പ്രധാനമന്ത്രിയുടെ ഓഫീസ്‌
azadi ka amrit mahotsav

മനിലയിൽ നടക്കുന്ന 'ആസിയാൻ' ഉച്ചകോടിക്കിടെ പ്രധാനമന്ത്രി ശ്രീ നരേന്ദ്ര മോദി ഫിലിപ്പീൻസ് റിപ്പബ്ലിക് പ്രസിഡന്റുമായി കൂടിക്കാഴ്ച നടത്തി

പോസ്റ്റഡ് ഓണ്‍: 17 NOV 2026 4:29PM by PIB Thiruvananthpuram

ആസിയാൻ ഉച്ചകോടിക്കിടെ പ്രധാനമന്ത്രി ശ്രീ നരേന്ദ്ര മോദി ഫിലിപ്പീൻസ് റിപ്പബ്ലിക് പ്രസിഡന്റ് ഫെർഡിനാൻഡ് ആർ. മാർക്കോസ് ജൂനിയറുമായി ഇന്ന് മനിലയിൽ കൂടിക്കാഴ്ച നടത്തി.

ഈ വർഷത്തെ ആസിയാൻ (ASEAN) അധ്യക്ഷസ്ഥാനം വിജയകരമായി നിർവഹിച്ചതിന് പ്രധാനമന്ത്രി ഫിലിപ്പീൻസിനെ അഭിനന്ദിച്ചു. 2024 മുതൽ ആസിയാനിൽ ഇന്ത്യയുടെ കൺട്രി കോർഡിനേറ്റർ എന്ന നിലയിലുള്ള ഫിലിപ്പീൻസിന്റെ പങ്കിനെയും ആസിയാൻ-ഇന്ത്യ ബന്ധം ശക്തിപ്പെടുത്തുന്നതിനുള്ള ഫിലിപ്പീൻസിന്റെ തുടർച്ചയായ പിന്തുണയെയും അദ്ദേഹം പ്രശംസിച്ചു.

2026 സെപ്റ്റംബറിൽ ന്യൂഡൽഹിയിൽ നടന്ന ബ്രിക്സ് (BRICS) ഉച്ചകോടിക്കിടെ നടത്തിയ കൂടിക്കാഴ്ച ഇരുനേതാക്കളും ഊഷ്മളമായി അനുസ്മരിച്ചു; ആസിയാൻ അധ്യക്ഷൻ എന്ന നിലയിലാണ് പ്രധാനമന്ത്രി മോദി അന്ന് പ്രസിഡന്റ് മാർക്കോസ് ജൂനിയറെ ക്ഷണിച്ചിരുന്നത്. 2025 ഓഗസ്റ്റിൽ പ്രസിഡന്റ് മാർക്കോസ് ജൂനിയർ നടത്തിയ ഔദ്യോഗിക സന്ദർശന വേളയിൽ ഇരുരാജ്യങ്ങളും തമ്മിൽ സ്ഥാപിതമായ തന്ത്രപരമായ പങ്കാളിത്തത്തിന്റെ കീഴിൽ പ്രതിരോധം, സുരക്ഷ, ബഹിരാകാശം, റെയിൽവേ അടിസ്ഥാന സൗകര്യങ്ങൾ, ഫിൻടെക്, വ്യാപാരം, നിക്ഷേപം തുടങ്ങിയ വിവിധ മേഖലകളിലെ ഉഭയകക്ഷി സഹകരണത്തിന് ലഭിച്ച വർദ്ധിച്ച വേഗതയെ അവർ അഭിനന്ദിച്ചു. പരസ്പര താൽപ്പര്യമുള്ള പ്രധാന പ്രാദേശിക, ആഗോള വിഷയങ്ങളിൽ ഇരുനേതാക്കളും കാഴ്ചപ്പാടുകൾ കൈമാറുകയും ചെയ്തു.

-SK-


( റിലീസ് ഐ.ഡി: 2337535) സന്ദര്‍ശക കൗണ്ടര്‍ : 19