ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

প্রধান মন্ত্রী শ্রী নরেন্দ্র মোদীনা ঙরাং জাতিদা ৱা ঙাংখিবদা ফোংদোকখিবগী মতুং ইন্না হকশেল অমসুং য়াইফ য়ুম্বাল মন্ত্রালয়না রাজ্য/য়ুনিয়ন তেরিতোরী পুম্নমক্তা মচা খায়বা দাইরেক্সনশিং ইশু তৌখ্রে।

কোবিদ-১৯ মেনেজ তৌবদা মীৎয়েং থম্বগা লোয়ননা লৈবাক অসিগী জিলা খুদিংমকপু মখাগীশিং অসিদা খায়দোক্লে:

• হোতস্পোৎ জিলাশিং,
• কেস রিপোর্ত তৌরকপগ লোয়ননা হোতস্পোৎ ওইদবা জিলাশিং, অমসুং

• গ্রীন জোন জিলাশিং

হোতস্পোৎ জিলাশিং অসিগী মরুওইবা ক্রাইতেরিয়াশিং অদুদি হৌজিক-হৌজিক অহেনবা কেসশিং রিপোর্ত তৌরিবা নত্ত্রগা কেসকী গ্রোথ রেৎ ৱাংবশিংনি।

কেবিনেৎ সেক্রেতরীনা ঙসি ভিদিও কনফরেন্সকী থোংদা রাজ্যশিংগী চিফ সেক্রেতরীশিং, হেল্থ সেক্রেতরীশিং, দি.জি.পি.শিং, দিস্ত্রিক্ত কলেক্তরশিং, ম্যুনিসিপাল কম্মিস্নারশিং, এস.পি.শিং, সি.এম.ও.শিং অমসুং অতোপ্পা ওফিসিয়েলশিংগা অৱাংবা থাক্কী য়েংশিনবগী মীফম অমা পাংথোকখি। ভিদিও কফরেন্স অদুগী মনুংদা হেতস্পোৎ অমসুং থিংনবা লালোংগী মতাংদা মমুৎ তানা ৱারী শানখি। মসিদসু নত্তনা অচৌবা ওউতব্রেক থিংনবা লালোং অমসুং কল্সতর থিংনবা লালোংগা মরী লৈননসু মচা খাইনা খন্ন-নৈনখি। মসিগী থিংনবা লালোংশিং অসিনা থিংগদবা জোন অমসুং বফর জোন মতৌ করম্না য়েক্কনি হায়বদু তাক্লি। অথিংবা থম্লিবা জোনশিং অসিদা মরুওইবা সর্বিসশিং খক্তা নত্তনা লেমহৌরিবশিংগী চত্থোক-চৎশিন্দা অথিংবা লৈগনি। কেসশিং এক্তিব ওইনা মোনিতর তৌগনি অমদি সেম্পলিং ক্রাইতেরিয়াগী মতুং ইন্না অথিংবা থম্লিবা জোন্দা অখন্নবা তিম্না য়েংশিনগনি। জোনশিং অসিদা সেম্পলশিং খোমজিনগনি অমদি তেস্ত তৌগনি। মসিগী মথক্তা বফর জোনশিংগীদমক আই.এল.আই. অমসুং এস.এ.আর.আই.গী কেস অমা হেক্তগী তেস্তিং হেল্থ ফেসিলিতী পুম্নমক্কী মতিক চাবা ওরিয়েন্তেসনগা লোয়ননা পাংথোক্কনি।

কন্তেক্ত পুম্নমক্কা লোয়ননা য়ুমথোং খুদিং সর্ভে পাংথোক্নবা অখন্নবা তিমশিং লিংখৎকনি। তিমশিং অসিদা হেল্থ স্তাফ, কোর্পোরেসন স্তাফ, রেদ ক্রোস, এন.এস.এস., এন.ৱাই.কে. অমসুং অতোপ্পা ভোলুন্তীয়রশিং য়াওগনি।

হোস্পিতালশিংবু মখাগী অসুম্না খায়দোক্নবসু জিলাশিংদা হায়খ্রে:

• মাইল্দ ওইবা কেসশিং নত্ত্রগা য়াম্না মাইল্দ ওইবা কেসশিংগীদমক কোবিদ কেয়র সেন্তরশিং
• ওক্সিজেন সপোর্ত মথৌ তাবা ক্লিনিকেল মোদরেৎ কেসশিংগীদমক কোবিদ কেয়র সেন্তরশিং
• ভেন্তিলেয়র সপোর্তকা লোয়ননা য়াম্না লুশিনবা কেসশিংগীদমক কোবিদ দেদিকেত্দ হোস্পিতালশিং

রাজ্যশিং অমসুং জিলাশিংবু পোজিতিব কনফার্ম ওইরবা কোবিদ নারবা মীওইশিংগীদমক ক্লিনিকেল মেনেজমেন্তদা মিৎয়েং থম্নবা অখন্ননা হায়খ্রে। এইম্স কোল সেন্তরশিংগা খুৎশম্নদুনা জিলাগী থাক্তা অনাবা খুদিংমক্কী ক্লিনিকেল মেনেজমেন্ত নুমিৎ খুদিংগী য়েংশিনগনি।

হৌজিক ফাওবা কেস অমত্তা রিপোর্ত তৌরক্তবা জিলাশিংসু ক্লস্তর কন্তেনমেন্ত প্লানশিংদা থবক তৌনবা পাউতাক পীখ্রে। ত্রান্সমিসনগী চেন থুগায়নবা কন্তেক্ত ত্রেসিং, মোনিতরিং অমসুং ক্লিনিকেল মেনেজমেন্তদা মিৎয়েং থম্বা মথৌ তাই। লৈবাক পুম্বদা লৈরিবা জিলা খুদিংমক্তা কন্তেনমেন্ত প্লান মান্ননা ইমপ্লিমেন্ত তৌনবা রাজ্যশিংদা হায়খ্রে।

আই.জি.ও.তি. প্লেৎফোর্মদা ফংলিবা ওনলাইন ত্রেনিং মেতরিয়েশিংনা কোবিদ-১৯দা থবক তৌরিবা স্তাফশিংগী কেপাসিতী বিলদিংদা মতেং পাংগনি।

ঙরাংদগী কেস ১০৭৬ হেঙ্গৎলকপগী রিপোর্ত তৌরকপগা লোয়ননা লৈবাক অসিদা কোবিদ-১৯গী কনফর্ম কেস অপুনবা মশিং ১১,৪৩৯ শুরে। ঙসি ফাওবদা মীওই ১৩০৬ ফিভম ফগৎলক্লবা মতুং দিসচার্জ তৌখ্রে অমদি মীওই পুন্না ৩৭৭ লৈখিদবগী রিপোর্ত তৌরকখ্রে। 

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .