মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.)গী কেন্দ্র মন্ত্রী, শ্রী নীতিন গদকরীনা মন্ত্রালয় অসিগী সেনিয়র ওফিসরশিংগা লোইননা খংহৌ হৌরক্লিবা কোবিদ-১৯না পীরিবা ইথিল অসিগী মঙালদা গবর্নমেন্তকী মেচিনরীশিং শেম-শাবগী মওং অসি হন্না য়েংশিন্নবা ভিদিও কনফরেন্স অমা পাংথোকখ্রে। এম.এস.এম.ই.গী রাজ্য মন্ত্রী শ্রী প্রতাপ চন্দ্র সারঙ্গী, সেত্রেতরী, দা. অরুন কুমার পান্দা, চেয়র্মেন কে.ভি.আই.সি শ্রী ভি.কে. সক্সেনা, এস.এস. অমসুং দি.সি. শ্রী রাম মোহন মিশ্রা অমদি মন্ত্রালয় অসিগী অতৈ ওফিসরশিংগা লোইননা লৈবাক অসিগী অতৈ লম কয়াগী ওফিসশিংগা খুৎশম্নদুনা পুং অনিমখাই চংনা খন্ন-নৈনমিন্নখি। পুং অনিমখাইরোমগী মওংগী খন্ন-নৈনবা অদুদা, মন্ত্রীনা লায়চৎ অসিদা মিৎয়েং থম্লদুনা সেক্তরদা ময়াম অমা কন্না হোৎনখ্রবা মতুংদা শোত্থহৌবা খোংথাংশিংদা থবক লৌখৎখি। ফাইনান্স অমসুং আর.বি.আই.না হৌজিকফাওবদা লাওথোকখ্রবা পাম্বৈশিং অদু এম.এস.এম.ই. মন্ত্রায়না এম.এস.এম.ই. সেক্তরদা পীবা ইথিলবু হন্থহন্নবা লৌখৎপা থবকশিংসু খন্নখি।

অমনা কোবিদগী মায়োক্তা অমদি অতোপ্পা অমনা শেনবাগী লমদা লৈবাক অসিনা লান্থেং অনি থেংনবগী মথৌ তারি হায়না মন্ত্রীনা ফোংদোকখি। মন্ত্রালয় অসিগী ওফিসরশিংনা কন্না হোৎনজবা অমদি লমশিং শেমগৎপবু থাগৎপা মতমদা লৌখৎপা মহিক-মতাই চেলহন্দনবগী চেকশিন-থৌরাংশিং শুগায়না তাকখি, সোসিএল দিস্তেন্সিং অমদি পি.পি.ই.বু খেন্নবা লৈতনা পাংথোক্কদবনি। কোবিদ-১৯না মরম ওইদুনা, হৌখিবা থা অমসিদা ভেন্তিলেতর, পি.পি.ই. কিৎশিং, মাস্ক অমসুং সেনিতাইজরগুম্বা  হকশেলগী পোৎলমশিং পীনবা তাল্লকপা হেনগৎখ্রে অমসুং এম.এস.এম.ই.না পোৎলমশিং অসি পুথোকপা হেনগৎনবা অৱাৎপা লৈহন্দনবা অচৌবা থৌদাং লৌরি হায়না মহাক্না পনখি। এম.এস.এম.ই.না হায়রিবা থবকশিং অসি হান্না পায়খৎকদবনি হায়না ফোংদোকখ্রে। মন্ত্রালয় অসিনা ২০১৯-২০২০গী মতমগী ওইবদা মন্ত্রালয় অসিগী মখাদা লৈবা মখল-মখা কয়াগী স্কিমশিংগী   খ্বাইদগী য়াম্বা ফন্দ রেজিস্তর তৌবা য়াই হায়না মহাক্না অখন্ননা হায়খি। মহাক্না খাদী অমদি ভিলেজ ইন্দস্ত্রী (কে.ভি.আই.সি), নেস্নেল স্মোল ইন্দস্ত্রিজ কোর্পোরেসন (এন.এস.আই.সি.), কোইর বোর্দ, তেক্নোলোজী সেন্তর্স (তি.সিজ.) অমদি দিবেলপমেন্ত ইন্সতিত্যুৎশিংগুম্বা মন্ত্রালয়গী ওর্গনাইজেসনশিংনা লৌখৎপা চেকশিন-থৌরাংশিংসু হন্না য়েংশিনখি।

লোকদাউন লৈনা-লৈনা লৈবাক অসিগী মফম কয়াদা চান-থক্নবা পেকেৎশিং য়েন্থোকখিবদা য়াওখিবা মন্ত্রালয় অসিগী ওর্গানাইজেসনশিংনা মন্ত্রীদা পাউদমখি। কে.ভি.আই.সি.না আর্তিসন অমদি আর্তিসন ৱেলফেয়র ফন্দ (এ.দব্লিয়ু.এফ.) ত্রস্ততা থাদা লুপা ১০০০ কায়ননবা ৱারেপ লৌখ্রে। মসিদগী হেন্না, খাদীগী লোয়শঙশিংদা আর্তিসনশিংগী বেঙ্ক একাউন্ততা লুপা ১০০০ ইন্সতোলমেন্ত অহুম থোক্না থাদোক্নবা লমজিং-লমতাকখ্রে। কোইর বোর্দ অমদি ইন্দস্ত্রীনা লুপা লাক্ষ ৮ প্রধান মন্ত্রী কেয়র্স রিলিফ ফন্দা কত্থোক্নবা পাউদমখ্রে। এন.এস.আই.সি.না এম.এস/২০২০গী মমাংদা বি.এম.গী মায়োক্তা আর.এম.এ.গী খুদোংচাবা লৌরিবা এম.এস.এম.ই.গীদমক্তা অৱাৎপা শেল শিংগৎনবা থা অহুম কোমথোকপীখি, ০১/০৩/ ২০২০দগী ৩০/০৬/২০২০গী মরক্তা লোইরগদবা এস.পি.আর.এস.তা মিং চনবগী সর্তিফিকেৎকী ভেলিদিতীদা লেপ্তনা এম.এস.এম.ই.না চহীগী মেম্বরশিপ্তা ৫০% শাংদোকপগী রিপোর্ত তৌখ্রে। এন.এস.আই.সি.নসু প্রধান মন্ত্রী কেয়র ফন্দা লুপা লাক্ষ ১০০ মাগী সি.এস.আর. ফন্দগী কত্থোকখ্রে অমদি এন.এস.আই.সি.গী কর্মচারীশিংদগী অহেনবা লুপা লাখ ১৫ মখোয়গী নোংমগী সেলেরীদগী ফন্দা কত্থোকখ্রে হায়না ফোংদোকখি।

এম.এস.এম.ই. তেক্নোলোজী সেন্তর্স(তি.সিজ.)গী ওইনা সেনিতাইজর, মাস্ক,গাউন, ফেস সীল্দশিং অমদি ফর্নিচর পুথোকপগী থবক তৌরিবা অসি অম.এস.এম.ই.গী মায়কৈদগীনি হায়না পাউদমখি। তি.সি.শিংনা মখোয়গী পোৎলমশিং অদু শাবদা খোংজেল য়াংশিন্নবা মখোয়গী মখোয়গী মশানা শাজবা অমদি এম.এস.এম.ই.শিংগী তেংবাং ওইনবা মখোয়না থম্বা ৱাফমশিংদু হেন্না চেৎশিন্না লৌখ্রে। হায়রিবা পোৎলমশিং অসি অদুক্কী মতিক মথৌ তাবনা হায়রিবা পোৎলমশিং অসি শাবদা হেন্না থৱায় য়াওশিন্নবা মন্ত্রীনা হায়খ্রে। তি.সি.শিংনা এক্সপর্তশিং অমদি এজেন্সীশিংনা ভেন্তিলেতরশিং অমদি কোরোনা তেস্ত তৌনবা কীৎশিং শাবগী খুদম অমদি লৌখৎলবা তেক্নোলোজীগা পুন্না তৌমিন্নবা অমদি মেদিকেলগী থাক্তা পোৎলম ময়াম পুথোকপা পামখি। মহাক্না তি.সি.শিংনা শীন্মী, পুলিসকী হোস্তেলশিং অমদি আইসোলেসন সেন্তরশিং হাংবগী খুদোংচাবা পীববু থাগৎপা ফোংদোকখি। তি.সি.শিংনা পর্মনেন্ত স্তাফকী মওংদা লৈরগা ওপরেৎ তৌবা ওইজরগসু নোংমগী সেলরীগী ওইনা লুপা লাক্ষ ২২ পি.এম. কেয়র ফন্দা কত্থোকখ্রে।

অরোইবা ওইনা, নীংথিনা অহুমশুবা কাংবু অমনা মনীংতম্না ইভালুএসন অমদি অপস্কেলিং তৌরবা মতুংদা এম.এস.এম.ই.শিংগী তেংবাংনবগীদমক মন্ত্রীনা ওফিসিএলশিংদা ময়াম পুম্নমক মপান্দা চৎনবা তকশিনখি। মহাক্না ওফিসরশিংদা এম.এস.এম.ই.শিংগা পুন্না তৌমিন্নবা রীলিফ অমগীদমক স্তেকহোলদরশিংগা শম্ননা লৈনবা তকশিনখ্রে।