লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক ভারত সরকারনা রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

লৈবাক অসিদা কোবিদ-১৯ থিংনবা অমদি মেনেজমেন্তকী দরকার ওইবশিং ফংহন্নবা দোক্তরশিং, নর্সিং প্রোফেস্লেলশিং, এলাইদ হেল্থকেয়র প্রোফেস্নেলশিং অমসুং অতোপ্পশিং য়াওনা হেল্থ প্রোফেস্নেলশিংগী তোঙান-তোঙানবা থাকশিং লৈরি। দরকারগী মতুং ইন্না আশা লাখ ৯.৭০, অয়ুশ প্রোফেস্নেল লাখ অমা, এন.সি.সি. কেদেৎশিং, এক্স-সর্বিসমেন, রেদ ক্রোস/এন.এস.এস./এন.ৱাই.কে. ভোলুনতীয়রশিং, গ্রাম পঞ্চায়ৎশিংদগী এমপ্লোইশিং অমসুং অর্বান লোকেল বোদী এমপ্লোইশিং, সিভিল সোসাইতী ওর্গনাইজেসনশিং শরুক য়াবা য়াই। হোস্পিতাল মেনেজমেন্তকী শরুক ওইনা রেসিদেন্তস/পি.জি. মহৈরোইশিং অমসুং নর্সিং মহৈরোইশিংগী রিএলোকেসনগীদমক স্তেনদর্দ ওপরেতিং প্রোতোকোল (এস.ও.পি.) অমা শেম শারে। মসিগী মথক্তা সরকার, আর্ম ফোর্সেস মেদিকেল সর্বিসেস, পব্লিক সেক্তর অন্দরতেকিংদগী থবক্তগী পোত্থারবা দোক্তরশিং অমসুং প্রাইবেৎ দোক্তর ৩১,০০০ হেনবনা মশানা য়ানা কোবিদ-১৯গী মায়োক্তা থেংনবদা শরুক য়ানবা খুৎয়েক পীরে।

হকশেল অমসুং য়াইফ য়ুম্বাল মন্ত্রালয়না মায় অমসুং চিনগী য়ুমদা শেম্বা প্রোতেক্তিব কোভর শিজিন্নবদা এদভাইজরী রিলিজ তৌখ্রে মদু মসিদা ফংবীগনিঃ

https://www.mohfw.gov.in/pdf/Advisory&ManualonuseofHomemadeProtectiveCoverforFace&Mouth.pdf

হৌজিক ফাওবদা ক্লিনিকেল মেনেজমেন্ত, ভেন্তিলেতর সপোর্ত, ইনফেক্সন প্রিভেন্সন অমসুং কন্ত্রোল, ক্বারেন্তিন মেনেজমেন্ত অসিনচিংবা তোঙান-তোঙানবা তোপিকশিংদা ত্রেনিং মোদুল ৩০ শেম-শাখিবা অমদি খোমজিনখিবা অদু হেল্থ মিনিস্ত্রীগী ৱেবসাইত্তা ওনলাইন ফংবীগনি: https://www.mohfw.gov.in/.

লৈখিদ্রবা অয়াম্বা অহল ওইরবশিং নত্রগা দাইবেতিক, হাইপরতেন্সন, কিদনী/কার্দিয়েক ইসুশিং অসিনচিংবা লৈবা মীওইশিং ওইবা অদু উবা ফংলে। মরম অদুনা হায় রিস্ক কেতেগোরীদা লৈবা মীওইশিংনা চেকশিন থৌরাং পুম্নমক লৌখৎপা দরকার ওই। হায়রিবা অসিগী মথক্তা হৌজিক ফাওবদা পোজিতিব কেস পুম্নমক্কী চহিগী প্রোফাইল এনালাইসিস অমা রিপোর্ত তৌরি, মদুদা উৎলিবদি:

○         চহি ০-২০গী মরক্তা কেস চাদা ৮.৬১

○          চহি ২১-৪০গী মরক্তা কেস চাদা ৪১.৮৮ 

○          চহি ৪১-৬০গী মরক্তা কেস চাদা ৩২.৮২ 

○          চহি ৬০গী মথক্তা কেস ১৬.৬৯

লাইফলাইন উরানগী মখাদা, এয়র কার্গো কেরিয়রশিংনা অৱাং-নোংপোক লমদমশিং অমসুং চিংগী লমদমশিংদা অখন্নবা মীৎয়েং চংবগা লোয়ননা রাজ্য পুম্নমক্তা হৌজিক ফাওবদা চাউরাক্না তন ১১৯ ত্রান্সপোর্ত তৌখ্রে, মদুদা কোবিদ-১৯গা মরী লৈনবা রিএজেন্তশিং, এঞ্জাইমশিং, মেদিকেল ইক্বিপমেন্তশিং, তেস্তিং কিৎশিং, পর্সোনেল প্রোতেক্তিব ইক্বিপমেন্ত (পি.পি.ই.), মাস্কশিং, গ্লোবশিং, অসিনচিংবা য়াওরি।

হৌজিক ফাওবদা কনফার্ম কেস ২৯০২ অমসুং ৬৮ লৈখিদবগী রিপোর্ত লৈরে। মীওই ১৮৩ রিকোবর তৌরবা মতুং হোস্পিতালদশিংগী দিসচার্জ তৌখ্রে। রিপোর্ত তৌরিবা অপুনবা কেস ২৯০২গী মনুংদা কেস ১০২৩দি রাজ্য ১৭তা তবলিঘী জমাতকা মরী লৈনরি মদুদা তামিল নাদু, দিল্লী, অন্ধ্র প্রদেশ, অসম, জম্মু অমসুং কাশ্মির, রাজস্থান, তেলঙ্গনা, অন্দমান অমসুং নিকোবর ইথৎশিং, অরুনাচল প্রদেশ, হরিয়ানা, হিমাচল, ঝার্খন্দ, কর্নাতকা, কেরলা, মহারাস্ত্র, উত্তরাখন্দ অমসুং উত্তর প্রদেশ য়াওরি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীশিংদা থাজবা য়াবা অমসুং অপদেত ওইবা ইনফোর্মেশন খুদিংমক্কীদমক চানবীদুনা চাং নাইনা ভিজিৎ তৌবীয়ু :https://www.mohfw.gov.in/.

কোবিদ-১৯গা মরী লৈনবা তেক্নিকেলগী ওইবা ৱাহংশিং technicalquery.covid19[at]gov[dot]in  অমদি অতোপ্পা ৱাহংশিং  ncov2019[at]gov[dot]in  ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .