প্রধানমন্ত্রীগী লোইশঙ
প্রধান মন্ত্রী অমসুং ভুতানগী প্রধান মন্ত্রীগী মরক্তা তেলিফোন্দা ৱারী শানখ্রে
Posted On:
16 APR 2020 7:53PM by PIB Imphal
প্রধান মন্ত্রী শ্রী নরেন্দ্র মোদীনা ভুতানগী প্রধান মন্ত্রী (ল্যোনচেন) হিজ এক্সিলেন্সী দা. লোতে শেরিংগা ঙসি তেলিফোন্দা ৱারী শানখ্রে।
প্রধান মন্ত্রীনা অনিনা কোবিদ-১৯ লাইচৎনা মরম ওইদুনা ওইরিবা রিজনেলগী ফিভমদা খন্ন-নৈনখি অমদি মসিনা থোকহল্লিবশিং ঙাকথোক্নবা মখোয়-মখোয়গী সরকারশিংনা লৌখৎলিবা খোংথাংশিংগী মতাংদা অমনা অমদা পউদমখি।
প্রধান মন্ত্রীনা ভুতানগী নিংথৌ অমসুং ল্যোনচেন দা. শেরিংনা কিংদম মনুংদা ইনফেক্সন শন্দোরকপা হেঙ্গৎহন্দনবা মাংজিল থানা লুচিংলিবা অদু থাগৎপা ফোংদোকখি।
ল্যোনচেন দা. শেরিংনা প্রধান মন্ত্রীবু ভারতগুম্বা চাউখ্রবা লৈবাক অমগী মনুংদা লাইচৎ অসি লান্থেংনরিবা মতম অসিদা ফাওবা রিজনেলগী থাক্তা এন্তি-কোবিদ কোওর্দিনেসন প্রমোৎ তৌনবা লুচিংবগীদমক থাগৎপা ফোংদোকখি।
লুচিংবশিংনা সার্ক লৈবাকশিংগী লুচিংবশিংগী মরক্তা মার্চ ১৫দা য়ানখিবা অখন্নবা এরেঞ্জমেন্ত ইমপ্লিমেন্ত তৌবদা খুমাং চাউশিল্লিবা অদুদা নুংঙাইবা ফোংদোক্নখি।
প্রধান মন্ত্রীনা ভারত-ভুতান মরীগী লোইখম নাইদবা অমদি অখন্নবা মতৌ অদু ফোংদোকখি, অমদি ল্যোনচেনদা থাজবা পীখি মদুদি ভারতনা লাইচৎ অসিগী হকশেল অমসুং শেনমিৎলোনগী শাফু হন্থহন্নবগীদমক ভুতান্দা পাংবা য়াবা তেংবাং পুম্নমক পাংগনি।
প্রধান মন্ত্রীনা হিজ মেজেস্তী নিংথৌ, ল্যোনচেন দা. শেরিং অমসুং দ্রুক য়ুলগী মরূপ প্রজাশিংগী হকচাং ফবা অমসুং য়াইফ নুংঙাইবগীদমক য়াইফ পাউজেল পীখি।
(Release ID: 1615410)
Visitor Counter : 158
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam