য়ুনাইতেদ স্তেৎস (য়ু.এস.এ.)গী লৌউ-শিংউ বিভাগকী নেস্নেল ভেতিরিনরী সর্বিসেস লেবোরেতরীজনা এপ্রিল ৫, ২০২০দা থাদোরকখিবা ৱারোল অমদা ব্রোংস জু, ন্যু য়োর্ককী কৈ অমা সার্স-কোব-২ (কোবিদ-১৯) কনফার্ম তৌরে হায়না ফোংদোকখ্রে।

https://wvvw.aphis.usda.gov/aphisinewsroominews/sa_by_date/sa-2020/ny-zoo-covid-19

ৱাফম অসিদা মিৎয়েং চংলদুনা ইনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী মখাদা লৈবা সেন্ত্রেল জু ওথোরিতীনা লৈবাক অসিদা লৈবা শায়োকশঙ পুম্নমক্তা চেকশিন থৌরাং লৌখৎনবা, মহৌশাগা মান্নদবা মওং-মতৌ/খুদম য়েংশিনবগা লোইননা সি.সি.তি.ভি.গী মতেংদগী শাশিংবু পুং ২৪ য়েংশিন্নবা, পি.পি.ই. (পর্সোনেল প্রোতেক্সন ইকুইপমেন্ত) নত্ত্রগা অতৈ সেফতী গীয়রশিং য়াওদনা শায়োকশঙগী শিন্মীশিংনা শাশীংগী মনাক নক্তনবা, অনাবা শাশিংবু আইসোলেৎ অমসুং ক্বারেন্তাইন থম্বা অমসুং শাশিংবু মচিঞ্জাক পীজবা মতমদা লাপ্না লৈননবা খঙহনখ্রে।

এদভাইজরী অদুদা মখা তানা পল্লি মদুদি শাহিং চাবা খোম থকপা শাশিং খুদম ওইনা হৌদোং, খৈরোই অমসুং য়োংনচিংবা শাশিং চেকশিন্না য়েংশিনগদবনি। চিংনবা কেসশিংগী সেম্পল অদু নুমিৎ ১৫নিগী মনুংদা কোবিদ-১৯ তেস্তকীদমক্তা নেস্নেল/ঐচ.সি.এম.আর. গাইদলাইনশিংগী মতুং ইন্না হেন্না খুদোংথিনীংঙাই ওইবা ভাইরস অসিগী বাইও-কন্তাইনমেন্ত অমসুং সেফতীগী পাম্বৈশিং অসি ঙাকপগা লোইননা খন্দোক্লবা এনিমেল হেল্থ ইন্সতিত্যুৎশিংদা থাগদবনিঃ

১. নেস্নেল ইন্সতিত্যুৎ ওফ হাই সেক্যুরিতী এনিমেল দিজিজ (এন.আই.ঐচ.এস.এ.দি.), ভোপাল, এম.পি.

২. নেস্নেল রিসর্স সেন্তর ওন ইকুইন্স (এন.আর.সি.ই), হিসার, হরিয়ানা।

৩. সেন্ত্রেল ফোর এনিমেল দিজিজ রিসর্স এন্দ দাইগ্নোস্তিক (সি.এ.দি.আর.এ.দি.), ইন্দিয়ন ভেতেরিনরী রিসর্স ইন্সতিত্যুৎ, (আই.ভি.আর.আই.), ইজাৎনগর, বরেলী, য়ু.পি.

সেন্ত্রেল জু ওথোরিতীনা শায়োকশঙগী শিন্মী খুদিংমক্তা খঙহনখ্রে মদুদি কোবিদ-১৯গী মতাংদা সরকারনা মতম মতমগী থাদোরকপা সেফতী অমসুং দিসইনফেক্সন প্রোতোকোল অদু চেকশিন্না ঙাক্কগদবনি।

মসিগা লোইননা শায়োকশঙ পুম্নমক্তা খঙহনখ্রে মদুদি পব্লিক হেল্থকীদমক্তা খন্দোক্লবা নোদল এজেন্সীশিংগা লোইননা মতেং পীনগদবনি অমসুং নোদল এজেন্সীশিংনা হায়রকপা মতমদা স্ক্রীনিং, তেস্তিং, সর্বিলেন্স অমসুং দাইগ্নোস্তিক্কীদমক্তা সেম্পলশিং পীগদবনি।