দিফেন্স রিসর্স & দিবেলপমেন্ত লেবোরেতরী (দি.আর.দি.এল.), হাইদ্রবাদনা কোবিদ সেম্পল কলেক্সন কিওস্ক (কোবসেক) অসি দিবেলপ তৌদুনা কোরোনা (কোবিদ-১৯) মায়োক্ননবা দিফেন্স রিসর্স & দিবেলপমেন্ত ওর্গনাইজেশন (দি.আর.দি.ও.)গী পোর্তফোলিওদা পোৎথোক অমসু হাপচিনখ্রে।

য়ুনিৎ অসি এমপ্লোয়ীজ স্তেত ইন্সুরেন্স কোর্পোরেশন (ই.এস.আই.সি.), হাইদ্রবাদকী দোক্তরশিংগা তাথোক তাসিন তৌনদুনা দি.আর.দি.এল.না দিবেলপ তৌখিবনি। কোবসেক অসি লাইনা লৈরে হায়না চিংনবা পেসেন্ততগী কোবিদ-১৯গী সেম্পলশিং লৌনবগীদমক্তা হেল্থকেয়র ৱার্করশিংনা শিজিন্ননবা কিওস্কনি। তেস্ত তৌরিবা পেসেন্ত অদুনা কিওস্ক মনুংদা চংগনি অমসুং বিল্ত ইন গ্লবশিং শিজিন্নদুনা মপান্দগী হেল্থ কেয়র পরোফেস্নেলশিংনা নাতোন নত্ত্রগা খৌনাওদগী মহি লৌগনি।

কিওস্ক অসি মী অমত্তা য়াওদনা মশামতোমতা দিসইনফেক তৌজে, মসিনা তৌরিবা থৌওং অসিদা ইনফেক্সন তৌনীংঙাই মচাক লৈহন্দা। কিওস্ককী কেবিন অদুদা য়াওরিবা ঙাকথোক্নবগী স্ক্রীন অদুনা হেল্থ কেয়র ৱার্করশিংবু সেম্পল লৌবা মতমদা ঐরোসোল/দ্রোপলেত ত্রান্সমিশন তৌবদগী ঙাকথোকই। মসিনা হেল্থ কেয়র ৱার্করশিংনা পি.পি.ই. শিন্দোকপগী মথৌ তাবা অদু হন্থহল্লি।

পেসেন্ত অদুনা কিওস্ক অদুদগী থোকখ্রবা মতুংদা, কিওস্ক কেবিন মনুংদা পাল্লিবা কামথোক্নবা নোজল মরি অদুনা সেকেন্দ ৭০গী ওইনা দিসইনফেক্তেন্তকী মনিল অদু কামথোকই। মসি মখা তানা ঈশিং অমসুং য়ু.ভি. লাইত দিসইনফেক্সন্না অমুক চামথোকই। কোবসেক/COVSACKতা য়াওরিবা মাইকৈ অনিদা পাউ ফাওবা য়াবা কম্যুনিকেশন সিস্তেমগী মতেংনা ভোইস কমান্দ পীবা য়াই। মেদিকেল প্রোফেশনেলশিংনা মথৌতাবগী মতুং ইন্না মনুং নত্ত্রগা মপানদগী শিজিন্নবা য়ানবা কোবসেক অসি শেমদোক শেমজিন তৌবা য়াই।

কোবসেক অসি চাউরাক্না লুপা লাখ অমরোম পী অমসুং বেলগাম, কর্নতকাদা লৈবা হায়রিবা ইন্দস্ত্রী অসিনা নোংমদা য়ুনিৎ ১০ পুথোকপা ঙম্মি। দি.আর.দি.ও.না য়ুনিৎ অনি দিজাইন অমসুং দিবেলপ তৌখি অমসুং মসিবু মাইপাক্না চাংয়েং তৌরবা মতুংদাই.এস.আই.সি. হোপিতাল, হাইদ্রবাদতা খুৎশিন্নখ্রে।