తరచుగా అడిగే ప్రశ్నలు (ఎఫ్.ఏ.క్యూ.)

1.      

"ప్రధానమంత్రి కెర్స్ నిధి" కి ఇచ్చిన విరాళాలు సి.ఎస్.ఆర్. ఖర్చుగా అర్హత పొందుతాయా?

కంపెనీల చట్టం, 2013 షెడ్యూల్-VII కి చెందిన ఐటమ్ నెంబరు (viii) కింద ప్రధానమంత్రి కెర్స్ నిధికి ఇచ్చిన విరాళాలు సి.ఎస్.ఆర్.ఖర్చుగా  అర్హత పొందుతాయి. మరియు, ఈ విషయం ఆఫీస్ మెమొరాండం : ఎఫ్.నెంబర్: సి.ఎస్.ఆర్.-05/1/2020-సి.ఎస్.ఆర్.-ఎమ్.సి.ఏ., తేదీ 28 మార్చి, 2020 ద్వారా మరింతగా  వివరించబడింది. 

2.      

"ముఖ్యమంత్రి సహాయ నిధి" కి లేదా "కోవిడ్-19 కోసం రాష్ట్ర 

సహాయ నిధి" కి ఇచ్చిన విరాళాలు 

 సి.ఎస్.ఆర్. ఖర్చుగా 

అర్హత పొందుతాయా?  

"ముఖ్యమంత్రి సహాయ నిధి" కి లేదా "కోవిడ్-19 కోసం రాష్ట్ర సహాయ నిధి"

 కి ఇచ్చిన విరాళాలు కంపెనీల చట్టం, 2013 కి చెందిన షెడ్యూల్-VII లో పొందుపరచలేదు. అందువల్ల, ఇటువంటి నిధులకు ఇచ్చే ఏ విరాళాలు  సి.ఎస్.ఆర్. ఖర్చుగా అర్హత పొందవు.  

3.      

రాష్ట్ర విపత్తు యాజమాన్య సాధికార సంస్థ కు ఇచ్చిన విరాళాలు సి.ఎస్.ఆర్. ఖర్చుగా అర్హత పొందుతాయా? 

కోవిడ్-19 ను ఎదుర్కోడానికి  రాష్ట్ర విపత్తు యాజమాన్య సాధికార సంస్థ కు ఇచ్చిన విరాళాలు కంపెనీల చట్టం, 2013 కి చెందిన షెడ్యూల్-VII లోని ఐటమ్ నెంబరు :(xii) కింద,  మరియు జనరల్ సర్కులర్ నెంబర్: 10/2020, తేదీ 23 మర్చి, 2020 ప్రకారం  

సి.ఎస్.ఆర్. ఖర్చుగా అర్హత పొందుతాయి.  

4.      

కోవిడ్-19 కు సంబంధించిన కార్యకలాపాలకు వినియోగించిన  సి.ఎస్.ఆర్.నిధులు సి.ఎస్.ఆర్.ఖర్చుగా అర్హత పొందుతాయా? 

  కోవిడ్-19 కు సంబంధించిన కార్యకలాపాలకు వినియోగించిన  సి.ఎస్.ఆర్.నిధులు సి.ఎస్.ఆర్.ఖర్చుగా అర్హత పొందుతాయని - మంత్రిత్వ శాఖకు చెందిన జనరల్ సర్కులర్ నెంబర్: 10/2020 తేదీ 23 మార్చి, 2020 స్పష్టత ఇచ్చింది. 

షెడ్యూల్-VII లోని ఐటమ్ నెంబర్లు : (i) & (xii) కింద కోవిడ్-19 కి సంబంధించి ఆరోగ్య సంరక్షణ, పారిశుధ్యం, విపత్తు యాజమాన్యం వంటి ఆరోగ్య పరిరక్షణ కోసం ఖర్చు చేయవచ్చునని కూడా స్పష్టత ఇవ్వడం జరిగింది. 

షెడ్యూల్-VII లో సర్కులర్ నెంబర్: 21/2014 తేదీ 18.06.2014 ప్రకారం పేర్కొన్న వస్తువులపై కూడా  విస్తృత ప్రయోజనం కోసం ఉదారంగా ఖర్చు చేయవచ్చు. 

5.      

లాక్ డౌన్ సమయంలో కాంట్రాక్టు కార్మికులతో సహా ఉద్యోగులకు, కార్మికులకు చెల్లించిన వేతనాలు / జీతాలు సి.ఎస్.ఆర్.ఖర్చు కింద సర్దుబాటు చేయవచ్చా? 

సాధారణ పరిస్థితుల్లో జీతాలు / వేతనాలు చెల్లించడం కంపెనీ యొక్క ఒప్పంద పరమైన మరియు చట్టపరమైన బాధ్యత. 

అదేవిధంగా, లాక్ డౌన్ సమయంలో కూడా వారికి వేరే ప్రత్యామ్నాయ ఉపాధి లేదా జీవనోపాధి అవకాశం ఉండదు కాబట్టి, ఆ సమయంలో కూడా జీతాలు/వేతనాలు చెల్లించడం యజమాని నైతిక బాధ్యతగా భావించాలి. 

అందువల్ల, లాక్ డౌన్ సమయంలో ( సామాజిక దూరం పాటించడం వంటి నిబంధనలు పాటిస్తూ) ఉద్యోగులకు చెల్లించిన జీతాలు/వేతనాలు సీ.ఎస్.ఆర్. ఖర్చు కింద అర్హత పొందడం కుదరదు.  

6.      

లాక్ డౌన్ సమయంలో తాత్కాలిక / రోజువారీ కార్మికులకు చెల్లించిన జీతాలు సి.ఎస్.ఆర్.ఖర్చు కింద కంపెనీ సర్దుబాటు చేయవచ్చా? 

లాక్ డౌన్ సమయంలో తాత్కాలిక / రోజువారీ కార్మికులకు జీతాలు చెల్లించడం సంస్థ యొక్క నైతిక / మానవతా / ఒప్పంద పరమైన బాధ్యతలుగా పరిగణించాలి.  కంపెనీల చట్టం, 2013 కి చెందిన సెక్షన్ 135 కింద సి.ఎస్.ఆర్. కంట్రిబ్యూషన్ కోసం చట్టపరమైన బాధ్యత ఉన్నా లేకపోయినా అన్ని కంపెనీలకు ఇది వర్తిస్తుంది.  

అందువల్ల, లాక్ డౌన్ సమయంలో తాత్కాలిక / రోజువారీ కార్మికులకు చెల్లించిన జీతాలు సి.ఎస్.ఆర్.ఖర్చు కింద సర్దుబాటు చేయకూడదు.    

7.      

తాత్కాలిక / రోజువారీ కార్మికులకు చెల్లించిన ఎక్స్-గ్రేషియా మొత్తం సి.ఎస్.ఆర్. ఖర్చు కింద అర్హత పొందుతుందా? 

తాత్కాలిక / రోజువారీ కార్మికులకు వారికి చెల్లించే జీతాలకు అదనంగా, ప్రత్యేకంగా కోవిడ్-19 పై పోరాటానికి సంబంధించి చెల్లించిన ఎక్స్-గ్రేషియా మొత్తాన్ని సి.ఎస్.ఆర్. ఖర్చుగా  ఆమోదించవచ్చు. అయితే, ఇది ఒక సారి మాత్రమే చెల్లించే మొత్తంగా కంపెనీ బోర్డు నుండి స్పష్టమైన ప్రకటన చేయడంతో పాటు,  దీన్ని స్టాట్యూటరీ ఆడిటర్ ధృవీకరించవలసి ఉంటుంది.