କୋଭିଡ-19 ବିଶ୍ୱ ମହାମାରୀର ଲଢ଼େଇ ଉଦ୍ଦେଶ୍ୟରେ ତ୍ୱରିତ ପଦକ୍ଷେପ ସ୍ୱରୂପ ଏକ ସେଣ୍ଟର ଫର ଅଗମେଣ୍ଟିଙ୍ଗ ୱାର ୱିଥ କୋଭିଡ-19 ହେଲ୍ଥ କ୍ରାଇସିସ (ସିଏଡବ୍ଲୁଏସିଏଚ) ସ୍ଥାପନ କରିବାକୁ ଭାରତ ସରକାରଙ୍କ ବିଜ୍ଞାନ ଓ ପ୍ରଯୁକ୍ତି ବିଭାଗ ମଞ୍ଜୁରି ଦେଇଛି । 56 କୋଟି ଟଙ୍କା ବ୍ୟୟରେ ସ୍ଥାପନ ହେବାକୁ ଥିବା ଏହି ସେଣ୍ଟର କୋଭିଡ-19 ଆହ୍ୱାନର ସମାଧାନ ଦିଗରେ କାର୍ଯ୍ୟ କରୁଥିବା ନବୋନ୍ମେଷ ଓ ଷ୍ଟାର୍ଟଅପକୁ ମୂଲ୍ୟାଙ୍କନ ଏବଂ ସହାୟତା କରିବ। ବିଜ୍ଞାନ ଓ ପ୍ରଯୁକ୍ତି ବିଭାଗ (ଡିଏସଟି) ସହଯୋଗରେ ଆଇଆଇଟି ବମ୍ବେରେ ଥିବା ଟେକ୍ନୋଲୋଜି ବିଜନେସ ଇନକ୍ୟୁବେଟର, ସୋସାଇଟି ଫର ଇନୋଭେସନ ଆଣ୍ଡ ଏଣ୍ଟରପ୍ରିନରସିପ (ଏସଆଇଏନଇ)କୁ ସିଏଡବ୍ଲୁଏସିଏଚର କାର୍ଯ୍ୟକାରୀ ଏଜେନ୍ସି ଭାବେ ଚୟନ କରାଯାଇଛି ।

ସାରା ବିଶ୍ୱର ରାଷ୍ଟ୍ରଗୁଡ଼ିକୁ ଦୋହଲାଇ ଦେଇଥିବା କୋଭିଡ-19କୁ ତତ୍କାଳ ମୁକାବିଲା କରିବା ସହ ଏହି ଭୂତାଣୁର ଚିହ୍ନଟ, ଚିକିତ୍ସା ଓ ସଂକ୍ରମଣକୁ ରୋକି ଲୋକଙ୍କ ଜୀବନ ବଞ୍ଚାଇବା ଉଦ୍ଦେଶ୍ୟରେ ଭାରତର ଏହି ଲଢ଼େଇରେ ଡିଏସଟି ଏକ ଗୁରୁତ୍ୱପୂର୍ଣ୍ଣ ଭୂମିକା ତୁଲାଉଛି ।

ସାରା ଦେଶ ସ୍ୱାସ୍ଥ୍ୟ ଜରୁରୀକାଳୀନ ସ୍ଥିତି ଦେଇ ଗତି କରୁଥିବା ବେଳେ ଏହି ମହାମାରୀ ସମସ୍ୟାର ସମାଧାନ ଉଦ୍ଦେଶ୍ୟରେ ବିଭିନ୍ନ ଗବେଷଣା ପ୍ରତିଷ୍ଠାନ ଓ ଲାବୋରେଟୋରି କାମ କରୁଛନ୍ତି । କୋଭିଡ-19ର ମହାମାରୀକୁ ରୋକିବା ଲକ୍ଷ୍ୟରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ସ୍ତରରେ ପଦକ୍ଷେପ ନିଆଯାଉଛି ଏବଂ ସମ୍ବଳକୁ ବିନିଯୋଗ କରାଯାଉଛି ।

ବର୍ତ୍ତମାନର ଜରୁରି ସ୍ଥିତିରେ କୋଭିଡ-19କୁ ନିୟନ୍ତ୍ରଣ କରିବା ପାଇଁ ଆରଏଣ୍ଡଡି ପଦକ୍ଷେପକୁ ସହାୟତା କରିବା ଉଦ୍ଦେଶ୍ୟରେ ଭେଣ୍ଟିଲେଟର, ଡାଏଗ୍ନୋଷ୍ଟିକ, ଥେରାପଟିକ୍ସ, ଇନଫରମେଟିକ୍ସ ଭଳି ସୃଜନଶୀଳ ସଲ୍ୟୁସନ ଯୋଗାଇବାକୁ ଡିଏସଟି ଏହି ପଦକ୍ଷେପ ନେଇଛି ।

ଷ୍ଟାର୍ଟଅପଗୁଡ଼ିକୁ ସେମାନଙ୍କ ଯାତ୍ରା ତଥା ବାଣିଜ୍ୟିକରଣ ପ୍ରକ୍ରିୟା ପାଇଁ ବିଭିନ୍ନ ପର୍ଯ୍ୟାୟରେ ଏବଂ ବିଭିନ୍ନ ଦେଶରେ କାରବାର ନିମନ୍ତେ ସହାୟତା ଯୋଗାଇ ଦିଆଯିବ, ଯାହାକି ଦୀର୍ଘମିଆଦି ସୂତ୍ରରେ ବ୍ୟାପକ ପ୍ରଭାବ ପକାଇବ ।

