প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে ৩ টা অগ্ৰাধিকাৰযুক্ত কৰিডৰৰ সৈতে দিল্লী মেট্ৰ’ৰ পৰ্যায়-৪ প্ৰকল্পত অনুমোদন প্ৰদান কৰিছে৷ এই ৩টা কৰিডৰৰ মুঠ দৈৰ্ঘ হ’ব ৬১.৬৭৯ কিলোমিটাৰ৷ ৬১.৬৭৯ কিলোমিটাৰৰ ২২.৩৫৯ কিলোমিটাৰ হ’ব আণ্ডাৰগ্ৰাউণ্ড আৰু ৩৯.৩২০ কিলোমিটাৰ হ’ব এলিভেটেড৷ এই কৰিডৰত থাকিব ৪৬টা ষ্টেচন থাকিব য’ত ১৭টা ষ্টেচন হ’ব আণ্ডাৰগ্ৰাউণ্ড আৰু বাকী ২৯টা এলিভেটেড ষ্টেচন হিচাপে নিৰ্মাণ কৰা হ’ব৷

এই তিনিটা মেট্ৰ’ কৰিডৰৰ মুঠ ব্যয় হ’ভ ২৪,৯৪৮.৬৫ কোটি টকা৷ এই প্ৰকল্প দিল্লী মেট্ৰ’ ৰে’ল কৰ্প’ৰেচন লিমিটেডে সম্পূৰ্ণ কৰিব৷

উল্লেখযোগ্য সংযোগসমূহঃ

১. এৰ’চিটীৰ পৰা তোগলকবাদ- ১৫টা ষ্টেচন (এৰ’চিটী, মহীপালপুৰ, বসন্তকুঞ্জ অংশ-ডি, মাছুদপুৰ, কিসানগঞ্জ, মেহৰাউলি, লাডু চৰাই, ছাকেট, ছাকেট জি ব্ল’ক, আম্বেদকাৰ নগৰ, খানপুৰ, তিগ্ৰী, আনন্দময়ী মাৰ্গ জংচন, তোগলকবাদ ৰে’লৱে কলনী, তোগলকবাদ)

২. আৰ কে আশ্ৰমৰ পৰা জনকপুৰ পশ্চিম- ২৫টা ষ্টেচন (আৰ কে আশ্ৰম, মতিয়াখান, ছাদৰ বজাৰ, পুলবানগছ, ঘণ্টাঘৰ/চব্জিমণ্ডী, ৰাজপুৰা, দেৰাৱাল নগৰ, অশোক বিহাৰ, আজাদপুৰ, মুকুন্দপুৰ, ভালশ্বা, মুকাৰবা চ’ক, বাদলিম’ৰ, উত্তৰ পিতামপুৰা, প্ৰশান্ত বিহাৰ, মধুবন চ’ক, দীপালী চ’ক, পুষ্পাঞ্জলি এনক্লেভ, পশ্চিম এনক্লেভ, মংগলপুৰি, পীৰাগাড়ী চ’ক, পশ্চিম বিহাৰ, মীৰাবাগ, কেশুপুৰস কিসান পাৰ্ক এক্সটেনচন, জনকপুৰি পশ্চিম)

৩. মৌজপুৰ-মুকুন্দপুৰ- ৬টা ষ্টেচন (যমুনা বিহাৰ, ভজনপুৰা, খাজুৰিখাছ, সুৰঘাট, জগতপুৰ গাঁও, বুৰাৰি)

প্ৰভাৱঃ

এই পৰ্যায়-৪ প্ৰকল্পৰ কৰিডৰসমূহে মেট্ৰ’ নেটৱৰ্কৰ বিস্তৃতি বৃদ্ধি কৰিব আৰু ৰাষ্ট্ৰ ৰাজধানীৰ সৈতে যোগাযোগৰ সুবিধা বৃদ্ধি কৰিব৷ এই কৰিডৰ কেইটা সম্পূৰ্ণ হোৱাৰ পিছত মেট্ৰ’ যাত্ৰীসকলে অধিক ইণ্টাৰচেঞ্জ ষ্টেচন লাভ কৰিব৷ ৬১.৬৭৯ কিলোমিটাৰ নেটৱৰ্কৰ সংযোজনৰ দ্বাৰা পথসমূহত ভীৰ কম হোৱাৰ লগতে প্ৰদূষণৰ মাত্ৰাও হ্ৰাস হ’ব৷ তোগলকপুৰ-এৰ’চিটী কৰিডৰৰ দ্বাৰা বিমানবন্দৰৰ যোগাযোগ উন্নত হ’ব৷ এই কৰিডৰসমূহ সম্পূৰ্ণ হোৱাৰ পিছত দিল্লী মেট্ৰ’ৰ মুঠ নেটৱৰ্ক দৈৰ্ঘ ৪০০ কিলোমিটাৰ অতিক্ৰম কৰিব৷ 

*****

AKT/SH/MANN