প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা কেন্দ্র মন্ত্রীশিংগা ৱারী শানখ্রে।

প্রধান মন্ত্রীনা মন্ত্রীশিংগী লীদরশিপ্পু থাগৎপা ফোংদোকখি অমসুং হায়খি মদুদি মখোয়না লেপ্পা লৈতনা পীরক্লিবা ফীদবেক্না কোবিদ-১৯ থেংননবগীদমক লালোং য়াৎপদা ইফেক্তিব ওইরি। মহাক্না হায়খি মদুদি লুচিংবশিংনা রাজ্য অমসুং দিস্ত্রিক্ত এদমিনিস্ত্রেসনগা লোয়ননা মপুং ফানা পাউ ফাওনবা অসি য়াম্না মরু ওই, অখন্ননা লাইচৎকী হোৎস্পোৎ ওইরিবা জিলাশিংদা অমদি চোংথোরক্লিবা প্রোব্লেমশিংদা সোলুসন পীবসু মরু ওই। মহাক্না হায়খি মদুদি পি.দি.এস. সেন্তরশিংদা মী য়াম্না তিলহন্দবা, ইফেক্তিব মোনিতরিং ঙাক্তুনা চৎপা, ৱাকৎশিংদা এক্সন লৌখৎপা অমসুং তঙাইফদবা পোৎলমশিংগী ব্লেক মার্কেতিং অমসুং মমল হেঙ্গৎপা থিংবসু মরু ওই।

প্রধান মন্ত্রীনা হায়খি মদুদি লৌমীশিংগী য়াইফ-থৌরাং অসি য়াম্না মরু ওই। মহাক্না মসিমসু হায়খি মদুদি লৌরোক মতমদা সরকারনা লৌমীশিংদা পীবা য়াবা তেংবাং পুম্নমক পীগনি। মসিগা মরী লৈননা মহাক্না তেক্নোলোজী তাশিন্নবা অমসুং এপ্তা য়ুম্ফম ওইবা কেব সর্বিসশিংগী পরিংদা লৌমীশিংবু মন্দীগা শম্নহন্নবা ‘ত্রক এগ্রীগেতর্স’গুম্বা ইনোবেতিব সোলুসনশিং শিজিন্নবা এক্সপ্লোর তৌবদা পুক্নিং থৌগৎনবা ৱাফম থমখি। মহাক্না ত্রাইবেল প্রদক্তশিং লৈবা ঙমহন্নবা স্ত্রাতিজী অমা থৌরাং তৌবগী দরকার ওইবসু ফোংদোকখি।

প্রধান মন্ত্রীনা গরীব কল্যান য়োজনাগী কান্নবশিং লাকয়েন তাইদবা মওং অমদা বেনিফিসরীশিংদা য়ৌহন্নবা লেপ্পা লৈতনা মোনিতর তৌবা অমদি শোইহন্দবগী মরুওইবদা অকনবা ৱাফম ফোংদোকখি। মহাক্না মখা তাখি মদুদি প্লানিংদা ভাইরস মখা তানা শন্দোরকপগী ওইথোকপা য়াবশিং য়াওহনগদবনি। তঙাই ফদবা হিদাক-লাংথকশিং অমসুং প্রোতেক্সন ইক্বিপমেন্ত পুথোকপগী অকক্নবা মতম ঙাক্তুনা থম্নবগীদমক লেপ্পা লৈতনা মোনিতর তৌগদবনি। সপ্লাই লাইনশিং ঙাক্তুনা থম্নবা অমসুং তঙাইফদবশিং ফংহন্নবা মাইক্রো লেবেল-প্লানিং মথৌ তাই। 

লোকদাউগী খোংথাং অমসুং সোসিয়েল দিস্তেন্সিংগী চৎন-কাংলোন খুৎশম্ননা চৎপা মথৌ তাই হায়না ফোংদোক্লদুনা প্রধান মন্ত্রীনা হায়খি মদুদি লোকদাউন লোইরবা মতুং ইমর্জেন্ত কন্দিসনশিংগীদমক পোরম য়াৎপা মথৌ তাই। মহাক্না মন্ত্রীশিংদা লোকদাউন লোইখ্রবা মতুংদা মরুওইবা ৱারেপ তরা অমসুং মিৎয়েং চংনবা প্রায়োরিতী এরিয়া তরা খঙদোক্নবা হায়খি। মহাক্না বিভাগ পুম্নমক্তা মখোয়গী থবকশিংনা মেক ইন ইন্দিয়া প্রমোৎ তৌনবা ওবজেক্তিব ইন্দেক্স অমা ঙাক্তুনা থম্নবা হায়খি।

ইকোনোমীদা কোবিদ-১৯গী ইম্পেক্তকী মতাংদা ঙাংলদুনা প্রধান মন্ত্রীনা হায়খি মদুদি সরকারনা ইম্পেক্ত অসি হন্থহন্নবা ৱার-ফুতিংদা থবক তৌরি। মন্ত্রালয়শিংনা বিজিনেস কন্তিন্যুতী প্লান অমা শেম শাগদবনি হায়না মখা তাখি। মহাক্না হায়খি মদুদি হোৎস্পোৎ একজিস্ত তৌদবা মফমদা তপ্না হাংদোকপা বিভাগশিংদা গ্রেদেদ প্লান অমা শেমগদবনি, ক্রাইসিস অসিনা মেদিকেল সেক্তরদা সেল্ফ-দিপেন্দেন্ত ওইরক্নবা তঞ্জা অমা পীরি হায়না মখা তাখি। প্রধান মন্ত্রীনা মন্ত্রীশিংদা লাইচৎকী মতাংদা ইনফোর্মেশন অমসুং এৱ্যার্নেস মখা তানা শন্দোক্নবা রুরেল এরিয়াশিং অমসুং গ্রাস রুৎ ইন্সতিত্যুসনশিংদা আরোগ্য সেতু এপ মীয়াম্না পাম্নহন্নবসু হায়খি।

মন্ত্রীশিংনা #9pm9minuteকী অনৌবা খোংথাংবু থাগৎখি, মসিদা লৈবাক অসিগী কাচিন-কোয়া খুদিংমক্তগী মীওইশিংনা শরুক য়াখি, লাইচৎ অসিগী মায়োক্তা চত্থরিবা লান্দা মীপুম খুদিংমকপু পুল্লপ পুন্সিনহল্লে হায়না ফোংদোকখি।

ভারত সরকারগী মকোকথোংবা ওফিসিয়েলশিংনা মাংদা তারিবা শিংনবশিং থেংননবা লৌখৎলিবা খোংথাংশিংদা মচা খাইবা প্রজেন্তেসনশিং লান্থোকখি।