ସିଏଡବ୍ଲୁଏସିଏଚ ସମ୍ଭାବ୍ୟ ଷ୍ଟାର୍ଟଅପଗୁଡ଼ିକୁ ଉଚିତ ସମମୟରେ ଆର୍ଥିକ ସହାୟତା ଓ ପାଣ୍ଠି ଯୋଗାଣର ପଥ ଦେଖାଇବ, ଫଳରେ ସେମାନେ 6 ମାସ ମଧ୍ୟରେ ବଜାରକୁ ନିଜର ସୃଜନଶୀଳତାକୁ ଛାଡ଼ିପାରିବେ ।

ନୂଆ, ଶସ୍ତା, ନିରାପଦ ତଥା ଦକ୍ଷ ଭେଣ୍ଟିଲେଟର, ରେସ୍ପିରେଟୋରି ସହାୟତା ଉପକରଣ, ସୁରକ୍ଷାକାରୀ ଗିୟର ସମେତ ସାନିଟାଇଜର, ବିଶୋଧକ, ନିଦାନ, ଇନଫରମେଟିକ୍ସ ପାଇଁ ନୂଆ ସମାଧାନ ଓ କୋଭିଡ-19 ରୋକିବାକୁ ଦକ୍ଷ ପଦକ୍ଷେପ ଭଳି କ୍ଷେତ୍ରରେ କାର୍ଯ୍ୟ କରୁଥିବା 50 ନବୋନ୍ମେଷ ବା ଷ୍ଟାର୍ଟଅପକୁ ସିଏଡବ୍ଲୁଏସିଏଚ ଚିହ୍ନଟ କରିବ ।

କୋଭିଡ-19 ମୁକାବିଲା ପାଇଁ ଏହା ଉତ୍ପାଦ ଓ ସମାଧାନଗୁଡ଼ିକୁ ସର୍ବଭାରତୀୟ ନେଟଓ୍ବର୍କରେ ଟେଷ୍ଟିଂ, ଟ୍ରାଏଲ ଓ ବଜାର ସୁଯୋଗ ଯୋଗାଇବ । ଏହା କୋଭିଡ-19 ପ୍ରଭାବରୁ ଦେଶ ସମ୍ମୁଖୀନ ହେଉଥିବା ବିଭିନ୍ନ ଆହ୍ୱାନର ସମାଧାନ କରିବାରେ ସହାୟକ ହେବ ।

ବିଜ୍ଞାନ ଓ ପ୍ରଯୁକ୍ତି ବିଭାଗ ସଚିବ ପ୍ରଫେସର ଆଶୁତୋଷ ଶର୍ମା, କହିଛନ୍ତି, ଆମର ଟେକ୍ନୋଲୋଜି ଇନକ୍ୟୁବେଟର ଓ ଷ୍ଟାର୍ଟଅପଗୁଡ଼ିକର ଯୁବସୁଲଭ ଶକ୍ତି, ବୁଦ୍ଧିମତା ଓ ଅସାଧାରଣ ସୃଜନଶୀଳ ସମ୍ଭାବନାର ବ୍ୟବହାରକୁ ଗୁରୁତ୍ୱ ଦେଇ ଡିଏସଟିର ସିଏଡବ୍ଲୁଏସିଏଚ କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି । କୋଭିଡ-19 କାରଣରୁ ରେସ୍ପିରେଟୋରି ସହାୟକ ଉପକରଣ, ଡିସଇନଫେକ୍ସନ ସିଷ୍ଟମ, ସୁରକ୍ଷାକାରୀ ଗିୟର ଓ କୋଟିଂ, ସୂଚନା ଓ ପରିଚାଳନା ସହାୟକ ଉପକରଣ, ଡାଏଗ୍ନୋଷ୍ଟିକ୍ସ ଓ ଅନ୍ୟ ସମ୍ପୃକ୍ତ ଉପକରଣ, ଡିଭାଇସ ଓ ସମାଧାନ ଭଳି ଆହ୍ୱାନର ତୁରନ୍ତ ସମାଧାନ କରାଇବା ଦିଗରେ ଏହା ସେମାନଙ୍କୁ ସଶକ୍ତ କରାଇବ ।

ଏବେକାର ଜାତୀୟ ଜରୁରୀ ତଥା ସ୍ୱାସ୍ଥ୍ୟ ସଙ୍କଟ ସମୟରେ ଡିଏସଟି ଏହାର ବ୍ୟାପକ ସମ୍ବଳ ନେଟଓ୍ବର୍କ ପ୍ରତିଷ୍ଠାନ, ଗବେଷକ, ବିଶେଷଜ୍ଞ, ଇନକ୍ୟୁବେଟର, ସୃଜନଶୀଳ ବ୍ୟକ୍ତିତ୍ୱ ଓ ଷ୍ଟାର୍ଟଅପଗୁଡ଼ିକ ନିକଟରୁ ପଦକ୍ଷେପ ଆଶା ରଖାଯାଇଛି ।

{For further details, please contact :

TBI Contact: MsPoyniBhatt ,Chief Executive Officer,

Society for Innovation & Entrepreneurship (SINE),

Indian Institute of Technology Bombay (IIT Bombay)

www.sineiitb.org

DST’s contact;Dr Anita Gupta, Scientist-G

Department of Science & Technology

Mob: +91-9811828996

Email; anigupta[at]nic[dot]in}

**********