ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ
ଲକଡାଉନ ହେବା ପରଠାରୁ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ 1 କୋଟି 27 ଲକ୍ଷରୁ ଊର୍ଦ୍ଧ୍ଵ ଭିକାରି, ନିରାଶ୍ରୟ ଓ ପରିତ୍ୟକ୍ତ ଲୋକଙ୍କ ପାଇଁ କରିଛି ମାଗଣା ଭୋଜନ ବ୍ୟବସ୍ଥା
Posted On:
15 APR 2020 5:48PM by PIB Bhubaneshwar
କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ପୌରନିଗମ ଗୁଡିକ ସହ ମିଶି ଲକଡାଉନ ହେବା ପରଠାରୁ ଗତ 10 ତାରିଖ ପର୍ଯ୍ୟନ୍ତ 1.27 କୋଟିରୁ ଊର୍ଦ୍ଧ୍ଵ ଭିକାରୀ, ନିରାଶ୍ରୟ ଓ ପରିତ୍ୟକ୍ତ ଲୋକମାନଙ୍କ ପାଇଁ ମାଗଣା ଖାଇବା ବ୍ୟବସ୍ଥା କରିଛି । ମନ୍ତ୍ରଣାଳୟ ଏକ ପ୍ରକଳ୍ପ ଜରିଆରେ 10ଟି ସହରକୁ ବାଛିଛି । ସେଗୁଡିକ ହେଲା ଦିଲ୍ଲୀ, ମୁମ୍ବାଇ, କୋଲକତା, ଚେନ୍ନାଇ, ହାଇଦ୍ରାବାଦ, ବେଙ୍ଗାଲୁରୁ, ଲକ୍ଷ୍ନୌ, ନାଗପୁର, ପାଟନା ଏବଂ ଇନ୍ଦୋର । ଏହି ପ୍ରକଳ୍ପ ଜରିଆରେ ମନ୍ତ୍ରଣାଳୟ ଏକ ବିସ୍ତୃତ ଯୋଜନାକୁ ତ୍ୱରାନ୍ୱିତ କରିଛି । ଏସବୁ ମଧ୍ୟରେ ଭିକ ମାଗୁଥିବା ଲୋକଙ୍କୁ ଚିହ୍ନଟ କରି ସେମାନଙ୍କ ପୁନର୍ବାସ ଯୋଜନା, ଚିକିତ୍ସା ସୁବିଧା, ପରାମର୍ଶ, ଶିକ୍ଷା, କୌଶଳ ବିକାଶ ଇତ୍ୟାଦି ଅନ୍ତର୍ଭୁକ୍ତ । ରାଜ୍ୟ ସରକାର, କେନ୍ଦ୍ର ଶାସିତ ଅଞ୍ଚଳ, ସ୍ଥାନୀୟ ସ୍ଵାୟତ୍ତ ଶାସନ ସଂସ୍ଥା ଓ ସ୍ଵେଚ୍ଚାସେବୀ ସଂଗଠନଗୁଡିକର ସହାୟତା ଏଥିପାଇଁ ନିଆଯାଇଛି । ଏହି ଯୋଜନାକୁ ତ୍ୱରାନ୍ୱିତ କରିବା ପାଇଁ ଶତକଡା 100 ଭାଗ ସହାୟତା ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଦିଆଯାଇଛି । କୋଭିଡ-19 ମହାମାରୀ ସଂକ୍ରମଣ ଯୋଗୁଁ ଉତ୍ପନ୍ନ ପରିସ୍ଥିତି ଓ ଲକଡାଉନ ଯୋଗୁଁ ବର୍ତ୍ତମାନ ଭିକ୍ଷା ବୃତ୍ତି କରୁଥିବା ଲୋକମାନେ ବହୁତ ଅସୁବିଧାର ସମ୍ମୁଖୀନ ହୋଇ ଅନାହାରରେ ରହି ଦିନ କାଟୁଥିବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି 10 ସହରର ପୌର ନିଗମଗୁଡିକରେ ଭୋଜନ କେନ୍ଦ୍ର ଖୋଲି ଭିକାରୀମାନଙ୍କୁ ରନ୍ଧା ଖାଦ୍ୟ ତୁରନ୍ତ ଯୋଗାଇବାକୁ ନିର୍ଦ୍ଦେଶ ଦିଆଯାଇଛି । ଏହି ବ୍ୟବସ୍ଥା ଯୋଗୁଁ ଭିକାରୀମାନଙ୍କୁ ଚିହ୍ନଟ କରିବା ସହ ଭବିଷ୍ୟତରେ ସେମାନଙ୍କୁ ଜାତୀୟ ପୁନର୍ବାସ ଯୋଜନାରେ ଅନ୍ତର୍ଭୁକ୍ତ କରିହେବ । ନିରାଶ୍ରୟ, ପରିତ୍ୟକ୍ତ ଓ ଭିକାରୀମାନଙ୍କୁ ଯୋଗା ଯାଉଥିବା ରନ୍ଧା ଖାଦ୍ୟର ବିସ୍ତୃତ ବିବରଣୀ ନିମ୍ନରେ ପ୍ରଦତ୍ତ କରାଗଲା –
|
କ୍ରମିକ ସଂଖ୍ୟା
|
ସହରର ନାମ
|
ମାଗଣା ରନ୍ଧା ଖାଦ୍ୟ ଯୋଗାଯାଇଥିବା ଲୋକଙ୍କ ସଂଖ୍ୟା (ଲକ୍ଷରେ)
|
|
1.
|
ଦିଲ୍ଲୀ
|
75.0
|
|
2.
|
ମୁମ୍ବାଇ
|
9.8
|
|
3.
|
କୋଲକତା
|
1.3
|
|
4.
|
ଚେନ୍ନାଇ
|
3.5
|
|
5.
|
ବେଙ୍ଗାଲୁରୁ
|
14.0
|
|
6.
|
ହାଇଦ୍ରାବାଦ
|
7.0
|
|
7.
|
ନାଗପୁର
|
0.8
|
|
8.
|
ଇନ୍ଦୋର
|
8.4
|
|
9.
|
ଲକ୍ଷ୍ନୌ
|
7.0
|
|
10.
|
ପାଟନା
|
0.5
|
|
|
ମୋଟ
|
127.30
|
*****
(Release ID: 1614844)
Read this release in:
Punjabi
,
English
,
Urdu
,
Marathi
,
Hindi
,
Assamese
,
Bengali
,
Gujarati
,
Tamil
,
Telugu
,
Kannada