স্মার্ত সিতীশিংদা কোবিদ-১৯গী চিংনবা কেসশিং মোনিতর তৌনবা দিস্ত্রিক্ত এদমিনিস্ত্রেসন, দিস্ত্রিক্ত পুলিস অমসুং সিতী এদমিনিস্ত্রেসন্না পুন্না হোৎনরি। স্মার্ত ইনফ্রাস্ত্রকচর থৌগৎতুনা সিতীশিংনা হীৎ মেপ শিজিন্নদুনা প্রিদিক্তিব এনালাইতিকশিং দিবেলপ তৌরি অমদি চিংনবা কেসশিংগী চৎথোক-চৎশিন মোনিতর তৌবদা (জিও-ফেন্সিং শিজিন্নদুনা) এক্সন লৌখৎলি লোয়ননা পেরিওদিক হেল্থ স্তেতস মোনিতর তৌরি।

কোবিদ-১৯ লাইচৎ থেংনবদা সোসিয়েল দিস্তেন্সিং অসি মরুওইবা খোংথাং অমা ওইরি, অসিগুম্লবা তাঞ্জা অসিদা তেলিমেদিসিন অসি মরুওইবা তেক্নোলোজী অমা ওইরক্লি। তেক্নোলোজী অসি শৌগৎলদুনা স্মার্ত সিতীশিংনা নাগরিকশিংদা ওনলাইন মেদিকেল কন্সলতেসন ফেসিলিতী পীনবা সিতীদা মেদিকেল প্রেক্তিস্নরশিং (সর্তিফাইদ দোক্তরশিং অমসুং হেল্থ এক্সপার্তশিং)গা লোয়ননা কোলাবোরেৎ তৌরি। নিতী আয়োগ অমসুং ইন্দিয়ন মেদিকেল কাউন্সিলগা লোয়ননা কোলাবোরেৎ তৌদুনা হকশেল অমসুং য়াইফ-য়ুম্বাল মন্ত্রালয়না ইশু তৌবা গাইদলাইনশিংনা লোকদাউন মতম মনুংদা মেদিকেল সর্বিসশিং দেলিবরী তৌবা য়াহল্লি। গাইদলাইনশিং অসিনা দোক্তরশিংবু তেলিফোনিক, তেক্সচুয়েল নত্ত্রগা ভিদিওদা ৱারী শানবা- চেৎ, ইমেজ, মেসেজিং, ইমেল, ফেক্স অমদি অতোপ্পশিংদা য়ুম্ফম ওইরগা প্রেস্ক্রিপসন ইবা য়াহল্লি।

স্মার্ত সিতীশিংগী মরুওইবা ইনিসিয়েতিব খরা মখাদা পীরি।

মধ্য প্রদেশ:

ভোপালদা, ইন্তিগ্রেতেদ কম্মান্দ এন্দ কন্ত্রোল সেন্তর (আই.সি.সি.সি.) অসি নাগরিকশিংগীদমক হেল্পলাইন অমসুং তেলি-কাউন্সেলিং সেন্তর অমগুম শিজিন্নরি। ১০৪গা লোয়ননা ইন্তিগ্রেৎ তৌদুনা আই.সি.সি.সি.গী তোল ফ্রী নম্বর পব্লিস তৌরি।  লৈরিবা স্তেসন ওপরেতরশিং কোলশিং এতেন্দ তৌনবা ত্রেন তৌরি। ফিভম অমা হেক্তদা তেংবাংনবা মেদিকেল ওফিসরশিং আই.সি.সি.সি.দা তোঙান তোঙানবা শিফশিংদা থম্লি।

আই.সি.সি.সি. উজ্জৈন্দা, নাগরিকশিংদগী ভিদিও কনফরেন্স/তেলিফোন কোল ওক্নবা অমদি লাইওংদা য়ুম্ফম ওইরগা চুনবা পাউতাক পীনবগীদমক দোক্তর অনি পুং ২৪গী থম্লি। দোক্তরশিংনা পীবা প্রেস্ক্রিপসন্দা য়ুম্ফম ওইরগা প্রজাশিংদা হিদাক-লাংথক য়েন্থোক্নবা মেদিকেল মোবাইল য়ুনিৎ ৪০ মথৌ তৌরি।

