গ্রীদকী চমম্নবশিং কোকহনবা

ৱাহং -১: নুমিদাং পুং ৯-৯:0৯দা শুপ্নগী ইমুংগী লাইৎশিংদমক মুথৎকদরা নত্ত্রগা স্ত্রিৎ লাইৎ, কমন এরিয়া লাইতিং, মথৌ তাবা সর্বিসশিং অসিনচিংবগী লাইৎসু মুথৎকদরা?

পাউখুমঃ ইকাই খুমরবা প্রধান মন্ত্রীগী মাইকৈদগী তৌখিবা অপীলগী মতুং ইন্না ইশা ইশানা শুপ্নগী য়ুমগী লাইৎশিংদমক মুথৎকদবনি। ৱাফম অসি হন্না হন্না পনখি মদুদি মতম অদুদা স্ত্রিৎ লাইৎ, কমন এরিয়া ওইবা মফমশিং, হোস্পিতালশিং অমসুং অতৈ মথৌ তাবা সর্বিসশিং অসিনচিংবা লাইৎশিং মুথৎলোই।

ৱাহং-২: ঐগী য়ুমগী লাইৎশিং মুথৎপা মতমদা ঐগী ইমুংগী পোৎলমশিং শোইদ-ঙামদবা ওইগদরা?

পাউখুমঃ অদোমগী ইমুংগী পোৎলম পুম্নমক শোইদ-ঙামদবা ওইগনি। ফেন, এ.সি., রেফ্রিজরেতর অসিনচিংবা মুথৎপগী মথৌ তাদে। ইন্দিয়ন ইলেক্ত্রিসিতী গ্রীদ অসি অসিগুম্বা মখলগী লোদ ভেরিয়েসনশিং শেন্ননবা নীংথিজনা দিজাইন তৌরবনি অমসুং অসিগুম্বা লোদ ভেরিয়েসন্না মরম ওইদুনা ওইহল্লকপা মখল অমা হেক্তগী ফ্রিক্বেন্সীগী অহোংবশিং লাকশিন্নবা মসিদা সেফতী মেকানিজমশিং য়াওরি। অসুম্না, ইমুংগী পোৎলম খুদিংমক মপুং ফানা শোইদ-ঙামদবা ওইগনি অমসুং মরম অসিনা মখোয় অদু মথৌ তাবা মতুং ইন্না নোর্মেল ফঙ্কসন মোদতা থম্বীগদবনি।

ৱাহং-৩: এপ্রিল ৫গী নুমিদাং পুং ৯:০০দগী ৯:০৯ ফাওবা মৈ মুথৎলিঙৈ মনুংদা গ্রীদকী স্তেবিলিতী শেন্ননবগীদমক মতিক চাবা থৌরাং অমসুং প্রোতোকোল লৈরবরা?

পাউখুমঃ হোয়, গ্রীদকী স্তেবিলিতী ঙাক্তুনা থম্নবগীদমক মথৌ তাবা থৌরাং পুম্নমক অমসুং স্তেন্দর্দ প্রোতোকোলশিং লৈরে।

ৱাহং-৪: মৈ মুথৎপা অসি তঙাইফদবা নত্ত্রগা ইশানা য়ানীংনা তৌগদবরা?

পাউখুমঃ ইশানা য়ানীংনা তৌগদবনি। হান্নসু হায়খ্রে মদুদি শুপ্নগী ইমুংগী লাইৎতমক মুথৎকদবনি।

ৱাহং-৫: অসিগুম্বা চিংনবা খরা পোকহল্লি মদুদি মসিদগী গ্রীদতা অরেপ্পা লৈতবা অমসুং ভোল্তেজদা অনেম-অৱাং থোকপা য়াই, মদুনা মরম ওইদুনা ইলেক্ত্রিকেলগী পোৎলমশিংদা অমাং-অতা থোকপা য়াই।

পাউখুমঃ অসিগুম্বা চিংনবা অসি মপুং ফানা য়ুম্ফম য়াওদে। মসি ইচম চম্বা থৌদোক অমনি অমসুং ইন্দিয়ন ইলেক্ত্রিসিতী গ্রীদ অসি অসিগুম্বা মখলগী লোদ ভেরিয়েসন অমসুং ফ্রিক্বেন্সী চেঞ্জশিং অসি লাকশিন্নবগীদমক স্তেন্দর্দ ওপরেতিং প্রোতোকোলশিংগী মতুং ইন্না নীংথিজনা দিজাইন তৌরবনি।

ৱাহং-৬: ঐখোয়গী গ্রীদ মেনেজমেন্ত অমসুং তেক্নোলোজী অসি মৈ মুথৎপা মতমদা থোরক্কদবা অসিগুম্বা মখলগী অনেম-অৱাং অসি মায়োক্নবা ঙম্বগী পাঙ্গল লৈবরা?

পাউখুমঃ ইন্দিয়ন ইলেক্ত্রিসিতী গ্রীদ অসি মপাঙ্গল কল্লি অমসুং অনৌবা তেক্নোলোজীশিংনা শাবনি। মসিদা মতম অমা হেক্তদা অসিগুম্বা মখলগী অনেম-অৱাং ওইরকপগী ফিভম লাকশিন্নবগীদমক মথৌ তাবা কন্ত্রোল অমসুং প্রোতেক্তিব ওইবা মচাকশিং য়াওই।

ৱাহং-৭: ফেন, রেফ্রিজরেতর, এ.সি.গুম্বা পোৎলমশিং স্বিচ ওফ তৌবা মথৌ তাবরা নত্ত্রগা ওন মোদতা থমগদরা?

পাউখুমঃ অদোমগী য়ুমগী পোৎলমশিং শোইদ-ঙামদবা ওইগনি। পোৎলমশিং অদু শিজিন্নরিবশিংগী মথৌ তাবা মতুং ইন্না নোর্মেল ওইবা মওংদা থম্বীগদবনি। অখন্ননা নুমিদাং পুং ৯দা থিংজিনবগী মথৌ করিসু তাদে।

ৱাহং-৮: স্ত্রিৎ লাইৎ মুথৎকদরা?

পাউখুমঃ মুথৎলোই।

তশেংবদি, রাজ্য/য়ুনিয়ন তেরিতোরীশিং/লোকেল বোদীশিংগী পব্লিক সেফতীগীদমক স্ত্রিৎ লাইৎ থান্দুনা থম্নবা খঙহল্লি।

ৱাহং-৯: হোস্পিতাল নত্ত্রগা অতৈ ইমর্জেন্সী অমসুং মরু ওইবা ইন্সতোলেসনশিংদা মৈ মুথৎকদরা?

পাউখুম: মুথৎলোই, হোস্পিতালশিং অমসুং পব্লিক য়ুতিলিতিজ, ম্যুনিসিপাল সর্বিসশিং, ওফিসশিং, পুলিস স্তেসনশিং, মেন্যুফেকচরিং ফেসিলিতীশিং অসিনচিংবা মথৌ তাবা অতৈ সর্বিস পুম্নমক মৈ থান্দুনা থমগনি। ইকাই খুম্নরবা প্রধান মন্ত্রীনা শুপ্নগী যুমশিংদা মৈ মুথৎনবা খঙহনখিবনি।

ৱাহং-১০: য়ুম খক্তগী ওইবা মৈঙালগী লোদ অসি চাউরাক্না ২০%নি। খঙহৌদনা লোদ ২০% দিসকনেক্ত তৌবদা গ্রীদ অসি দিস্তেবিলাইজ ওইরোইদরা? মন্ত্রালয়না করি পাম্বৈ শিজিন্নগদগে?

পাউখুম: য়ুমগী মৈঙালগী লোদ অসি চাদা ২০দগীসু হেন্না তাই। অসিগুম্বা মখলগী হন্থরকপা অসিগী থৌরাং লাইনা পাংথোকপা ঙম্মি মসিগীদমক্তা স্তেন্দর্দ তেক্নিকেল ওপরেতিং প্রোতোকোল লৈরি।

ৱাহং-১১: লোদ শেদিং তৌগদরা? তৌগদবা ওইরবদি মদুনা করি শাফু পীগনি?

পাউখুমঃ মখল অমত্তগী লোদ শেদিং তৌবগী থৌরাং লৈতে।