হকশেল অমসুং য়াইফ-য়ুম্বাল মন্ত্রালয়
গ্রুপ ওফ মিনিস্তর্সনা কোবিদ-১৯গী হৌজিক ওইরিবা ফিভম অমসুং মদু থেংননবা লৌখৎলিবা খোংথাংশিং য়েংশিনখ্রে
দা. হর্শ বর্ধন্না কোবিদ-১৯গী মতাংদা অরানবা ইনফোর্মেশনদগী নান্থোক্নবা হকশেল মন্ত্রালয় অমসুং মরী লৈনবা থাজবা য়াবা ৱেবসাইৎশিং এক্সেস তৌনবা অকনবা ৱাফম থমখ্রে
Posted On:
09 APR 2020 5:54PM by PIB Imphal
হকশেল অমসুং য়াইফ-য়ুম্বালগী য়ুনিয়ন মিনিস্তর দা. হর্শ বর্ধনগী লুচিং মখাদা ঙসি নির্মন ভবনদা কোবিদ-১৯দা গ্রুপ ওফ মিনিস্তর্স (জি.ও.এম.)কী অৱাংবা থাক্কী মীফম অমা পাংথোকখি। মীফম অদুদা সিভিল এভিয়েসনগী মন্ত্রী হর্দীপ এস. পুরী, মপাল থৌরম পুবা মন্ত্রী দা. এস. জয়শঙ্কর, গৃহ রাজ্য মন্ত্রী নিত্যানন্দা রাই, শিপ্পিং অমদি কেমিকেল্স অমসুং ফর্তিলাইজরগী রাজ্য মন্ত্রী শ্রী মনসুখ মানদাবিয়া, হকশেল অমসুং য়াইফ-য়ুম্বালগী রাজ্য মন্ত্রী অশ্বিনি কুমার চৌবে, দা. বিনোদ কে. পোল মেম্বর (হেল্থ) নিতী আয়োগ অমসুং চিফ ওফ দিফেন্স স্তাফ বিপিন রাৱত শরুক য়াখি।
গ্রুপ ওফ মিনিস্তর্স (জি.ও.এম.)না কোবিদ-১৯ থিংনবা অমদি মেনেজমেন্তদা শন্দোক্ন খন্ন-নৈনখি। জি.ও.এম.না হৌজিক ফাওবদা লৌখৎলিবা খোংথাংশিং, প্রিভেন্তিব স্ত্রেতেজী অমা ওইনা সোসিয়েল দিস্তেন্সিগী হৌজিক ওইরিবা ফিভম অমদি কোবিদ-১৯ শন্দোরকপা থিংনবগীদমক কেন্দ্র অমদি রাজ্য সরকারশিংনা লৌখৎলিবা অচেৎপা খোংথাংশিংদসু খন্ন-নৈনখি। জি.ও.এম.দা খংহনখি মদুদি জিলা পুম্নমক্তা কোবিদ-১৯ থেংননবা শেম শানবা অমদি মখোয়গী থৌরাংশিং হেন্না চেৎশিলহন্নবা হায়খ্রে। মীফম অসিদা কোবিদ-১৯গীদমক কত্থোক্লবা হোস্পিতাল শানবগীদমক দরকার ওইবা রিসোর্সশিং, মেদিকেল ইন্সতিত্যুৎশিংদা পি.পি.ই., ভেন্তিলেতর অমসুং অতোপ্পা মথৌ তাবা ইক্বিপমেন্তশিং ফংহনবা য়াওনা রাজ্যগী কেপাসিতী হেঙ্গৎহনবগী মতাংদা খন্ন-নৈনখি। রাজ্যশিংদা হান্ননা পীখ্রবা গাইদলাইনগী মতুং ইন্না কোবিদ-১৯ সেন্তরশিং/হোস্পিতালশিং খংদোক্নবা হায়খ্রে।
জি.ও.এম.না হোতস্পোৎশিং অমসুং ক্লস্তর মেনেজমেন্তকীদমক স্ত্রেতেজীগা লোয়ননা লৈবাক পুম্বদা তেস্তিং স্ত্রেতেজী অমসুং তেস্তিং কিৎশিং ফংহনবসু য়েংশিংনখি। জি.ও.এম.দা পি.পি.ই.শিং, মাস্কশিং, ভেন্তিলেতরশিং, দ্রগশিং অমসুং দরকারগী মতুং ইন্না চংদবা য়াদবা ইক্বিপমেন্তশিং ফংহনবগী মতাংদা পাউদমখি। জি.ও.এম.না প্রধান মন্ত্রী গরিব কল্যান য়োজনা ইমপ্লিমেন্ত তৌবগী ফিভমসু য়েংশিনখি। জি.ও.এম.না মন্ত্রালয়শিং অমসুং মকোক থোংবা কাংলুপশিং পাংথোক্লিবা থবকশিংদা অপেনবা ফোংদোকখি।
জি.ও.এম.গী চিয়রপর্সন অমদি কেন্দ্রগী হকশেল মন্ত্রী দা. হর্শ বর্ধন্নসু হেল্থ ইমারজেন্সী অসিদা মাং থারিবা অমদি কোবিদ-১৯দগী ঐখোয়বু কন্ননবা মথৌ তৌরিবা দোক্তরশিং অমসুং অতোপ্পা মেদিকেল স্তাফশিংবু চিংনবা মিৎয়েং য়েংদনবা প্রজাশিংদা পীখিবা মহাক্কী অপিল অদু অমুক হন্না ফোংদোকখি। মহাক্না মখা তাখি মদুদি ঐখোয়না তোকঙা নত্ত্রগা অরানবা পাউ শন্দোকপা তৌরোইদবনি। হেল্থ মিনিস্ত্রীগী ৱেবসাইত (www.mohfw.gov.in), আই.সি.এম.আর.গী ৱেবসাইত (www.icmr.nic.in), পি.আই.বি.গী ৱেবসাইত (www.pib.gov.in) অমসুং অতোপ্পা সেন্ত্রেল মিনিস্ত্রীশিংগী ৱেবসাইতশিং অসি কোবিদ-১৯দা ই-পাউগী অশেংবা সোর্সনি অমদি কোবি০-১৯গা মরী লৈনবা তেক্নিকেল ইসুশিং, গাইদলাইনশিং, পাউতাকশিং অমসুং মেনেজমেন্তকী মতাংদা ইনফোর্মেশন অমা হেক্তগীদমক মসি এক্সেস তৌবা মথৌ তাই। কোবিদ-১৯গা মরী লৈনবা তেক্নিকেলগী ওইবা ৱাহংশিংগীদমক technicalquery.covid19[at]gov[dot]inদা ইমেল থারকপা য়াগনি হায়না মহাক্না মখা তাখি।
মীফম অদুদা শ্রীমতী প্রীতি সুদন, সেক্রেতরী (হকশেল অমসুং য়াইফ-য়ুম্বাল), রবি কপুর, সেক্রেতরী (তেক্সতাইলস), প্রদীপ সিংহ খারোলা, সেক্রেতরী (সিভিল এভিয়েসন), সি.কে. মিশ্রা, সেক্রেতরী (এনভাইরনমেন্ত, ফোরেস্ত অমসুং ক্লাইমেৎ চেঞ্জ), পি.দি. ভাঘেলা, সেক্রেতরী (ফার্মাতিকেল), সঞ্জীব কুমার, স্পিসিয়েল সেক্রেতরী (হেল্থ), অনিল মালিক, এদিস্নেল সেক্রেতরী (গৃহ মন্ত্রালয়), কে. রাজারমন, এদিস্নেল সেক্রেতরী ইকোনোমিক এফিয়ার্স), দা. রজিব গার্গ, দি.জি.ঐচ.এস., অমিৎ য়াদব, দি.জি. (দি.জি.এফ.তি.), দা. রমন গঙ্গাখেরকর, ইপিদেমিয়োলোজী অমসুং লৌনগনবা লাইনা, আই.সি.এম.আর.গী হেদ অমসুং লব অগরৱাল, জোইন্ত সেক্রেতরী (হকশেল অমসুং য়াইফ-য়ুম্বাল মন্ত্রালয়)গা লোয়ননা আর্মী, আই.তি.বি.পি., ফার্মা, দি.জি.সি.এ অমসুং তেক্সতাইলদগী অতোপ্পা ওফিসিয়েলশিংসু শরুক য়াখি।
কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .
(Release ID: 1613657)
Visitor Counter : 214
Read this release in:
English
,
Gujarati
,
Urdu
,
Marathi
,
Hindi
,
Assamese
,
Bengali
,
Punjabi
,
Tamil
,
Telugu
,
Kannada