লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক ভারত সরকারনা রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

কেবিনেৎ সেক্রেতরীনা রাজ্যগী শরুক পুম্নমক্তা রেস্পোন্সকী য়ুনিফোর্মিতী ফংহন্নবগীদমক অৱাংবা থাক্তা তোঙান-তোঙানবা দিস্ত্রিক্ত ওফিসিয়েলশিংগা লোয়ননা ভিদিও কনফরেন্সকী থোংদা ৱারী শানরি। দিস্ত্রিক্ত পুম্নমক্তা কোবিদ-১৯গীদমক দিস্ত্রিক্ত লেবেল ক্রাইসিস মেনেজমেন্ত প্লান অমা থম্নবা পাউতাক পীখ্রে।

হকশেল অমসুং য়াইফ-য়ুম্বাল মন্ত্রালয়না কোবিদ-১৯ শন্দোরক্লিবা অসিগীদমক ক্বরেন্তাইন ফেসিলিতীশিং শেমগৎনবগীদমক গাইদলাইনশিং ইসু তৌখ্রে। গাইদলাইনশিং অসি মখাগী অসিদগী ফংবীগনি: https://www.mohfw.gov.in/pdf/90542653311584546120quartineguidelines.pdf

মন্ত্রালয় অসিনা কোবিদ-১৯ অনাবশিংগী ত্রিৎমেন্ত/দাইগ্নোসিস/ক্বরেন্তাইন মনুংদা জেনরেৎ তৌরকপা ৱেস্তশিংগী হেন্দলিং, ত্রিৎমেন্ত অমসুং দিস্পোজেলগীদমক গাইদলাইনশিংসু ইসু তৌখ্রে মদু মখাগী অসিদগী ফংবীগনি https://www.mohfw.gov.in/pdf/63948609501585568987wastesguidelines.pdf.

মসিগী মথক্তা কোবিদ-১৯ শন্দোরকপগী মনুংদা স্ত্রেস অমসুং এঞ্জাইতী মেনেজ তৌনবগীদমক ইনফোর্মেতিব ভিদিও খরসু হকশেল অমসুং য়াইফ-য়ুম্বাল মন্ত্রালয়গী ৱেবসাইত্তা পোস্ত তৌরে।  

রাজ্যশিংদা হান্ননা ক্বরেন্তাইন সেন্তরশিং, দেদিকেতেদ কোবিদ-১৯ হোস্পিতালশিং শাবগী মরী লৈনবা থৌরাং পুম্নমক পায়খৎনবা অমদি অতোপ্পা মেদিকেল ইকুইপমেন্ত, অনাবা মীওইগী ত্রিৎমেন্ত অমসুং কোবিদ-১৯গী মেনেজমেন্তকা মরী লৈনবা অতোপ্পা এক্তিবিতী পুম্নমক পায়খৎনবা নেস্নেল হেল্থ মিসন (এন.ঐচ.এম.) অমসুং স্তেত দিজাস্তর রিলিফ ফন্দ (এস.দি.আর.এফ.)কী মখাদা ফন্দশিং শিজিন্ননবা পাউতাক পীখ্রে। মসিগী মথক্তা এন.ঐচ.এম.না হান্ননা রাজ্য পুম্নমক্তা লুপা কোতি ১১০০ সেঙ্কসন তৌখ্রে অমদি লুপা কোতি ৩০০০গী অহেনবা ফন্দ ঙসি রিলিজ তৌখ্রে। লোয়ননা সেন্ত্রেল পুলদগী পুথোকপা N-95 মাস্ক, ভেন্তিলেতর্স অমসুং পি.পি.ই.শিং পুথোক্লি অমদি লৈবাক অসিগী রাজ্য খুদিংমক্তা য়েন্থোক্লি।

হৌজিক ফাওবদা কেস ৪০৬৭ কনফার্ম তৌরে অমদি ১০৯ লৈখিদবগী রিপোর্ত তৌরি। মীওই ২৯১ ফিভম ফগৎলক্লবা মতুং দিজচার্জ তৌখ্রে।

হৌজিক ফংলিবা দাতাগী মতুং ইন্না অপুনবা কনফার্ম কেসশিংগী এনলাইসিস অমা মখাগী দিস্ত্রিব্যুসন অসিদা উৎলি:

• জেন্দর দিস্ত্রিব্যুসন:
  • চাদা ৭৬তি নুপানি
  • চাদা ২৪দি নুপীনি
• চহিগী দিস্ত্রিব্যুসন:
  • মীওই চাদা ৪৭তি চহি ৪০গী মখাদা লৈবা চহি কাংলুপ্তগীনি
  • মীওই চাদা ৩৪দি চহি ৪০-৬০গী মরক্তা লৈবা চহি কাংলুপ্তগীনি
  • মীওই চাদা ১৯দি চহি ৬০ অমদি মথক্তা লৈবা কাংলুপকীনি

কোবিদ-১৯না মরম ওইদুনা রিপোর্ত তৌরকখিবা লৈখিদ্রবা ১০৯ এনালাইজ তৌবা মতমদা ফংখিবশিং মখাদা লৈরে:

• জেন্দর দিস্ত্রিব্যুসন:
  • চাদা ৭৩দি নুপা
  • চাদা ২৭তি নুপীনি
• চহিগী দিস্ত্রিব্যুসন:
  • লৈখিদ্রবা চাদা ৬৩দি চহি ৬০গী মথক্নি হায়না রিপোর্ত তৌরি
  • লৈখিদ্রবা চাদা ৩০দি চহি ৪০দগী ৬০গী মরক্তা লৈবা মীওইশিংনি হায়না রিপোর্ত তৌরি
  • লৈখিদ্রবা চাদা ৭তি চহি ৪০গী মখাদা লৈবা মীওইশিংনি হায়না রিপোর্ত তৌরি

হৌজিক ফাওবদা লৈখিদ্রবা চাদা ৮৬তি দাইবেতিক, হাইপর্তেন্সন, কিদনী/কার্দিয়েক ইসুশিং অসিনচিংবা লৈবা মীওইশিং ওইবা অদু উবা ফংলে। অদুম ওইনমক কনফর্ম কেস চাদা ১৯দি অহন ওইরবশিংগী মরক্তা রিপোর্ত তৌরি, অমদি মখোয়গী মরক্তা শিবগী চাং চাদা ৬৩ ওইরি। মখা তানা লৈখিদবা চাদা ৩৭তি চহি ৬০গী মখা ওইরি। লৈখিদ্রবা মীওইশিংগী মরক্তা চাউরাক্না চাদা ৮৬তি কো-মোর্বিদাইতিজ ওইবা অদু উৎলি অদুনা কো-মোর্বিদাইতিজ ওইবা নহা ওইরিবা মীওইশিংসু কোবিদ-১৯গী অৱাংবা রিস্ক লৈরি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .