প্রধানমন্ত্রীগী লোইশঙ
প্রধান মন্ত্রী অমসুং জর্মনীগী ফেদরেল চান্সেলরগী মরক্তা তেলেফোন্দা ৱারী শানখ্রে
Posted On:
02 APR 2020 8:03PM by PIB Imphal
প্রধান মন্ত্রী শ্রী নরেন্দ্র মোদীনা ঙসি জর্মনীগী ফেদরেল চান্সেলর দা. এঞ্জেলা মর্কেলগা তেলেফোন্দা ৱারী শানখ্রে।
লুচিংবা অনিমক্না হৌজিক চত্থরিবা কোবিদ-১৯ লাইচৎ, মখোয়-মখোয়গী লৈবাকশিংদা ওইরিবা ফিভম, অমসুং হেল্থ ক্রাইসিস অসি থেংননবগীদমক ইন্তর্নেস্নেল কোলাবোরেসনগী মরুওইবগী মতাংদা খন্ন-নৈনখি।
মখোয়না লাইচৎ অসিগী মনুংদা দরকার ওইবা হিদাক-লাংথক অমসুং মেদিকেল ইক্বিপমেন্তশিং মরাং কাইনা ফংদবগী মতাংদা মিৎয়েংশিং শেয়র তৌনখি অমদি মসিগা মরী লৈননা তেংবাং পীনবগী লম্বীশিং খঙদোক্নবা য়ানখি।
কোবিদ-১৯গী ক্রাইসিস অসি মোদর্ন হিস্তরীদা তর্নিং পোইন্ত অমনি, অমদি মালেমদা গ্লোবেলাইজেসনগী অনৌবা হ্যুমেন-সেন্ত্রিক কনসেপ্ত অমা শেম্ননবা তঞ্জা অমা পীরি হায়বা প্রধান মন্ত্রীগী মিৎয়েংদা জর্মনগী চান্সেলরনা য়ানীংবা ফোংদোকখি।
প্রধান মন্ত্রীনা চান্সেলরগী মফমদা মালেমগী মীয়ামগীদমক অরাইবা য়োগ এক্সরসাইজশিং অমসুং ইম্ম্যুনিতী হেঙ্গৎহনবা অয়ুর্বেদিক রেমেদীশিং শন্দোক্নবগীদমক হন্দক্তা লৌখৎলিবা ভারতকী অনৌবা খোংথাংশিংগী মতাংদা পাউদমখি। চান্সেলরনা য়ানীংবা ফোংদোকখি মদুদি অসিগুম্লবা প্রেক্তিসশিং অসিনা হৌজিক লোকদাউনগী ফিভম অসিদা সাইকোলোজিকেল অমসুং ফিজিকেল হেল্থ হেঙ্গৎহনবদা য়াম্না কান্নবা ফংগনি।
(Release ID: 1610636)
Visitor Counter : 154
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam