কোর্পোরেৎ এফিয়র্স মন্ত্রালয় (এম.সি.এ.)না কোবিদ-১৯না মরম ওইদুনা লৈবাক শিনবা থুংনা লোকদাউন পাংথোকপা অমসুং অমগা অমগা লাপ্না লৈনবনা মরম ওইদুনা কম্পেনীশিংনা মায়োক্নরিবা অৱাবশিং অসি নীংথিজনা খঙই। মন্ত্রালয়না ইন্দস্ত্রী য়ুনিয়ন অমসুং কোর্পোরেৎশিংনা হায়জরকপশিং অদুদা পুক্নিং চংলি। মালেমগী ওইবা লাইচৎনা মরম ওইদুনা কাইথরক্লিবা অমসুং অপনবা থোক্লিবা কয়া অসিনা মরম ওইদুনা কম্পেনীশিংনা অখন্নবা/খুদক্কী ওইবা পাম্বৈ খরা শিজিন্নবা ফংহনবগী মথৌ তাই।

ফিভম অসি য়েংশিল্লদুনা এম.সি.এ.না মার্চ ১৯, ২০২০দা নোতিস থোকখি মসিদা কম্পেনীশিংদা জুন ৩০ ফাওবা ভিদিও কনফরেন্সিং (ভি.সি.) নত্ত্রগা ওদিও ভিজুএলগী পাম্বৈ (ও.এ.ভি.এম.)শিংনা দাইরেক্তরশিংগী মীফম পাংথোক্নবা অয়াবা পীখি মদুদা দাইরেক্তরশিংনা হকথেংননা শরুক য়াবা মথৌ তাই।

কোবিদ-১৯না মরম ওইদুনা হৌজিক্কী ওইরিবা লোকদাউন অমসুং অতৈ অথিংবশিং অসিগী মনুংদা কোর্পোরেৎ কম্প্লাইনশিং অসি কান্নবা মওংদা ওন্থোক্নবগীদমক মন্ত্রালয়না ঙসি সর্কুলর অমা থাদোকখ্রে মসিদা কম্পেনীশিংনা ভি.সি. নত্ত্রগা ও.এ.ভি.এম.গী খুৎথাংদা এক্সত্রাওর্দিনরী জেনরেল মীতিং (ই.জি.এম.)শিং পাংথোক্নবা অয়াবা পীখ্রে।

মদুগী মতুং ইন্না, কোর্পোরেৎ এফিয়র্স মন্ত্রালয় (এম.সি.এ.)না জেনরেল সর্কুলর নং. ১৪/২০২০, তাং এপ্রিল ৮, ২০২০ থাদোকখি। মসিগী মখাদা লিস্তা য়াওবা কম্পেনীশিং নত্ত্রগা ১০০০ নত্ত্রগা মসিদগী হেনবা শেয়র পাইবা কম্পেনীশিংনা কম্পেনী এক্ত, ২০১৩গী মখাদা ই-ভোতিংগী খুদোংচাবা ফংবা য়াগনি নত্ত্রগা কম্পেনীশিংনা ভি.সি./ও.এ.ভি.এম. অমসুং ই-ভোতিংগী থোংদা ই.জি.এম. পাংথোকপা য়াগনি। অতৈ কম্পেনীশিংগীদমক্তা পাংথোকপগা লাইননবা রেজিস্তর তৌরবা ই-মেলগী থোংদা ভোতিং তৌনবগী য়াম্না লাইবা থৌরাং অমা শেম শারে।

মসিগী থৌরাং অসি কাংলোনগী অতৈ মথৌ তাবশিংগা য়ানবা পুরকপা তৌদনা কম্পেনীশিংনা ভি.সি./ও.এ.ভি.এম.গী থোংদা শেয়রহোল্দরশিংগী ই.জি.এম. মীফমশিং শিনবগী অয়াবা পীরি। অহেনবা য়েংশিনবা ওইনা, ওপ্সন অসি শিজিন্নবা কম্পেনী পুম্নমক্তা মপুং ফাবা থবক্কী রিকোর্দ তৌরবা ত্রান্সক্রিপ্ত অদু চেকশিন্না থম্বগী মথৌ তাই। পব্লিক কম্পেনীশিংনা হেন্না অরোন-অথুপ লৈহন্দনবগীদমক ত্রান্সক্রিপ্তশিং অসি মখোয়গী ৱেবসাইৎতা অপলোদ তৌবা য়াই। ওপ্সন অসিগী মখাদা পাস তৌখ্রবা ৱারেপ খুদিংমক নুমিৎ ৬০নিগী মনুংদা আর.ও.সি.দা পীশিনগদবনি। অরোন-অথুপ লৈতনবা, একাউন্তেবিলিতী অমসুং ইনভেস্তরশিংগী ইন্তরেস্ত ঙাক-শেন্নবগী অতৈ পাম্বৈশিংসু য়াওহল্লি।

মন্ত্রালয়গী সর্কুলর তাং এপ্রিল ০৮, ২০২০ অদু মখাগী অসিদগী ফংবীগনি -

http://www.mca.gov.in/Ministry/pdf/Circular14_08042020.pdf