জবলপুরদা, কত্থোক্লবা রেপিদ রেস্পোন্স তিম (আর.আর.তি.) অমসুং মোবাইল এক্সন য়ুনিৎ (এম.এ.য়ু.)শিং গ্রাউন্দ লেবেলদা ৱার্দ খুদিংমক্তা লৈরি অমদি স্ক্রিনিং, এম্বুলেন্স, ক্বরেন্তাইন অসিনচিংবগা মরী লৈননা আই.সি.সি.সি.দা লৈরিবা ওফিসিয়েলশিংগা পুন্না থবক তৌমিন্নরি। মেদিকেল তিম অমসু হেল্পলাইনগী থোংদা মখল অমা হেক্তগী খুদক্কী ওইবা মেদিকেলগী দরকার ওইবা ফংহন্নবা আই.সি.সি.সি.দা লৈরি। WhatsApp ভিদিও কোল নম্বর +917222967605 গী থোংদা নাগরিকশিংদা তেলিমেদিসিন অমসুং ভিদিও কন্সলতেসনগী খুদোংচাবা পীরি।

গ্বালিয়রদা, আই.সি.সি.সি.দা 24X7 কাউন্সেলিং হেলপদেক্স অমা লিংখৎলে। ত্রেন তৌরবা প্রোফেস্নেলশিংনা অহানবা থাক্তা নাগরিকশিংনা হংলকপা ৱাহংশিং পাউখুম পীরি অমদি কোলশিং অদু মরী লৈনবা দোক্তরশিংদা কনেক্ত তৌরি। মসিগী কাউন্সেলিংগী থৌওং অসিনা নাগরিকশিং/কোল তৌরক্লিবশিংগী মরক্তা অকিবা হন্থথহল্লি।  মশাদা চিংনবা লৈরিবা নাগরিকশিংবু দোক্তর অমা তাননবা পুক্নিং থৌগৎলি।

সতনা অমসুং সাগরদা, দোক্তরশিংবু নাগরিকশিংদগী ভিদিও কনফরেন্স/তোলিফোন কোল ওক্নবা আই.সি.সি.সি.দা থম্লি অমদি লাইওংশিংদা য়ুম্ফম ওইরগা চান্নবা পাউতাকশিং পীরি।

উত্তর প্রদেশ:

কানপুরদা আই.সি.সি.সি.না স্মার্ত সিতীগী হেল্থ সর্বিসশিংদা মিৎয়েং থম্লি। তেলিমেদিসিনগী খুদোংচাবা সিতী এদমিনিস্ত্রেসন্না হৌদোকখিবা ভিদিও কনফরেন্সিংগী থোংদা ফংহল্লি। নাগরিকশিংনা খুদোংচাবা অসি ফংনবা 8429525801দা ভিদিও কোল তৌরক্নবা ৱাফম থম্লি। অলীগরদা, অলীগর স্মার্ত সিতী ইন্তিগ্রেতেদ কম্মান্দ এন্দ কন্ত্রোল সেন্তর (আই.সি.সি.সি.)দা অয়ুক পুং ১১দগী নুংথিল পুং ২ ফাওবা অমসুং নুমিদাংৱাইরম পুং ৫দগী নুমিদাং পুং ৮ ফাওবগী মরক্তা দোক্তরশিং থমদুনা কত্থোক্লবা Whatsapp নম্বরগী থোংদা নাগরিকশিংদা তেলিমেদিসিন অমসুং ভিদিও কনফরেন্সিংগী খুদোংচাবা পীরি।

বারানসীদা, দোক্তরশিংনা ভিদিও কনফরেন্সকী থোংদা মেদিকেল সর্বিসশিং ফংহল্লি।

মহারাস্ত্রা:

নাগপুর ম্যুনিসিপাল কোর্পোরেসন্না লোকখুবা, লাইহৌ অমসুং শোর হোনবদা অৱাবা লৈবা নাগরিকশিংগী তেংবাংগীদমক কোরোনা ভাইরস এপ্লিকেসন হৌদোক্লে। নাগরিকশিংনা এপ্লিকেসন অসিদা মখোয়গী লাইওংশিংগী মতাংদা ইনফোর্মেশন মেন্সিনগদবনি অমসুং পীশিনগদবনি অমদি মোবাইল এপ্লিকেসন অদু লাইওংগা মরী লৈনব্রা নত্ত্রগা লৈনদব্রা হায়বদু খঙদোক্কনি। করিগুম্বা লাইওং অদু আইদেন্তিফাই তৌরগদি মখা তানা য়েংশিন্নবা অমসুং থবক লৌখৎনবগীদমক এন.সি.এম. দোক্তরশিংগী তীমদা পাউ পীগনি।

কর্নাতকা:

মেঙ্গলুরুদা, হেল্পলাইন নম্বর ১০৭৭গা লোয়ননা কত্থোক্লবা কোল সেন্তর অমা তেলিমেদিসিন ফেসিলিতীগী মওংদা সেল্প-ক্বরেন্তাইন তৌরিবা নাগরিকশিং য়েংশিন্নবা অমসুং পাউতাক পীনবা মথৌ তৌরি। মেঙ্গলুরু কোর্পোরেসনগী কত্থোক্লবা প্রোফেস্নেলশিং পুলিস, দোক্তরশিং কম্মান্দ এন্দ কন্ত্রোল সেন্তর (সি.সি.সি.)দা ফংদুনা নাগরিকশিংদগী লাকপা কোলশিং ওক্লি অমদি মতিক চাবা ইনফোর্মেশন পীরি।

তমিল নাদু:

চেন্নৈদা, আই.সি.সি.সি.দা দোক্তর ২৫ এঙ্গেজ তৌরি, মখোয় অমমমদা ক্বরেন্তাইন তৌরিবা মীওই ২৫০/২৫০ যেংশিনহন্দুনা মখোয়দা মোরেল অমসুং সাইকোলোজীকেল তেংবাং পীরি। দরকার ওইরগদি মখোয়না মথৌ তাবা হিদাক-লাংথকশিং রিফর তৌগনি। ভেলরদা, চিংনবা মীওই ১১৮ পাউতাক্কীদমক ইন্দিবিজুয়েল এক্সপার্তশিংগা মেপ্পিং তৌরি।

গুজরাত:

গান্ধীনগরদা, হেল্থ তীম (এক্সপার্ত দোক্তরশিং)না ভিদিও কনফরেন্সকী থোংদা য়ুমশিংদা ক্বরেন্তাইন তৌরিবা নত্ত্রগা কোরোনাগী চিংনবা অনাবশিংবু অহানবা খোংথাং লৌখৎনবা অমদি চেকশিন থৌরাং লৌখৎনবা পাউতাক পীরি। গান্ধীনগর ম্যুনিসিপাল কোর্পোরেসনগী ৱেবসাইতকী থোংদা গান্ধীনগরদা লৈরিবা গ্রোসরী স্তোরশিংগী কন্তেক্ত নম্বরশিং সিতীগী নাগরিকশিংদা ফংহল্লি।

রাজস্থান:

কোতা স্মার্ত সিতীদসু রিমোৎ দিজিতেল মেদিকেল কন্সলতেসনগী খুদোংচাবা ফংহল্লি অমদি লোকেল মেদিকেল স্তোরশিংগসু শম্নহল্লি।

ন্যু তাউন কোলকতাদা স্কাইপ শিজিন্নবগী থোংদা তেলিমেদিসিন সেন্তর অমা ওপরেৎ তৌবগী খুদোংচাবা ফংহল্লি।