ঙসি লৈবাক অসিগী লীদরশিপ অসি কোরোনাগী মরমদগী এপ্রিল ১৪দগী চয়োল অহুম লোকদাউন তৌরুরবা মতুং, শেনমিৎলোন অসি অমুক হন্না লম্বীদা পুরক্নবগী মরমদা খন্ন-নৈনরি, উপ রাস্ত্রপতি শ্রী এম. ভেনকৈয়া নাইদুনা ঙসি ফোংদোকখ্রে মদুদি লোকদাউনগী মতুংদসু হকশেল অসি শেনমিৎলোনগা য়েংনবদা মরু ওইবা থাক্তা থমগদবনি।

ঙসি লোকদাউনগী চয়োল অনিগী মতুংদা মহাক্কী ৱারোল পীবদা শ্রী নাইদুনা ফোংদোকখি মদুদি লাক্কদৌরিবা অহুমশুবা চয়োল অসি লোকদাউনগী মরমদা সরকারনা ৱারেপ লৌনবগীদমক মরু ওইবা ওইগনি। মহাক্না হায়খি মদুদি লাইচৎ অসি শন্দোকপগী দেতা অমসুং মসি শন্দোকপগী খোংজেল অসিনা লোকদাউন লৌথোক্নবগী ৱারেপ অমা হেক্তদা শাফু পীগনি।

লোকদাউন হাংদোক্নবগী মতাংদা প্রধান মন্ত্রী লোইননা রাজ্যশিংগী মুখ্য মন্ত্রীশিংগী মরক্তা তৌনখিবা খন্ন-নৈনবগী মতাংদা পল্লদুনা শ্রী নাইদুনা মীয়ামদা ফোংদোকখি মদুদি করিগুম্বা এপ্রিল ১৪গী মতুংদা সরকারনা লৌরকপা ৱারেপ্তা করিগুম্বা অৱাবা খরা য়াওজরবসু মখোয়না মদুবু শৌগৎপীয়ু। মহাক্না থাজবা ফোংদোকখি মদুদি সরকারনা পোৎলমশিং মতিক চানা সপ্লাই তৌগনি লোইননা শোৎথরবা কাংলুপশিংদা মতিক চাবা তোংবাং ফংহনগনি।

মার্চ ২২দা জনতা কর্ফ্যু নত্ত্রগা মার্চ ২৫দগী হৌখিবা লোকদাউন নত্ত্রগা অমুক এপ্রিল ৫দা মৈ থানবা অদু মীয়াম পুম্নমক্না পাক্তক্ননা শৌগৎখিবগী মতাংদা পল্লদুনা, শ্রী নাইদুনা হায়খি মদুদি মসিনা ভারতকী চৎনবীগা থৌদোক্নবা য়াদ্রবা অধ্যামিক্তাগী মগুনশিং অদু উৎথোক্লি।

লৈবাক অসিগী কোনুংদা থোকখিবা তবলিগী জমাৎ অমসুং পাক চাউরবা খোংজং অসিগী মাই পাকপদা মদুনা পীরিবা শাফু অদুগী মতাংদা শ্রী নাইদুনা হায়খি মদুদি থৌদোক অসি নান্থোকপা য়াদ্রবা অমনি মসিদগী অতোপ্পনসু পারা তমজগদবনি।

উপ রাস্ত্রপতিনা মালেমগী কাংলুপশিংদা ফোংদোকখি মদুদি মখোয়না তুংলমচৎতা অসিগুম্বা থৌদোক অসিগী মমাংদা খঙলু উরুবা অদুমক্তগী অচুম্বা পারা তমজগদবনি অমসুং ইন্সতিত্যুসন্স, ইনফ্রাস্ত্রকচর, ইনফোর্মেসন শেয়রিং, ইন্তর্নেস্নেল কোওপরেসন অমসুং ইন্দিবিজুএল এক্সনশিং লৌখৎকদবনি।