ਕੇਂਦਰੀ ਉੱਤਰ- ਪੂਰਬੀ ਖੇਤਰ  ਵਿਕਾਸ (ਡੀਓਐੱਨਈਆਰ) ( ਸੁਤੰਤਰ ਚਾਰਜ), ਪ੍ਰਧਾਨ ਮੰਤਰੀ ਦਫ਼ਤਰ, ਅਮਲਾ, ਜਨਤਕ ਸ਼ਿਕਾਇਤਾਂ, ਪੈਨਸ਼ਨਾਂ, ਪਰਮਾਣੂ ਊਰਜਾ ਅਤੇ ਪੁਲਾੜ ਰਾਜ ਮੰਤਰੀ, ਡਾ ਜਿਤੇਂਦਰ ਸਿੰਘ ਨੇ ਕੋਵਿਡ-19 ਦੇ ਮੱਦੇਨਜ਼ਰ ਅੱਜ ਇੰਟਰੈਕਟਿਵ ਵੀਡੀਓ ਕਾਨਫਰੰਸਿੰਗ ਰਾਹੀਂ ਤਿੰਨ ਵਿਭਾਗਾਂ- ਡੀਓਪੀਟੀ, ਡੀਏਆਰਪੀਜੀ ਅਤੇ ਡੀਓਪੀਪੀਡਬਲਿਊ ਦੇ ਕਾਰਜਾਂ ਦੀ ਸਮੀਖਿਆ ਮੀਟਿੰਗ ਕੀਤੀ। ਮਹਾਮਾਰੀ ਨਾਲ ਲੜਨ ਲਈ ਵਿਭਾਗਾਂ ਦੀ ਤਿਆਰੀ ਦੀ ਸਮੀਖਿਆ ਕਰਨ ਤੋਂ ਇਲਾਵਾ, ਮੰਤਰੀ ਨੇ ਅਧਿਕਾਰੀਆਂ ਅਤੇ ਸਟਾਫ ਨੂੰ ਕਿਹਾ ਹੈ ਕਿ ਇਸ ਅਵਧੀ ਦੇ ਦੌਰਾਨ ਕੰਮ ਦਾ ਕੋਈ ਨੁਕਸਾਨ ਨਹੀਂ ਹੋਣਾ ਚਾਹੀਦਾ।

ਇਹ ਜ਼ਿਕਰਯੋਗ ਹੈ ਕਿ ਡਾ. ਜਿਤੇਂਦਰ ਸਿੰਘ ਨੇ 1 ਅਪ੍ਰੈਲ, 2020 ਨੂੰ ਕੋਵਿਡ-19 ਸ਼ਿਕਾਇਤਾਂ 'ਤੇ ਨੈਸ਼ਨਲ ਮੌਨੀਟਰਿੰਗ ਡੈਸ਼ਬੋਰਡ ਦੀ ਸ਼ੁਰੂਆਤ https://darpg.gov.in ਪੋਰਟਲ 'ਤੇ ਕੀਤੀ ਸੀ। ਸਾਰੇ ਕੇਂਦਰੀ ਮੰਤਰਾਲਿਆਂ / ਵਿਭਾਗਾਂ ਅਤੇ ਰਾਜ ਸਰਕਾਰਾਂ ਨੂੰ  ਕੋਵਿਡ-19 'ਤੇ ਸੀਪੀਜੀਆਰਏਐੱਮਐੱਸ ਵਿੱਚ ਪ੍ਰਾਪਤ ਹੋਈਆਂ ਜਨਤਕ ਸ਼ਿਕਾਇਤਾਂ ਦਾ ਨਿਪਟਾਰਾ ਕਰਨ ਦੇ ਸਬੰਧ ਵਿਚ ਸਰਕੂਲਰ ਜਾਰੀ ਕੀਤੇ ਗਏ ਸਨ। ਅਪ੍ਰੈਲ 1, 2020 ਤੋਂ ਕੋਵਿਡ -19 ਪੀਜੀ ਦੇ ਮਾਮਲਿਆਂ ਬਾਰੇ ਰੋਜ਼ਾਨਾ ਰਿਪੋਰਟਾਂ ਅਧਿਕਾਰਿਤ  ਸਮੂਹ - 10, ਪ੍ਰਧਾਨ ਮੰਤਰੀ ਦੇ ਦਫ਼ਤਰ, ਮੰਤਰੀਆਂ ਦੇ ਅਧਿਕਾਰਿਤ ਸਮੂਹ  ਅਤੇ ਪ੍ਰਸੋਨਲ,ਪੀਜੀ ਤੇ ਪੈਨਸ਼ਨਾਂ ਦੇ ਰਾਜ ਮੰਤਰੀ ਨੂੰ ਸੌਂਪੀਆਂ ਗਈਆਂ ਸਨ I

