ಕೋವಿಡ್-19 ಅಪ್ ಡೇಟ್ಸ್

ರಾಜ್ಯಗಳು/ ಯುಟಿಗಳೊಂದಿಗಿನ ಸಾಮೂಹಿಕ ಪ್ರಯತ್ನದ ಮೂಲಕ COVID-19 ತಡೆಗಟ್ಟುವಿಕೆ, ನಿಯಂತ್ರಣ ಮತ್ತು ನಿರ್ವಹಣೆಗಾಗಿ ಭಾರತ ಸರ್ಕಾರ ಹಲವಾರು ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ. ಇವುಗಳನ್ನು ನಿಯಮಿತವಾಗಿ ಉನ್ನತ ಮಟ್ಟದಲ್ಲಿ ಪರಿಶೀಲಿಸಲಾಗುತ್ತಿದೆ ಮತ್ತು ಮೇಲ್ವಿಚಾರಣೆ ಮಾಡಲಾಗುತ್ತಿದೆ. ಗೌರವಾನ್ವಿತ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ನಿನ್ನೆ ತಮ್ಮ ಭಾಷಣದಲ್ಲಿ ತಿಳಿಸಿರುವಂತೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಎಲ್ಲಾ ರಾಜ್ಯಗಳು/ ಕೇಂದ್ರಾಡಳಿತ ಪ್ರದೇಶಗಳಿಗೆ ವಿವರವಾದ ನಿರ್ದೇಶನಗಳನ್ನು ನೀಡಿದೆ.

ಕೋವಿಡ್-19 ನ್ನು ನಿರ್ವಹಿಸುವ ಉದ್ದೇಶದಿಂದ, ದೇಶದ ಪ್ರತಿಯೊಂದು ಜಿಲ್ಲೆಯನ್ನು ಹೀಗೆ ವಿಂಗಡಿಸಲಾಗಿದೆ:

• ಹಾಟ್ ಸ್ಪಾಟ್ ಜಿಲ್ಲೆಗಳು,
• ವರದಿಯಾದ ಪ್ರಕರಣಗಳೊಂದಿಗೆ ನಾನ್ ಹಾಟ್‌ಸ್ಪಾಟ್ ಜಿಲ್ಲೆಗಳು, ಮತ್ತು
• ಹಸಿರು ವಲಯದ ಜಿಲ್ಲೆಗಳು.

ಈ ಹಾಟ್‌ಸ್ಪಾಟ್ ಜಿಲ್ಲೆಗಳ ಮುಖ್ಯ ಮಾನದಂಡವೆಂದರೆ ಪ್ರಸ್ತುತ ಹೆಚ್ಚಿನ ಪ್ರಕರಣಗಳು ವರದಿಯಾಗುತ್ತಿವೆ ಅಥವಾ ಪ್ರಕರಣಗಳ ಬೆಳವಣಿಗೆಯ ದರವು ಹೆಚ್ಚು ಅಂದರೆ ಪ್ರಕರಣಗಳ ದ್ವಿಗುಣಗೊಳಿಸುವಿಕೆ ಕಡಿಮೆ ಇರುವುದು.

ಕ್ಯಾಬಿನೆಟ್ ಕಾರ್ಯದರ್ಶಿ ಇಂದು ಎಲ್ಲಾ ಮುಖ್ಯ ಕಾರ್ಯದರ್ಶಿಗಳು, ಆರೋಗ್ಯ ಕಾರ್ಯದರ್ಶಿಗಳು, ಡಿಜಿಪಿಗಳು, ಜಿಲ್ಲಾಧಿಕಾರಿಗಳು, ಪುರಸಭೆ ಆಯು ಕ್ತರು, ಎಸ್‌ಪಿಗಳು, ಸಿಎಮ್‌ಒಗಳು ಮತ್ತು ರಾಜ್ಯ / ಕೇಂದ್ರಾಡಳಿತ ಪ್ರದೇಶಗಳ ಇತರ ಅಧಿಕಾರಿಗಳೊಂದಿಗೆ ವೀಡಿಯೊ ಕಾನ್ಫರೆನ್ಸ್ ಮೂಲಕ ಉನ್ನತ ಮಟ್ಟದ ಪರಿಶೀಲನಾ ಸಭೆ ನಡೆಸಿದರು. ವೀಡಿಯೊ ಕಾನ್ಫರೆನ್ಸ್ ನಲ್ಲಿ, ಹಾಟ್‌ಸ್ಪಾಟ್‌ಗಳು ಮತ್ತು ಹರಡುವಿಕೆಯನ್ನು ತಡೆಹಿಡಿಯುವ ತಂತ್ರಗಳ ಬಗ್ಗೆ ಹೆಚ್ಚು ವಿವರವಾಗಿ ಆಧ್ಯಯನ ಮಾಡಲಾಗಿದೆ. ಇದಲ್ಲದೆ, ದೊಡ್ಡಮಟ್ಟದ ಸಾಕ್ರಾಮಿಕ ಹರಡುವಿಕೆಯನ್ನು ತಡೆಗಟ್ಟುವ ತಂತ್ರಗಳ ಬಗ್ಗೆ ಮತ್ತು ಕ್ಲಸ್ಟರ್ ಮಟ್ಟದ ತಡೆಗಟ್ಟುವ ತಂತ್ರಗಳ ಬಗ್ಗೆ ವಿವರವಾದ ಚರ್ಚೆ ನಡೆಯಿತು. ಈ ತಡೆಗಟ್ಟುವಿಕೆಯ ತಂತ್ರಗಳು ತಡೆಗಟ್ಟುವ (ಕಂಟೈನ್‌ಮೆಂಟ್) ವಲಯ ಮತ್ತು ಬಫರ್ ವಲಯವನ್ನು ಹೇಗೆ ರೂಪಿಸುವುದು ಎಂಬುದನ್ನು ವಿವರಿಸುತ್ತದೆ. ಈ ತಡೆಗಟ್ಟುವ ವಲಯಗಳಲ್ಲಿ, ಅಗತ್ಯ ಸೇವೆಗಳನ್ನು ಹೊರತುಪಡಿಸಿ, ಉಳಿದ ಸಾಗಣೆ ಮತ್ತು ಚಟುವಟಿಕೆಗಳನ್ನು ನಿರ್ಬಂಧಿಸಲಾಗುತ್ತದೆ. ಮಾದರಿ ಮಾನದಂಡಗಳ ಪ್ರಕಾರ ಕಂಟೈನ್‌ಮೆಂಟ್ ವಲಯದ ವಿಶೇಷ ತಂಡಗಳು ಪ್ರಕರಣಗಳನ್ನು ಸಕ್ರಿಯವಾಗಿ ಮೇಲ್ವಿಚಾರಣೆ ಮಾಡುತ್ತವೆ ಮತ್ತು ಸಮೀಕ್ಷೆ ಮಾಡುತ್ತವೆ. ಈ ವಲಯಗಳಲ್ಲಿ, ಮಾದರಿಗಳನ್ನು ಸಂಗ್ರಹಿಸಿ ಪರೀಕ್ಷಿಸಲಾಗುತ್ತದೆ. ಇದರ ಜೊತೆಗೆ, ಬಫರ್ ವಲಯಗಳಿಗೆ ಐಎಲ್ಐ (ಅನಾರೋಗ್ಯದಂತಹ ಇನ್ಫ್ಲುಯೆನ್ಸ) ಮತ್ತು ಎಸ್ ಎ ಆರ್ ಐ (ತೀವ್ರ ತೀವ್ರ ಉಸಿರಾಟದ ಕಾಯಿಲೆ)ನ ಯಾವುದೇ ಪ್ರಕರಣಗಳ ಪರೀಕ್ಷೆಯನ್ನು ಎಲ್ಲಾ ಆರೋಗ್ಯ ಸೌಲಭ್ಯಗಳ ಸರಿಯಾದ ಜ್ಞಾನವನ್ನು ಹೊಂದಿರುವವರಿಂದ ಕೈಗೊಳ್ಳಲಾಗುತ್ತದೆ.

ಎಲ್ಲಾ ವ್ಯಕ್ತಿಗಳನ್ನು ಪತ್ತೆಹಚ್ಚಲು ಮತ್ತು ಮನೆ ಮನೆ ಸಮೀಕ್ಷೆಗಳನ್ನು ನಡೆಸಲು ವಿಶೇಷ ತಂಡಗಳನ್ನು ರಚಿಸಲಾಗುವುದು. ಈ ತಂಡಗಳಲ್ಲಿ ಆರೋಗ್ಯ ಸಿಬ್ಬಂದಿ, ಸ್ಥಳೀಯ ಕಂದಾಯ ಸಿಬ್ಬಂದಿ, ನಿಗಮದ ಸಿಬ್ಬಂದಿ, ರೆಡ್‌ಕ್ರಾಸ್, ಎನ್‌ಎಸ್‌ಎಸ್, ಎನ್‌ವೈಕೆ ಮತ್ತು ಇತರ ಸ್ವಯಂಸೇವಕರು ಸೇರಿದ್ದಾರೆ.

ಆಸ್ಪತ್ರೆಗಳನ್ನು ಹೀಗೆ ವರ್ಗೀಕರಿಸಲು ಜಿಲ್ಲೆಗಳಿಗೆ ತಿಳಿಸಲಾಯಿತು:

• ಸೌಮ್ಯ ಪ್ರಕರಣಗಳು ಅಥವಾ ಅತ್ಯಂತ ಸೌಮ್ಯ ಪ್ರಕರಣಗಳಿಗೆ ಕೋವಿಡ್ ಆರೈಕೆ ಕೇಂದ್ರಗಳು,
• ಆಮ್ಲಜನಕದ ಅಗತ್ಯವಿರುವ ಕ್ಲಿನಿಕಲ್ ಮಧ್ಯಮ ಪ್ರಕರಣಗಳಿಗೆ ಕೋವಿಡ್ ಆರೋಗ್ಯ ಕೇಂದ್ರಗಳು
• ವೆಂಟಿಲೇಟರ್ ನೊಂದಿಗೆ ತೀವ್ರ ಮತ್ತು ನಿರ್ಣಾಯಕ ಪ್ರಕರಣಗಳಿಗೆ ಕೋವಿಡ್ ಡೆಡಿಕೇಟೆಡ್ ಆಸ್ಪತ್ರೆಗಳು.

ಪಾಸಿಟಿವ್ ದೃಢ ಪಡಿಸಿದ ಕೋವಿಡ್ ರೋಗಿಗಳಿಗಾಗಿ ವಿಶೇಷ ಆರೋಗ್ಯ ಸೇವೆಯ ನಿರ್ವಹಣೆಯತ್ತ ಗಮನಹರಿಸಲು ರಾಜ್ಯಗಳು ಮತ್ತು ಜಿಲ್ಲೆಗಳನ್ನು ನಿರ್ದಿಷ್ಟವಾಗಿ ಕೇಳಲಾಗಿದೆ. ಏಮ್ಸ್ ಕಾಲ್ ಸೆಂಟರ್ ಗಳ ಸಹಯೋಗದೊಂದಿಗೆ, ಪ್ರತಿ ರೋಗಿಯ ವಿಶೇಷ ಆರೋಗ್ಯ ಸೇವೆಯ ನಿರ್ವಹಣೆಯನ್ನು ಜಿಲ್ಲಾ ಮಟ್ಟದಲ್ಲಿ ಪ್ರತಿದಿನವೂ ಅವರು ಮೇಲ್ವಿಚಾರಣೆ ಮಾಡುತ್ತಾರೆ. ಔಷಧೀಯ ಆರೈಕೆಯಲ್ಲದೆ, ಔಷಧೀಯವಲ್ಲದ ಆರೈಕೆಗಳಲ್ಲಿಯೂ ಸಹ ಸಾಮಾಜಿಕ ಅಂತರ, ಕೈ ತೊಳೆಯುವ ಕ್ರಮ ಮತ್ತು ನೈರ್ಮಲ್ಯ ಕ್ರಮಗಳನ್ನು ಉತ್ತೇಜಿಸಲು ಜಿಲ್ಲೆಗಳನ್ನು ಕೇಳಲಾಗಿದೆ.

