কোভিদ-১৯ লাকশিন্নবা পায়খৎলিবা থবকশিং অসিদা পোৎলমশিং য়াম্না য়াংনা পুথোক্নবা দিফেন্স রিছার্স এন্দ দিবলপমেন্ত ওর্গনাইজেসন(দি আর দি ও)না সাইন্তিফিক ওইবা থবকশিং পায়খৎলি । মশিং য়াম্না পুথোক্নবা দি আর দি ও লেবোরেতোরিশিংনা ইন্দস্ত্রিশিংগা পুন্না থবক তৌমিন্নরি । পরসোনেল সেনিতাইজেসন ইনক্লোজর (পি এস ই ) অহমেদবাত্ত লৈবা দি আর দি ওগী লেবোরেতোরি , ভেহিকল রিছার্স দিবলপমেন্ত ইস্তব্লিসমেন্তনা পি এস ই হায়না খঙনবা হকচাং পুম্বা মহিক হাৎনবা কা অমা পুথোক্লে । মীওই অমা কা অসি ফাওদুনা চৎখিবা মতমদা মহিক হাৎনবা মওংদা মসি পুথোকপনি । মসি সেনিতাইজর অমসুং সাপোন য়াওবা থাদোক-থাংজিন য়াবা অমনি । কা অদুদা চংখিবা মতমদা ইলেকত্রিক্কী পম্প অমনা মহিক হাৎনবা হাইপো সোদিয়ম ক্লোরাইদ লৈচিল মফোলগুম্না কাপশিনগনি । হায়রিবা মিস্ত স্প্রে অদু সেকেন্দ ২৫ কাপকনি অমসুং মশা মথন্ত লেপচখিগনি । মহিক হাৎনবা মীওই অমনা কা মনুংদা লৈরিঙৈদা মীৎ উইশিনগদবনি । সিস্তেম অসি মথক কুপ্পী অমসুং লিতর ৭০০ চনবা তেঙ্ক য়াওরি । মসিগী কা অসি ফাওদুনা মহিক হাৎনবা মীওই ৬৫৯ রোম ফাওদুনা চৎখিবা য়াগনি অমসুং অমুক হন্না হিদাক হানবা দরকার ওই । য়েংবা য়ানবা সিস্তেম অসিগী নাকলশিং গ্লাস পেনেলশিং য়াওরি অমসুং নুমিদাংগী মতমদা উনবা মৈ য়াওরি । থবক পুম্নমক য়েংশিন্নবা তোখাইবা ওপেরেতর কেবিন অমা লৈরি । সিস্তেম অসি দি ঐচ লিমিতেদ, গাজিয়াবাদকী মতেংগা লোয়ন্না নুমিৎ ৪ চংনা পুথোকপনি । মসিগী সিস্তেম অসি হোস্পিতালশিং, মোলশিং, ওফিস বিল্দিংশিং অমসুং মরুওইবা মফমশিংদা চংখিবা অমসুং থোকখিবা মীওইশিং মহিক হাৎনবা শীজিন্নবা য়াগনি । ফুল ফেস মাক্স(এফ এফ এম) রিছার্স সেন্তর ইমারাত, হায়দ্রবাদ অমসুং তরমিনেল বেল্লিসতিক্স রিছার্স লেবোরেতোরি, চান্দিগরনা কোভিদ-১৯ অনাবা মীওইশিং লায়েংলিবা হকশেলগী মীওইশিংগী ফেস মাক্স পুথোক্লে । মসি য়াম্না য়াংবা মাক্স অমা ওইবনা মতম শাংনা শীজিন্নবদা নুংঙাইবা ফাওহল্লি । মসি শাবদা মরাং কাইনবা ফংবা এ ফোর সাইজগী ওভর-হেদ প্রোজেক্সন ফিল্ম শীজিন্নরি । ফুজ দিপোজিসন মোদেলিং(থ্রি দি প্রিন্তিং) শীজিন্নদুনা মসিগী হোল্দিং ফ্রেম শারি । ফ্রেম থ্রি দি প্রিন্তিং তৌবদা পোলিলেতিক এসিদ ফিলামেন্ত শীজিন্নরি । মসিগী থরমোপ্লাস্তিক অসি চুজাম নৎত্রগা চুগী ফংবা মচাকশিংনা শেম্বনি অমসুং মহৌশাদা মশা মরোমদোম তুম্বা ঙম্মি । ইনজেক্সন মাউল্দিং তেক্নিক শীজিন্নদুনা মসিগী ফেস মাক্স অসি মশিং য়াম্না পুথোক্কনি । তি বি আর এলনা নোংমদা ফেস সিল্ড লিশিং ১ পুথোক্লি অমসুং পোস্ত গ্রেজুয়েত ইন্সতিতুৎ ওফ মেদিকেল ইজুকেসন এন্দ রিছার্স, চান্দিগরদা পীখ্রে । মসিগা চপ মান্নবা আর সি আইদা পুথোকপা মাক্স ১০০ ইমপ্লোয়িস স্তেদ ইন্সুরেন্স কোরপোরেসন , হায়দ্রবাদতা পীখ্রে । চাংয়েং ওইনা শীজিন্নবদা মাইপাকপদগী পোস্ত গ্রেজুয়েত ইন্সতিতুৎ ওফ মেদিকেল ইজুকেসন এন্দ রিছার্স, চান্দিগর অমসুং ই এস আই সি হোস্পিতালশিংনা সিল্ড ১০,০০০ পীনবা হায়রক্লে ।

(Release ID: 1611351) Visitor Counter : 152