12 ਅਪ੍ਰੈਲ, 2020 ਤੱਕ, ਸਰਕਾਰ ਨੇ  ਨਿਪਟਾਰੇ ਦੇ ਔਸਤਨ 1.57 ਦਿਨਾਂ ਦੇ ਸਮੇਂ  ਦੇ ਨਾਲ 7000 ਕੋਵਿਡ-19 ਜਨਤਕ ਸ਼ਿਕਾਇਤਾਂ ਦਾ ਨਿਵਾਰਣ ਕੀਤਾ। ਕੋਵਿਡ-19 ਸ਼ਿਕਾਇਤਾਂ ਦਾ ਵੱਧ ਤੋਂ ਵੱਧ ਨਿਪਟਾਰਾ ਕਰਨ ਵਾਲੇ ਮੰਤਰਾਲੇ / ਵਿਭਾਗ ਹਨ-ਵਿਦੇਸ਼ ਮੰਤਰਾਲਾ (1625 ਸ਼ਿਕਾਇਤਾਂ), ਵਿੱਤ ਮੰਤਰਾਲਾ (1043 ਸ਼ਿਕਾਇਤਾਂ)ਅਤੇ ਕਿਰਤ ਮੰਤਰਾਲਾ (751 ਸ਼ਿਕਾਇਤਾਂ) । ਉੱਚਤਮ1315 ਸ਼ਿਕਾਇਤਾਂ  ਪ੍ਰਤੀ ਦਿਨ, ਦਾ ਨਿਪਟਾਰਾ 8 ਅਪ੍ਰੈਲ, 2020 ਅਤੇ 9 ਅਪ੍ਰੈਲ, 2020 ਨੂੰ ਕੀਤਾ ਗਿਆ ਸੀ।

ਡਾ. ਜਿਤੇਂਦਰ ਸਿੰਘ ਨੇ ਇਸ ਗੱਲ 'ਤੇ ਵੀ ਤਸੱਲੀ ਪ੍ਰਗਟ ਕੀਤੀ ਕਿ ਹੁਣ ਤੱਕ 71,000 ਤੋਂ ਵੱਧ ਵਿਅਕਤੀਆਂ ਨੇ ਕੋਵਿਡ-19 ਦਾ ਮੁਕਾਬਲਾ ਕਰਨ ਲਈ ਡੀਓਪੀਟੀ ਦੇ ਈ-ਲਰਨਿੰਗ ਪਲੈਟਫਾਰਮ (https://igot.gov.in)' ਤੇ ਇਨਰੋਲ ਕੀਤਾ ਹੈ, ਜੋ ਕਿ ਪਿਛਲੇ ਹਫ਼ਤੇ ਲਾਂਚ ਕੀਤਾ ਗਿਆ ਸੀ ਅਤੇ ਲਗਭਗ 27,000 ਉਮੀਦਵਾਰਾਂ ਨੇ ਕੋਰਸ ਪੂਰਾ ਕੀਤਾ।ਡਾਕਟਰ, ਨਰਸਾਂ, ਪੈਰਾ ਮੈਡੀਕਸ, ਹਾਈਜੀਨ ਵਰਕਰ, ਟੈਕਨੀਸ਼ੀਅਨਸ, ਸਹਾਇਕ ਨਰਸਿੰਗ ਦਾਈਆਂ (ਏਐੱਨਐੱਮਜ਼), ਕੇਂਦਰੀ ਅਤੇ ਰਾਜ ਸਰਕਾਰ ਦੇ ਅਧਿਕਾਰੀ, ਸਿਵਲ ਡਿਫੈਂਸ ਅਧਿਕਾਰੀ, ਵੱਖ-ਵੱਖ ਪੁਲਿਸ ਸੰਗਠਨ, ਨੈਸ਼ਨਲ ਕੈਡਿਟ ਕੋਰ (ਐੱਨਸੀਸੀ), ਨਹਿਰੂ ਯੁਵਾ ਕੇਂਦਰ ਸੰਗਠਨ (ਐੱਨਵਾਈਕੇਐੱਸ), ਨੈਸ਼ਨਲ ਸਰਵਿਸ ਸਕੀਮ (ਐੱਨਐੱਸਐੱਸ), ਇੰਡੀਅਨ ਰੈੱਡ ਕਰਾਸ ਸੋਸਾਇਟੀ (ਆਈਆਰਸੀਐੱਸ), ਭਾਰਤ ਸਕਾਊਟਸ ਐਂਡ ਗਾਈਡਜ਼ (ਬੀਐੱਸਜੀ) ਅਤੇ ਹੋਰ ਵਲੰਟੀਅਰ ਇਸ ਦਾ ਟਾਰਗੇਟ ਗਰੁੱਪ ਹੈ।

