ত্রাইবেল এফিয়র্স মন্ত্রালয়
ত্রাইফেদনা য়ুনিসেফ অমসুং দব্লিউ.এচ.ও.গা খুৎশম্নদুনা ত্রাইবেল গেদররশিংনা মখোয়গী থবকশিং চেকশিন্না চত্থনবগীদমক এস.ঐচ.জি..শিংগী দিজিতেল কেম্পেন পুক্নিং থৌগৎনবা ৱেবিনার পাঙথোকখ্রে
কেম্পেন অসিনা ত্রাইবেল গেদরর লাখ ৫০দা য়ৌননবা ৱাফম হৌদোকখি
Posted On:
09 APR 2020 8:05PM by PIB Imphal
ত্রাইবেল গেদররশিংনা মখোয়গী থবক থৌরমশিং চেকশিন্না চত্থবা য়াননবা পান্দমদা ত্রাইফেদনা মসিগী ত্রেনরশিং অমসুং সেল্ফ হেল্প গ্রুপশিং (এস.ঐচ.জি.)দা কোবিদ-১৯ থেংননবা অমদি মরুওইবা চেকশিন থৌরাংশিংগী মতাংদা মচঙ ওইবা ৱাফমশিং খঙহন্নবা ভরচুএল ত্রেনিংগী ৱেবিনার অমা পাঙথোকখ্রে। ৱেবিনার অদু মীওই ১৮,০০০ হেন্না শরুক য়ানবা অমদি স্তেৎ ২৭গী ত্রাইবেল মফমশিং য়ৌহন্নবা পান্দমদা পাঙথোকখিবনি। ত্রাইবেল গেদররশিং মখোয়গী থবকশিং চেকশিন্না চত্থবা য়াননবগীদমক্তা হীরমসিদা থৌদাং য়ারিবা সেল্ফ হেল্প গ্রুপশিং (এস.ঐচ.জি.)গী দিজিতেল কেম্পেন অমা সোসেল দিস্তেন্সিংগী কান্নবা উত্তুনা পু্ক্নিং থৌগৎনবা দিজিতেল কম্ম্যুনিকেসন অমা শেমগৎনবা ত্রাইফেদনা য়ুনিসেফ অমসুং দবল্যু.ঐচ.ও.গা খুৎশম্নদুনা চঙশিল্লি।
থৌরমদুদা ৱা ঙাঙলদুনা ত্রাইফেদগী এম.দি. শ্রী প্রভির ক্রিস্নানা হায়খি মদুদি কোবিদ-১৯ লাইচৎকী তানফমসিদা ত্রাইবেল গেদররশিং অশোয় অঙাম য়াওহন্দবা হায়বসি ঐখোয়গী খ্বাইদগী মরুওইবনি অদুগা ত্রাইবেল গেদররশিং অসিবু মখোয়গী পোত্থোকশিং অশোয়-অঙাম য়াওদনা লৌশিনবগী থবকশিং চত্থহননবা ঐখোয়না তৌফম থোকপশিং তৌবা তাই। দিজিতেল কেম্পেন অসিগী পান্দমদি ত্রাইবেল গেদরর লাখ ৫০দা য়ৌশিনদুনা মখোয়বু অশোয়-অঙাম য়াওহন্দবনি। মফম কয়াদা হৌজিক অসি মাইনর ফোরেস্ত প্রদ্যুস (এম.এফ.পি)/নন তিম্বর ফোরেস্ত প্রদ্যুস (এন.তি.এফ.পি.) খোমজিনবা অমদি লোকশিনবগী থবক খ্বাইদগী কনখৎলকপা মতমনি। চেকশিন থৌরাং মতিক চানা পীদুনা ত্রাইবেলশিংবু তেক্ত-কায়দনা লৈহন্নবগীদমক অমদি মখোয়গী শেল-থুমগী ফীভম অমসুং পুন্সি মহিং তেক্ত-কায়দনা খোঙজেল য়াঙবা থৌরাংশিং লৌখৎপা মথৌ তাই।
অপুনবা রেজিস্ত্রেসন ৮০৬ অমসুং য়ুনিক ভ্যুৱর ৫০২না শরুক য়াদুনা ৱেবিনার অদু য়াম্না ফবা মীয়ামগী রেসপোন্স ফংখি। অপুনবগী ওইনা য়েংবদা ৱেবিনার অদুগী মনুংদা য়ুজর ২৩৮৮না শরুক য়াখি। ৱেবিনার অদু চত্থরিঙৈদা ফেসবুক্তা ভ্যু ২৬০০০ ওইখি অদুগা হৌজিক ফাউবদা ৪০,০০০ য়ৌখ্রে।
য়ুনিসেফনা এস.ঐচ.জি..শিংদা মথৌ তাবা তেংবাং ওইনা দিজিতেল মল্তিমীদিয়া কন্তেন্ত, ভর্চুএল ত্রেনিংগীদমক ৱেবিনার (কোবিদ থেংননবা মরুওইবা ৱাফমশিং খঙহনবা, মচং ওইবা ঙাকথোক্নবগী চৎনরোলশিং), সোসিয়েলল মীদিয়া কেম্পেন (সোসিয়েল দিস্তেন্সিং, হোম ক্বরেন্তাইননচিংবদা) অমসুং ভান্য রেদিওগী মওংদা পীরি। মসিগী মথক্তা ত্রাইফেদনা আর্ত ওফ লিভিং ফাউন্দেসনগী #iStandWithHumanty ইনিসিএতিবকা খুৎশম্নদুনা স্তেন্দ ৱিথ ত্রাইবেল ফেমিলিজ হায়বা শরুক অম হাপচিন্দুনা ত্রাইবেল ফূরুপশিং হিংনবগীদমক্তা চান-থক্নবা পোৎলমশিং পীবগী থবকশু চত্থরি।
বন ধন সেল্ফ হেল্প গ্রুপ ১৮,০৭৫ না শরুক য়াদুনা স্তেৎ ২৭ অমসুং য়ুনিয়ন তেরিতরী ১দা পুন্না বন ধন বিকাস কেন্দ্র ১২০৫ হাংদোক্নবা অয়াবা পীখ্রে। অহৌবগী ওইনা হায়রিবা অসিদগী এস.ঐচ.জি.. ১৫,০০০ দিজিতেল ত্রেনিংগী খুত্থাংদা বন ধন সোসিয়েল দিসতেন্সিং এৱ্যরনেস কম লাইবলিহুদ সেন্তরশিং ওইনা পুখৎখ্রে। এস.ঐচ.জি..শিং অসিনা ফূরুপশিংগী মরক্তা সোসিয়েল দিস্তেন্সিং অমসুং ইনগদবা থৌওংশিংগী মতাংদা মমুৎ তানা খঙহনগনি। কোবিদ-১৯ লাইচৎকী তানফমসিদা এন.তি.এফ.পি.গা মরী লৈনবদা তৌগদবা অমদি তৌরোইদবশিংগী পাউতাক, মশা লুনা নান্না লৈননবা তৌফম থোকপশিং, কেসলেসকী চৎন-কাংলোন ইনবা অসিনচিংবশিংসু মখোয়দা খঙহনগনি।
*****
(Release ID: 1613359)
Visitor Counter : 153