కరోనా వైరస్ (కోవిడ్-19) మహమ్మారి బాధితులకు సహాయం అందించడం కోసం ప్రధానమంత్రి కార్యాలయం ఏర్పాటు చేసిన " ప్రధానమంత్రి పౌరుల అత్యవసర పరిస్థితుల సహాయ, ఉపశమన నిధి" (పి.ఎమ్.కెర్స్ నిధి) కి విద్యుత్తు శాఖ  మరియు కొత్త & పునరుత్పాదక శక్తి మంత్రిత్వ శాఖలకు చెందిన కేంద్ర ప్రభుత్వరంగ సంస్థలు (సి.పి.ఎస్.ఈ.లు) 925 కోట్ల రూపాయలు విరాళంగా అందజేయాలని నిర్ణయించాయి. 

తన మంత్రిత్వ శాఖల్లోని పి.ఎస్.యు.లు తీసుకున్న ముఖ్యమైన నిర్ణయం గురించి విద్యుత్ మరియు కొత్త & పునరుత్పాదక శక్తి శాఖల కేంద్ర మంత్రి శ్రీ ఆర్.కే.సింగ్ ఒక ట్వీట్ చేస్తూ -  "  విద్యుత్ మరియు కొత్త & పునరుత్పాదక శక్తి మంత్రిత్వ శాఖల పరిధిలోని ప్రభుత్వ రంగ సంస్థలు 925 కోట్ల రూపాయలు ప్రధానమంత్రి కెర్స్ నిధికి విరాళంగా అందజేయాలని నిర్ణయించారని తెలియజేయడాన్ని  మేము గౌరవంగా భావిస్తున్నాము.  ఈ మొత్తంలో 445 కోట్ల రూపాయలను మార్చి నెల 31వ తేదీన జమ చేయడం జరిగింది. మిగిలిన మొత్తాన్ని ఏప్రిల్ నెల మొదటి వారంలో జమ చేయడం జరుగుతుంది.  మొత్తం 925 కోట్ల రూపాయలలో 905 కోట్ల రూపాయలు విద్యుత్ మంత్రిత్వ శాఖ కు చెందిన ప్రభుత్వ రంగ సంస్థలు, 20 కోట్ల రూపాయలు ఎమ్.ఎన్.ఆర్.ఈ. కి చెందిన ప్రభుత్వ రంగ సంస్థలు విరాళంగా అందజేశాయి." అని తెలియజేశారు.  

" కోవిడ్-19, దాదాపు మొత్తం ప్రపంచాన్ని కబళించిన అత్యంత ప్రమాదకరమైన అంటువ్యాధి.   ఈ మహమ్మారి భారత దేశంలో కూడా ఆరోగ్యానికి తీవ్రమైన హాని కలిగిస్తోంది, దీన్ని ఎదుర్కోడానికి మొత్తం దేశం కలిసి నిలబడాలి." అని శ్రీ ఆర్.కే. సింగ్ పిలుపునిచ్చారు. ప్రధానమంత్రి నరేంద్రమోదీ విజ్ఞప్తికి స్పందించి, ప్రధానమంత్రి కెర్స్ నిధికి, హృదయపూర్వకంగా విరాళాలు అందజేస్తున్న ప్రతి ఒక్కరినీ ఆయన అభినందించారు. 

విరాళాల వివరాలు ఈ విధంగా ఉన్నాయి: 

                                                                                     అంకెలు కోట్ల రూపాయల్లో ....