ক’ভিড-১৯ৰ প্ৰত্যাহ্বানৰ প্ৰস্তুতি হিচাপে ভাৰতীয় ৰে’লৱেয়ে ২০০০০টা দবাক কোৱাৰেণ্টাইন/পৃথকীকৃত দবালৈ পৰিৱৰ্তিত কৰাৰ প্ৰস্তুতি চলাইছে৷ এই সংক্ৰান্তত সশস্ত্ৰ বাহিনীৰ চিকিৎসা সেৱা, বিভিন্ন মাণ্ডলিক ৰে’লৱে আৰু আয়ুষ্মান ভাৰতৰ চিকিৎসা বিভাগ, ভাৰত চৰকাৰৰ স্বাস্থ্য মন্ত্ৰালয়ৰ সৈতে আলোচনা কৰা হৈছে৷ কোৱাৰেণ্টাইন/পৃথকীকৃত দবা নিৰ্মাণৰ বাবে পাঁচটা মাণ্ডলিক ৰে’লৱেয়ে ইতিমধ্যে প্ৰস্তুতি আৰম্ভ কৰিছে৷

পৰিৱৰ্তিত কৰিবলগীয়া এই ২০০০০টা দবাত ৩.২ লাখ বিচনাৰ সুবিধা থাকিব৷ প্ৰাৰম্ভিক পৰ্যায়ত ৫০০০টা দবাৰ ৰূপান্তৰণৰ কাম ইতিমধ্যেই আৰম্ভ হৈছে৷ এই ৫০০০টা দবাত ৮০০০০খন বিচনাৰ সুবিধা থাকিব৷ এটা দবাত ১৬খনকৈ বিচনা থাকিব৷

কোৱাৰেণ্টাইন/পৃথকীকৃত দবাৰ বাবে কেৱল নন-এচি আইচিএফ শ্লীপাৰ দবাসমূহ ব্যৱহাৰ কৰাৰ পৰিকল্পনা কৰা হৈছে৷ এটা ভাৰতীয় শৈলীৰ শৌচাগাৰ স্নানগৃহলৈ পৰিৱৰ্তিত কৰা হ’ব৷ ইয়াত বাল্টি, মগ আৰু চাবোন ডিছপেনছাৰো থাকিব৷ ৱাশ্ববেচিনত লিফ্ট টাইপ হেণ্ডেল থাকিব৷ বাল্টিসমূহ উপযুক্তভাৱে পানীৰে পূৰ্ণ কৰিবলৈ একে ধৰণৰ টেপৰ ব্যৱস্থা থাকিব৷

স্নানগৃহৰ কাষৰ প্ৰথমটো কেবিনত দুখন চিকিৎসালয়/প্লাষ্টিক পৰ্দাৰে প্ৰৱেশ আৰু গমন পথটো ঢাকি ৰাখিবলৈ ব্যৱহাৰ কৰা হ’ব৷ এই কেবিনটো ষ্ট’ৰ/পেৰামেডিক ক্ষেত্ৰ হিচাপে ব্যৱহাৰ কৰা হ’ব৷ এই কেবিনৰ ছাইড বাৰ্থত চিকিৎসা বিভাগৰ দ্বাৰা দুটাকৈ অক্সিজেন চিলিণ্ডাৰো প্ৰদান কৰা হ’ব৷

প্ৰতিটো কেবিনৰ পৰা মাজৰ বাৰ্থটো আঁতৰাই দিয়া হৈছে৷ প্ৰতিটো কেবিনত চিকিৎসা সামগ্ৰী ৰখাৰ বাবে অতিৰিক্ত বটল হ’ল্ডাৰ প্ৰদান কৰা হ’ব৷ অতিৰিক্ত কোট হুক, খিৰিকীসমূহত মহৰ নেট আৰু উপযুক্ত ভেণ্টিলেচনৰ সুবিধাও প্ৰদান কৰা হ’ব৷ প্ৰতিটো কেবিনতে ৰঙা, নীলা আৰু হালধীয়া ৰঙৰ ৩টাকৈ ডাষ্টবিন থাকিব৷

দবাসমূহ ইনছুলেচনৰ বাবে চাল আৰু খিৰিকীৰ ওপৰ আৰু তল দুয়োফালে বাঁহ/কুশৰ মেট লগোৱা হ’ব যাতে বাহিৰৰ গৰম সোমাব নোৱাৰে৷ লেপটপ আৰু ম’বাইলৰ চাৰ্জিঙৰ ব্যৱস্থাও কৰা হ’ব৷

প্ৰাৰম্ভিক অৱস্থাত ৫০০০টা দবা পৰিৱৰ্তনৰ বাবে মাণ্ডলিক পৰ্যায়ত এই দবাসমূহ আৱণ্টন কৰা হৈছেঃ

এই কোৱাৰেণ্টাইন/পৃথকীকৃত দবাসমূহৰ ব্যৱহাৰ আৰু কাৰ্যকৰীকৰণৰ বাবে ৰে’লৱে স্বাস্থ্য সেৱাৰ সঞ্চালক প্ৰধানে এখন বিশদ এছঅ’পি মুকলি কৰিব৷ মাণ্ডলিক ৰে’লৱেসমূহক তৎকালীনভাৱে উপৰোক্ত পৰিৱৰ্তনৰ পৰিকল্পনাৰ বাবে তথা প্ৰস্তুত হোৱা তাৰিখ ৰে’লৱে ব’ৰ্ডক জনাবলৈ নিৰ্দেশ দিয়া হৈছে

****

SG/MKV/MANN