ਪਲੈਟਫਾਰਮ ਹਰ ਸਿੱਖਣ ਵਾਲੇ ਨੂੰ ਉਸਦੇ ਕੰਮ ਦੀ ਥਾਂ ਜਾਂ ਘਰ ਅਤੇ ਉਸ ਦੀ ਪਸੰਦ ਦੇ ਕਿਸੇ ਵੀ ਉਪਕਰਨਵਿੱਚ ਕਿਊਰੇਟਿਡ, ਭੂਮਿਕਾ ਅਨੁਰੂਪ ਸਮੱਗਰੀ ਪ੍ਰਦਾਨ ਕਰਦਾ ਹੈ। ਆਈਜੀਓਟੀ ਪਲੈਟਫਾਰਮ ਨੂੰ ਅਬਾਦੀ ਦੇ ਪੈਮਾਨੇ ਅਨੁਸਾਰ ਤਿਆਰ  ਕੀਤਾ ਗਿਆ ਹੈ ਅਤੇ ਆਉਣ ਵਾਲੇ ਹਫਤਿਆਂ ਵਿੱਚ ਇਹ ਤਕਰੀਬਨ 1.50 ਕਰੋੜ ਵਰਕਰਾਂ ਅਤੇ ਵਲੰਟੀਅਰਾਂ ਨੂੰ ਸਿਖਲਾਈ ਪ੍ਰਦਾਨ ਕਰੇਗਾI ਆਈਜੀਓਟੀ 'ਤੇ ਨੌਂ (9) ਕੋਰਸਾਂ ਦੇ ਨਾਲ ਸ਼ੁਰੂਆਤ ਕੀਤੀ ਗਈ ਹੈ, ਜਿਵੇਂ ਕਿ ਕੋਵਿਡ ਦੇ ਬੇਸਿਕਸ, ਆਈਸੀਯੂਕੇਅਰ ਅਤੇ ਵੈਂਟੀਲੇਸ਼ਨ ਮੈਨੇਜਮੈਂਟ, ਕਲੀਨਿਕਲ ਮੈਨੇਜਮੈਂਟ, ਪੀਪੀਈ ਦੁਆਰਾ ਇਨਫੈਕਸ਼ਨ ਰੋਕਥਾਮ, ਇਨਫੈਕਸ਼ਨ ਕੰਟਰੋਲ ਐਂਡ ਪ੍ਰੀਵੈਂਸ਼ਨ, ਕੁਆਰੰਟੀਨ ਅਤੇ ਆਈਸੋਲੇਸ਼ਨ, ਪ੍ਰਯੋਗਸ਼ਾਲਾ ਸੈਂਪਲ ਕਲੈਕਸ਼ਨ ਅਤੇ ਟੈਸਟਿੰਗ, ਕੋਵਿਡ-19 ਕੇਸਾਂ ਦਾ ਪ੍ਰਬੰਧਨ , ਕੋਵਿਡ-19 ਟ੍ਰੇਨਿੰਗ।

****

ਵੀਜੀ/ਐੱਸਐੱਨਸੀ