ঙসি পুং ১৭০০ তাবা মতমদা প্রধান মন্ত্রী নরেন্দ্র মোদীনা ভিদিও কনফরেন্সকী খুৎথাংদা মালেম শীনবা থুংনা লৈরিবা ভারতকী এম্বেসিশিং অমসুং হায় কম্মিসনশিংগী লুচিংবশিংগা ৱারিশানখি। মসিগী কনফরেন্স অসি মালেমগী কোভিদ-১৯ লাইচৎ থেংন্নবা মালেমগী মফম কয়াদা লৈরিবা ভারতকী মিসনশিংগা ৱাখন্নবা অহানবা থৌরমনি।

        মালেমগী লৈবাক অয়াম্বা ক্বারেনতাইন তৌনখ্রবা মতুংদা হৌজিক্কী মালেম অসিদা তঙাইফদ্রবা মতম অসিদা ইতোপ-তোপ্পা পাম্বৈশিং পুথোকপগী দরকার ওইবা অদু প্রধান মন্ত্রীনা পনখি । মালেমগী চৎথোক-চৎশিন, শেন-থুমগী কৈথেলশিং অমসুং মালেমগী শেন-থুমগী ফিবম শাথিনা শোকহল্লবা মসিগী লাইচৎ অসি থেংন্নবা মসিগী থবক অসি লৌখৎতবা য়াদ্রবা অমনি ।

        প্রধান মন্ত্রীনা হায়খি মদুদি মপান লৈবাকশিংদগী পুশিল্লকপা হন্থনবা অমসুং অচৌবা লাইচৎ অমা ঙাকথোক্নবা চহি অসিগী জনুৱারিদগী ভারতনা মমাংদা অমুক্ত ওইখিদ্রিবা মওংদা মাংজৌন্না থবকশি পায়খৎখি । ভারতনা পায়খৎলিবা অসিগী মনুংদা মালেমদা খ্বাইদগী চাউবা ক্বারেনতাইন অমসুং অথিংবা য়াওরি ।

        লাইচৎ অসিগী হৌরকফম ওইরিবা লৈবাক খরদা পন্দুনা লৈরিবা ভারতমচাশিং লৌথোরক্নবা হোৎনবদা মখোয়না পাংথোকখিবা থবকশিং অদুগীদমক প্রধান মন্ত্রীনা মিসনশিংগী লুচিংবশিং থাগৎখি । অখন্নবা থবক মঙা পায়খৎনবা মহাক্না মখোয়দা খঙহনখি ।

i. মখোয়গী কাংবু অমসুং ইমুং-মনুংশিং অশোয়-অঙাম থোকহনদবা অমসুং মখোয় মশা নাদনবা হোৎনবা ;

ii. তম্বা ঙমদবা ফিবম অমদা লৈরিবা মালেমগী চৎথোক-চৎশিনগী অথিংবা অসিদা মপান লৈবাকশিংদা লৈরিবা ভারতমচাশিংগী ফিবম য়েংশিনবা । মপান লৈবাকশিংদা পন্দুনা লৈরিবা ভারতমচাশিংনা থেংনরিবা অৱাবশিং হায়বদি লৈফম অমসুং অতৈ দরকার ওইবশিং ফংহন্নবা মখোয়না লৈরিবা লৈবাক অদুগী সরকারশিংগা লোয়ন্না থবক পায়খৎনবা মহাক্না ভারতকী মিসনশিংগী লুচিংবশিংদা তকশিনখি ।

iii. ভারতনা কোভিদ-১৯ থেংন্নবা খুৎলায়শিং লৈনবা অমসুং খ্বাইদগী ফবা থবকশিং লৌনবা মখোয় মীকুপ-নাহুম শিংনা লৈগদবনি অমসুং মপান লৈবাকশিংদগী নৌনা লিংখৎপা পিএম-কিয়ারস ফন্দগী দোনেসনশিং খোমগৎনবা হেদ ওফ মিসনশিংদা পাউতাক পীখি ।

iv. মখোয়না লৈরিবা লৈবাকশিং অদুগী মতেংগা লোয়ন্না তঙাইফদবা পোৎলমশিং ললোন-ইতিক তোনবা অমসুং পুথোক-পুশিনগী থবকশিং পায়খৎনবা মিসনশিংগী মকোকশিংদা প্রধান মন্ত্রীনা খঙহনখি ।

v. কোভিদ-১৯না মরম ওইদুনা মালেমগী রাজনিতি অমসুং শেন-থুমগী অহোংবা লাক্লিবা অসি চেকশিন্না মখাতানা য়েংশিন্নবা খঙহনখি ।

       বৈজিং, ৱাশিংতন দিসি, তেহরান, রোম, বরলিন, কাতমন্দু, অবু ধাবী, কাবুল, মালেম অমসুং সিওলগী মিসনশিংগী মকোকশিংনা প্রধান মন্ত্রীদা মখোয়গী ওইবা ৱাফমশিং ফোংদোকখি । লাইচৎ অসি ঙাকথোক্নবা ভারতনা লৌখৎলিবা থবকশিং অদু মখোয়না লৈরিবা লৈবাকশিং অদুনা থাগৎপা ফোংদোকপা অদু মখোয়না পাউদমখি ।

      মখোয়গী থবকশিংদা প্রধান মন্ত্রীনা পুক্নিং থৌগৎপগীদমক মিসনশিংগী মকোকশিংনা থাগৎপা ফোংদোকখি । অরোইবদা প্রধান মন্ত্রীনা হায়খি ভারতকী মিসনশিং অসি য়ুমদগী য়াম্না লাপ্না লৈরি অদুবু ভারতনা কোভিদ-১৯ থেংনবদা মখোয়না মতেং পাংগনি । ভারতমচাশিংগী অপুনবা অমসু মীকুপ-নাহুমশিংবা অসিনা তুংদা লৈবাক অসি অশোইবা থোকহনদবদা মতেং পাংগনি।