ಇನ್ನೂ ಯಾವುದೇ ಪ್ರಕರಣಗಳನ್ನು ವರದಿ ಮಾಡದ ಜಿಲ್ಲೆಗಳು, ಕ್ಲಸ್ಟರ್ ಕಂಟೈನ್ಮೆಂಟ್ ಯೋಜನೆಗಳ ಬಗ್ಗೆ ಕೆಲಸ ಮಾಡಲು ನಿರ್ದೇಶಿಸಲಾಗಿದೆ. ಪ್ರಸರಣದ ಸರಪಳಿಯನ್ನು ಮುರಿಯಲು, ವ್ಯಕ್ತಿಗಳ ಪತ್ತೆಹಚ್ಚುವಿಕೆ, ಮೇಲ್ವಿಚಾರಣೆ ಮತ್ತು ವಿಶೇಷ ಆರೋಗ್ಯ ಸೇವೆಯ ನಿರ್ವಹಣೆಯತ್ತ ಗಮನ ಹರಿಸಬೇಕು. ದೇಶದಾದ್ಯಂತದ ಪ್ರತಿ ಜಿಲ್ಲೆಯಲ್ಲೂ ಕಂಟೈನ್‌ಮೆಂಟ್ ಯೋಜನೆಯನ್ನು ಜಾರಿಗೆ ತರಲು ರಾಜ್ಯಗಳನ್ನು ಕೇಳಲಾಗಿದೆ.

ಐಗೋಟ್ (ಐಜಿಓಟಿ) ಪ್ಲಾಟ್‌ಫಾರ್ಮ್‌ನಲ್ಲಿ ಲಭ್ಯವಿರುವ ಆನ್‌ಲೈನ್ ತರಬೇತಿ ಸಾಮಗ್ರಿಗಳು ಕೋವಿಡ್-19 ರಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳ ಸಾಮರ್ಥ್ಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಅದರ ಸಹಾಯವನ್ನು ತೆಗೆದುಕೊಳ್ಳಲು ರಾಜ್ಯಗಳನ್ನು ಕೇಳಲಾಗಿದೆ.

ನಿನ್ನೆಯಿಂದ 1076 ಹೊಸ ಪ್ರಕರಣಗಳ ಹೆಚ್ಚಳ ವರದಿಯಾಗಿದೆ, ದೇಶದಲ್ಲಿ ಕೋವಿಡ್-19 ರ ಒಟ್ಟು 11,439 ದೃಢಪಟ್ಟ ಪ್ರಕರಣಗಳು ಮತ್ತು 377 ಸಾವುಗಳು ಸಂಭವಿಸಿವೆ. 1306 ಜನರನ್ನು ಗುಣಪಡಿಸಲಾಗಿದೆ / ಚೇತರಿಕೆಯ ನಂತರ ಬಿಡುಗಡೆ ಮಾಡಲಾಗಿದೆ.

ಕೋವಿಡ್-19 ಸಂಬಂಧಿತ ತಾಂತ್ರಿಕ ಸಮಸ್ಯೆಗಳು, ಮಾರ್ಗಸೂಚಿಗಳು ಮತ್ತು ಸಲಹೆಗಳ ಎಲ್ಲಾ ಅಧಿಕೃತ ಮತ್ತು ಹೊಸ ಮಾಹಿತಿಗಾಗಿ ದಯವಿಟ್ಟು ನಿಯಮಿತವಾಗಿ ಭೇಟಿ ನೀಡಿ: https://www.mohfw.gov.in

ಕೋವಿಡ್-19 ಗೆ ಸಂಬಂಧಿಸಿದ ತಾಂತ್ರಿಕ ಪ್ರಶ್ನೆಗಳನ್ನು technquery.covid19[at]gov[dot]in ಮತ್ತು ಇತರ ಪ್ರಶ್ನೆಗಳನ್ನು ಕೇಳಲು ncov2019[at]gov[dot]in ಗೆ ಇಮೇಲ್ ಮಾಡಬಹುದು.

ಕೋವಿಡ್-19ರ ಬಗ್ಗೆ ಯಾವುದೇ ಪ್ರಶ್ನೆಗಳಿದ್ದಲ್ಲಿ, ದಯವಿಟ್ಟು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಹಾಯವಾಣಿ ಸಂಖ್ಯೆ. : +91-11-23978046 ಅಥವಾ 1075 (ಟೋಲ್-ಫ್ರೀ). ರಾಜ್ಯಗಳು/ ಕೇಂದ್ರಾಡಳಿತ ಪ್ರದೇಶಗಳ ಕೋವಿಡ್-19ಗೆ ಸಂಬಂಧಿಸಿದ ಸಹಾಯವಾಣಿ ಸಂಖ್ಯೆಗಳ ಪಟ್ಟಿ https://www.mohfw.gov.in/pdf/coronvavirushelplinenumber.pdf ನಲ್ಲಿಯೂ ಲಭ್ಯವಿದೆ.

***