প্ৰধানমন্ত্ৰী শ্ৰী নৰেন্দ্ৰ মোদীয়ে অন্ধ্ৰ প্ৰদেশ, তামিলনাডু আৰু কৰ্ণাটক ভ্ৰমণৰ অন্তিম কাৰ্যসূচী হিচাপে কৰ্ণাটকৰ হুবলী ভ্ৰমণ কৰে৷ হুবলীৰ গাব্বাৰত তেওঁ কেইবাটাও উন্নয়নমূলক প্ৰকল্প মুকলি কৰে৷

প্ৰধানমন্ত্ৰীয়ে এখন ফলক উন্মোচন কৰি ধাৰৱাডত সৰ্বভাৰতীয় কাৰিকৰী প্ৰতিষ্ঠান আৰু সৰ্বভাৰতীয় তথ্য-প্ৰযুক্তি প্ৰতিষ্ঠানৰ আধাৰশিলা স্থাপন কৰে৷

এই অনুষ্ঠানতে প্ৰধানমন্ত্ৰীয়ে ধাৰবাডৰ চিটী গেছ বিতৰণ প্ৰকল্প ৰাইজৰ বাবে মুকলি কৰে৷ নাগৰিকলৈ স্বচ্ছ ইন্ধনৰ সুবিধা বৃদ্ধি কৰিবলৈ চৰকাৰে চিটী গেছ বিতৰণ নেটৱৰ্কৰ সম্প্ৰসাৰণত অত্যন্ত গুৰুত্ব প্ৰদান কৰিছে৷

শক্তিখণ্ডৰ সুৰক্ষা নিশ্চিত কৰিবলৈ ১.৫এমএমটি মাংগালোৰ ষ্ট্ৰেটেজিক পেট্ৰ’লিয়াম ৰিজাৰ্ভ(এছপিআৰ) আৰু ২.৫এমএমটি পাডুৰ এছপিআৰ সুবিধা প্ৰধানমন্ত্ৰীয়ে ৰাষ্ট্ৰৰ নামত উৎসৰ্গা কৰে৷

প্ৰধানমন্ত্ৰী মোদীয়ে লগতে ১৮ কিলোমিটাৰজোৰা চিকঝাজুৰ-মায়াকোণ্ডা খণ্ডৰ দ্বৈতকৰণ প্ৰক্ৰিয়া উদ্বোধন কৰে৷ চিকঝাজুৰ-মায়াকোণ্ডা খণ্ড হ’ল ১৯০ কিলোমিটাৰ দৈৰ্ঘজোৰা হুবলী-চিকঝাজুৰ দ্বৈত প্ৰকল্পৰ অংশ আৰু ই দক্ষিণ পশ্চিম ৰেলৱে’ৰ বাংগালুৰু-হুবাল্লী পথত অৱস্থিত৷ দ্বৈতকৰণে বাংগালুৰুৰ পৰা হুবাল্লী, বেলাগাভী, পুনে, গোৱা আৰু মুম্বাইলৈ ৰেল যোগাযোগ অধিক গতিশীল  কৰিব৷

সকলোৰে বাবে আৱাসগৃহৰ প্ৰতিশ্ৰুতি ৰক্ষা কৰি প্ৰধানমন্ত্ৰীয়ে আৱাস যোজনাৰ অধীনত নিৰ্মিত ২৩৫০ গৃহৰ ই-গৃহ প্ৰৱেশ প্ৰত্যক্ষ কৰে৷

*****

AKT/KP/MS