ ವಾಣಿಜ್ಯ ರಿಯಲ್ ಎಸ್ಟೇಟ್ ಯೋಜನೆಗಳಿಗೆ ಸಾಲಕ್ಕೆ ಸಂಬಂಧಿಸಿದಂತೆ ಡಿಸಿಸಿಒಯು ಸಾಮಾನ್ಯ ಕೋರ್ಸ್‌ನಲ್ಲಿ ಅನುಮತಿಸಲಾದ ಒಂದು ವರ್ಷದ ವಿಸ್ತರಣೆಯ ಮೇಲೆ ಪುನರ್‌ರಚನೆ ಮಾಡುವಂತೆ ಹೆಚ್ಚುವರಿ ಒಂದು ವರ್ಷದವರೆಗೆ ವಿಸ್ತರಿಸಬಹುದು.

ಪ್ರಸ್ತುತ ಆರ್ಥಿಕ ಪರಿಸ್ಥಿತಿಯನ್ನು ಮೌಲ್ಯಮಾಪನ ಮಾಡಿದ ಗರ್ವನರ್‍ ಸ್ಥೂಲ ಆರ್ಥಿಕ ದೃಶ್ಯವು ಹದಗೆಟ್ಟಿದೆ ಎಂದು ತಿಳಿಸಿದರು. ಕೆಲವು ಪ್ರದೇಶಗಳಲ್ಲಿ ಹೆಚ್ಚಾಗಿದೆ. ಆದರೆ ಇನ್ನೂ ಕೆಲವರಲ್ಲಿ ಬೆಳಕು ಧೈರ್ಯದಿಂದ ಹೊಳೆಯುತ್ತಿದೆ ಎಂದು ಹೇಳಿದರು.

ಐಎಂಎಫ್‌ನ ಜಾಗತಿಕ ಬೆಳವಣಿಗೆಯ ಪ್ರಕ್ಷೇಪಗಳ ಪ್ರಕಾರ, 2020ರಲ್ಲಿ, ಜಾಗತಿಕ ಆರ್ಥಿಕತೆಯು ಮಹಾ ಆರ್ಥಿಕ ಕುಸಿತದ ನಂತರದ ಅತ್ಯಂತ ಆರ್ಥಿಕ ಹಿಂಜರಿತಕ್ಕೆ ಧುಮುಕುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ಜಾಗತಿಕ ಆರ್ಥಿಕ ಬಿಕ್ಕಟ್ಟಿಗಿಂತ ಕೆಟ್ಟದಾಗಿರುತ್ತದೆ. ಪ್ರಸ್ತುತ ಪರಿಸ್ಥಿತಿಯಲ್ಲಿ, ಸಕಾರಾತ್ಮಕ ಬೆಳವಣಿಗೆ (1.9%) ಕಾಣುವ ನಿರೀಕ್ಷೆಯಿರುವ ಕೆಲವು ದೇಶಗಳಲ್ಲಿ ಭಾರತವೂ ಸೇರಿದೆ. ಜಿ-20 ಆರ್ಥಿಕತೆಗಳಲ್ಲಿ ಅತಿ ಹೆಚ್ಚು ಬೆಳವಣಿಗೆಯಾಗುತ್ತಿರುವ ಆರ್ಥಿಕತೆಯಾಗಿದೆ ಎಂದು ಅವರು ತಿಳಿಸಿದರು.

ಆರ್‌ಬಿಐ ಪ್ರಕಟಣೆಗಳ ಕುರಿತು ಮಾತನಾಡಿದ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು, ಈ ಕ್ರಮಗಳು ಲಿಕ್ವಿಡಿಟಿಯನ್ನು ಹೆಚ್ಚಿಸುತ್ತವೆ ಹಾಗೂ ಸಾಲ ಪೂರೈಕೆಯನ್ನು ಸುಧಾರಿಸುತ್ತವೆ ಎಂದು ಹೇಳಿದ್ದಾರೆ. ಈ ಕ್ರಮಗಳು ಸಣ್ಣ ಉದ್ಯಮಗಳು, ಎಂಎಸ್‌ಎಂಇಗಳು, ರೈತರು ಮತ್ತು ಬಡವರಿಗೆ ಸಹಾಯ ಮಾಡುತ್ತವೆ. ಡಬ್ಲ್ಯುಎಂಎ ಮಿತಿಗಳ ಹೆಚ್ಚಳದಿಂದಾಗಿ ಇದು ಎಲ್ಲ ರಾಜ್ಯಗಳಿಗೂ ಸಹಕಾರಿಯಾಗುತ್ತದೆ ಎಂದು ತಿಳಿಸಿದರು.

***