57th International Film Festival of India 2026
20 – 28 Nov 2026

व्हेवज् बाजारवरवीं नव्या आशयाचो सोद घेवपाक एनएफडीसी आनी सोनी पिक्चर्स नॅटवर्क इंडिया हांची भागीदारी


व्हेवज् बाजार आनी एसपीएनआय कंटेट क्रियेटर प्रवेश उपक्रमावरवीं पांच भाशांनी मागयल्या नव्यो काल्पनिक आनी अकाल्पनिक संकल्पना

पोस्ट केल्लें: 22 NOV 2026 1:50PMby PIB Mumbaiउजवाडणी आयडी: 2339943Views: 3

गोंय, 22 नोव्हेंबर 2026

 

राष्ट्रीय चित्रपट उदरगत म्हामंडळ (एनएफडीसी) आनी सोनी पिक्चर्स नॅटवर्क इंडिया (एसपीएनआय) हांणी आयज गोंयांत सुरु आशिल्ल्या 57व्या आंतरराष्ट्रीय भारतीय चित्रपट महोत्सवा (इफ्फी) वेळार व्हेवज् बाजार आनी एसपीएनआय कंटेट क्रियेटर प्रवेश उपक्रम सुरू करपाखातीर समजिकायेच्या कबलातीचेर (एमओयु) सयो केल्यो.

ह्या उपक्रमांतर्गत पुराय भारतातल्या लेखकांक, क्रियेटरांक आनी निर्मिती संस्थांक हिंदी, इंग्लीश, तमिळ, तेलुगू तशेंच बांगला ह्या पांच भाशांनी आपल्यो नव्यो काल्पनिक आनी अकाल्पनीक संकल्पना एसपीएनआय कडेन सादर करपाची संद मेळटली.

ह्या उपक्रमाखाला वेगवेगळ्या प्रकाराच्यो प्रवेशिका मागयल्यात. हांतूंत काल्पनिक मालिका, प्रीमियम टि. व्ही प्लस आशय, रियेलिटी शो, गॅम आनी स्पर्धात्मक प्रकार, कलेचेर आधारित कार्यावळी तशेंच हेर पटकथा नाशिल्ल्या कार्यावळींचो आसपाव जाता. निवड जाल्ल्या अर्जदारांच्यो संकल्पना आपणावन तांचेर फुडलें काम करपा हेतान, आपल्यो संकल्पना एसपीएनआय कडेन सादर करपाखातीर आपयतले.

म्हायती आनी वितरावण मंत्रालयाच्या फुडारपणाखाला, एनएफडीसीचें उद्देग मंचाचो व्हेवज् बाजार, सर्जनशील प्रतिभांक भारताच्या मीडिया आनी मनरिजवण क्षेत्रांतल्या वेगवेगळ्या भागधारकांकडेन जोडटा. ह्या समजिकायेतल्यान मुखेलपणान प्रादेशिक 

बाजारातल्या नव्या कथाकथनाखातीर नवी संद दिवन प्रतिभेक आनी वेगवेगळ्या विचारांक व्यापक प्रेक्षकां मेरेन पावोवपाचे ध्येय आसा. कबलातीचेर सय करपाच्या कार्यावळींत उलयताना एनएफडीसीचे अध्यक्ष जी. कृष्णकुमार हांणी “इफ्फी म्हळयार चित्रपट आनी तें घडोवपी लोकांचो उत्सव. हो महोत्सव जगभरांतल्यो काणयो, संस्कृती आनी सर्जनशील आवाज एकठांय हाडटा. चित्रपटांची आनी विचारांची  विविधताय ह्या आवृत्तीचें आरक्षण आसा. शिम नाशिल्ल्यो काणयो ही संकल्पना चित्रपटांचो आत्मो सुंदर रितीन उक्तायता”, अशें नमुद केलें. 

एनएफडीसीचे व्यवस्थापकीय संचालक आनी मुखेल कार्यकारी अधिकारी धीरज सिंह हांणी आपल्या उलोवपांत “व्हेवज् बाजार वेवसाय आनी सर्जनशील प्रतिभे मजगतचो अर्थपूर्ण दुवो जावन आसा. सोनी पिक्चर्स नॅटवर्क इंडियासयत जाल्ली भागीदारी तरेकवार भाशा आनी प्रकाराच्या लेखक, क्रियेटर, आनी निर्माता संस्थांक तांच्या नव्या संकल्पनांक नवी माची उक्ती करता, अशी खोस उक्तायली. 

सोनी पिक्चर्स नॅटवर्क इंडियाचे व्यवस्थापकीय संचालक आनी मुखेल कार्यकारी अधिकारी गौरव बॅनर्जी हांणी, “पुराय देशांत सर्जनशील प्रतिभा भरल्या पूण ह्या कल्पनांक सदांच फावो ती माची मेळना देखून, व्हेवज् बाजारच्या माध्यमांतल्यान एनएफडीसीसयत भागीदारी करून लेखकांक आनी क्रियेटरांक तरेकवार भाशा आनी प्रकारांच्यो नव्यो संकल्पना मांडपाक माची दिता. आमी प्रेक्षकांखातीर नवे दृष्टिकोन आनी आकर्षक कल्पना दिवंक पळयतात”, अशें तांणी सांगलें. 

एनएफडीसी, व्हेवज् बाजारच्या संकेतथळावरवीं (https://wavesbazaar.com) अर्जांचें व्यवस्थापन करतलें आनी परस्पर मान्य केल्ल्या निकषांच्या आदाराचेर अर्जांची मुळावी निवड करतलें. निवड जाल्ल्या अर्जदारांक आपल्यो संकल्पना एसपीएनआय कडेन सादर करपाखातीर आपयतले.

Read IFFILOID here: https://www.pib.gov.in/iffi/57/iffiLoid.aspx?yr=2026&lang=1&reg=48

 

* * *

पीआयबी मुंबई | मनाली प्रभूगांवकर/प्रियंका वेलिंगकर/दर्शना राणे


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2339943
•
Media Centre: Goa
•
Festival Dates: Nov 20 – 28, 2026