থাগৎখিবা:
17 NOV 2026 4:29PM by PIB Imphal
এসিয়ান সম্মিৎ অসিগা তোঙানবা ওইনা প্রধান মন্ত্রী শ্রী নরেন্দ্র মোদীনা ফিলিপিন্স রিপব্লিক্কী রাস্ত্রপতি, ঐচ.ই. ফর্দিনান্দ আর. মার্কোস জুনিয়রগা ঙসি মনিলাদা উন্নখ্রে।
প্রধান মন্ত্রীনা ফিলিপিন্সপু চহি অসিদা এসিয়ানগী চেয়রশিপ মায় পাক্না পায়বগীদমক থাগৎপা ফোংদোকখি। ফিলিপিন্সনা ২০২৪দগী হৌনা এসিয়ান্দা ভারতকী কন্ত্রী কোওর্দিনেতর ওইনা লৌরিবা থৌদাং অমসুং এসিয়ান-ভারত মরীবু মপাঙ্গল কনখৎহন্নবা লেপ্তনা শৌগত্তুনা লাক্লিবা অসিবু থাগৎখি।
পি.এম. মোদীনা এসিয়ানগী চেয়র পায়বা মতমদা মহাক্না রাস্ত্রপতি মার্কোস জুনিয়রবু কৌদুনা নই দিল্লীদা সেপ্তেম্বর ২০২৬তা পাংথোকখিবা ব্রিক্স সম্মিৎকা তোঙানবা ওইনা উন্নখিবা অদুবু লুচিংবা অনি অসিনা হরাওনা নীংশিংখি। ২০২৫গী ওগস্ততা প্রসিদেন্ত মার্কোস জুনিয়রগী স্তেত ভিজিৎ মনুংদা লৈবাক অনিগী মরক্তা স্ত্রেতেজিক পার্তনরশিপকী মখাদা দিফেন্স অমসুং সেক্যুরিতী, স্পেস, রেলৱে ইনফ্রাস্ত্রকচর, ফিনতেক, অমসুং ত্রেদ অমসুং ইনবেস্তমেন্তকুম্বা হিরম কয়াদা লৈবাক অনিগী মরক্তা তেংবাং পীনবা হেনগৎলক্লিবা অদু মখোয়না থাগৎখি। লুচিংবা অনিনা ম্যুচেল ইন্তরেস্তকী মরুওইবা রিজনেল অমসুং গ্লোবেল ইসুশিংদা মীৎয়েংশিংসু ফোংদোক্নখি।
*****