প্রধানমন্ত্রীগী লোইশঙ
azadi ka amrit mahotsav

প্রধান মন্ত্রী শ্রী নরেন্দ্র মোদীনা কর্নাতকাগী বেঙ্গলুরুদা প্রশান্তি কুতিরামগী গোল্দন জুবিলি সেলেব্রেসনদা শরুক য়াখ্রে


ঐখোয়না মহাক্কী পুন্সি চুপ্পা ‘করেক্তর বিল্দিংগী খুত্থাংদা নেসন বিল্দিং’গী মিসন অসি মাংলোমদা পুখৎনবা কত্থোকখিবা ইকায় খুম্নজরবা ঐচ.ভি.সেসাদ্রিজিগী মপোক কুমওন পাঙথোক্লি: পি.এম.

হৌখিবা চহি ১২ অসিদা ভারতনা মসিগী কলচর, মশাগী মশক, অমসুং মসিগী লৌশিং অমসুং সাইন্স অসি মালেমগী মমাঙদা মপুঙ ফানা থাজবা থমদুনা উৎলি; মসি ভারতকি ইনিসিয়েতিবকি মহৈনি, মালেম পুম্বনা হৌজিক ইন্তরনেস্নেল দে ওফ য়োগা পাঙথোক্লি: পি.এম

য়োগাসন অসি হৌজিক ওফিসিএল ওইনা কম্পিতিতিব স্পোর্ত অমা ওইনা শকখঙলে অমসুং খেলো ইন্দিয়া অমসুং নেস্নেল গেম্সগুম্বা থৌরমশিংদা মফম অমা ফংলে; মসিনা য়োগা প্রেক্তিসনরশিংনা কম্পিতিতিব তুর্নামেন্তশিংদা শরুক য়ানবগী অনৌবা লম্বি হাংদোক্লে: পি.এম

ঐখোয়না আয়ুর্বেদ মরি লৈনবা রিসর্চ অমসুং আয়ুর্বেদতা য়ুম্ফম ওইবা পেতেন্তশিংদা পুক্নিং থৌগত্‍‌লে, অমসুং ঙসিদি মসিগী ফলশিং অসি ঐখোয়গী মাঙদা লৈরি; ভারত্তগী আয়ুশ অমসুং হরবেল প্রদকশিং মপান্দা থাদোকপা অসি লেপ্তনা হেনগৎলক্লি: পি.এম.

থাগৎখিবা: 13 NOV 2026 2:01PM by PIB Imphal

প্রধান মন্ত্রী শ্রী নরেন্দ্র মোদীনা ঙসি কর্নাতকাগী বেঙ্গলুরুদা প্রশান্তি কুতিরামগী গোল্দন জুবিলি থৌরমদা শরুক য়াখ্রে। থৌরম অসিদা তিনখিবা মিয়ামদা ৱা ঙাংলদুনা প্রধান মন্ত্রীনা কনাড়া লোন্দা মীপুম খুদিংমকপু খুরুমজখি অমসুং বেঙ্গলুরুদা য়োগাগী শিংথানিংঙায় ওইরবা ইনর্জি অদু থেংনবদা হরাওবা ফোঙদোকখি। কর্নাতকা অসি চহি লিশিং কয়াদগী য়োগাগী সেন্তর অমা ওইদুনা লাক্লি অমসুং চৎনবি অসিবু হেন্না মপাঙ্গল কলহনখিবা মশিং য়াম্লবা প্রিসেপ্তরশিং অমসুং স্কোলরশিংগী পোকফম ওইরম্বা অদু পনদুনা মহাক্না লিজেন্দরি কনাড়া সিনেমাগী মমিং লৈরবা দোক্তর রাজকুমারগী কন্ত্রীব্যুসনশিংসু নিংশিংখি। শ্রী মোদীনা রিমার্ক তৌখি, “অসিগুম্বা য়োগাগী প্রেক্তিসনরশিংসু মফম অসিদা লাকখি মখোয়না আর্তকি মালেমগা লোয়ননা য়োগাগী সেবা তৌবদসু য়াওখি।”

কর্নাতকাগী ইনাক খুল্লবা হেরিতেজগী মরক্তা প্রশান্তি কুতিরামগী চহি ৫০গী খোঙচৎ অসি নাগরিক খুদিংমক্নাা খঙগদবা সেবা অমসুং কত্থোকপগী মমাঙদা অমুকতা ওইখিদ্রিবা মওংদা সাগা অমা ওইনা ফোঙদোক্লদুনা প্রধান মন্ত্রীনা মসিগী ইচম চম্বা কেন্দ্র অমদগী অচৌবা খোঙজং অমদা ওন্থোকখিবা অদু ফোঙদোকখি। পি.এম.না ফোংদোকখি, ”মতৌ করম্না ইচম চম্বা য়োগা সেন্তর অমনা চাওরবা খোংজং অমা ওইনা মসা মথন্তা ওইরকখিবা অসি ইন্সপিরেসন অমনি৷”

মায়লস্তোন সেলেব্রেসনগী মনুংদা কেম্পস অসিদা অনৌবা ফেসিলিতি কয়া অমা শঙ্গাখিবা অদু থোইদোক্না পল্লদুনা প্রধান মন্ত্রীনা এস-ভ্যাসা ইমুংদা মখোয়গী হৌজিক চত্থরিবা ইনিসিয়েতিবশিংগীদমক য়াইফ-পাওজেল পিখি। শ্রী মোদীনা অকনবা ৱাফম থমখি, “ঐহাক্না অদোম পুম্নমকপু, অমসুং প্রশান্তি কুতিরামগা মরি লৈনবা সাধক লাখ কয়াবু গোল্দন জুবিলিগীদমক নুংঙায়বা ফোঙদোকচরি।”

চহি অসিদা প্রশান্তি কুতিরামগr গোল্দন জুবিলিগা লোয়ননা ঐচ.ভি. সেসাদ্রিগী মপোক কুমওন অসিদা ইকায় খুম্নবা উৎলদুনা প্রধান মন্ত্রীনা হায়খি মদুদি সেসাদ্রিজিনা মহাক্কী পুন্সি চুপ্পা লমচৎ-শাজৎ শেমগৎপগী খুত্থাংদা জাতি শেমগৎপগী মিসন্দা কত্থোকখি, লৈবাক অসিবু মায়পাকাপগী খ্বাইদগী ৱাঙবা থাক্তা পুখৎনবা কত্থোক্লবা, তৌবা ঙম্বা, অমসুং দিসিপ্লিন লৈবা নাগরিকশিং মথৌ তাই।

ঐচ.ভি.সেসাদ্রিগী ইচম চম্বা, অৱাংবা থাক্কী পর্সোনেলিতি, পাক চাওরবা এক্সপরিয়েন্স, অমসুং অতোপ্পশিংবু ৱাংনা থাংগৎনবা, মিশিংবু অমত্তাা ওইনা পুনশিন্নবা, অমসুং মখোয়বু জাতিগী সেবাগীদমক শেম শাদুনা লৈবগী অচেৎপা ইচম চম্বা অদু নিংশিংলদুনা, প্রধান মন্ত্রীনা সেসাদ্রিজিনা অয়াম্বনা পনখিবা খুদম অমা সেসাদ্রিজিনা মহাক্কী অঙাং অদুবু মশাগী ওইজবা থিদনা য়োকখৎনবা অমসুং সেবা তৌনবা নুমিৎ খুদিংগী ৱাখল ৱাবা মমা অমাদগী তমজবগী মতাঙদা ফোঙদোকখি। শ্রী মোদীনা রিমার্ক তৌখি, “করিগুম্বা ঐখোয়না খুন্নাইগীদমক সেন্তিমেন্ত অসি পাকথোক চাওথোকহনবা তারবদি, মদুগী মতুংদা খুন্নাইগীদমক করি অচৌবা অফবা অমা তৌগনি”।

ঐচ.ভি.সেসাদ্রিনা মমা অমগী শেংলবা অমসুং মশাগী ওইজবা থিদনা খুন্নাইগী সেবা তৌরমবা অদু উরদুনা প্রধান মন্ত্রীনা সেসাদ্রিজিগী নুংশিবা অমসুং লমজিং-লমতাক লেপ্তনা ফংদুনা মহাক্কী লাইবক ফবা অদু ফোঙদোকখি। পি.এম. না রিমার্ক তৌখি, “মহাক্কা লোয়নখিবা মতমশিং অমদি মহাক্কি ৱাহৈশিং অদু হৌজিকসু ঐঙোন্দা য়াম্না মমল লৈ৷”

ঐচ.ভি. সেসাদ্রিগী অতোপ্পা কাওরোইদবা তম্বিবা অমা নিংশিংলদুনা, কনাগুম্বা অমনা খুৎ অনিমক্না খুন্নাইদা পিরকপা মতমদা, খুন্নাইনা খুৎ লাখ কয়া অমা অমুক হন্না পি হায়না ফোংদোক্লদুনা প্রধান মন্ত্রীনা হায়খি মদুদি অচুম্বা অসিনা মহাক্কী মশাগী পুন্সিদা হঞ্জিন হঞ্জিন মহৈ য়াল্লকপা অদু মহাক্না উবা ফংলে। শ্রী মোদীনা চেৎনা হায়খি, “মিয়ামগী সেবা তৌবদা মতম পুম্নমক্তা ঐঙোন্দা মখোয়গী থৌজাল পিবিরি, অমসুং মসি ঐগী পুন্সিগী য়াম্না অচৌবা লন অমনি।”

ঐচ.ভি.সেসাদ্রিগী ইমুং মনুং পুম্বদা মশাগী ওইজবা থিদনা সেবা তৌবগী ৱাখল্লোন অসিমক ময়েক শেঙনা উবা ফঙই হায়না ফোঙদোক্লদুনা প্রধান মন্ত্রীনা দাক্তর ঐচ.আর.নাগেন্দ্র অমসুং দাক্তর আর. নাগরথনাবু য়াম্না থৱায় য়াওনা থবক তৌদুনা মিশন অসিবু খুমাং চাওশিলহনবগীদমক পি.এম. না থাগৎপা ফোংদোকখি৷ শ্রী মোদীনা ফোংদোকখি, “ঐহাক্না মখোয়গী হোৎনবা কনবা অদু থাগৎপগা লোয়ন লোয়ননা মখোয়বু ফেলিসিতেদ তৌজরি৷ ”

ভারত অসি কোলোনিএল রুলগী শকখঙদবা অমসুং নীংতম লান্মি লাখ কয়ানা নীংতমবা ফঙনবা লানথেংনখিবা মতম অদু নিংশিংলদুনা প্রধান মন্ত্রীনা শ্বামি বিবেকানন্দগুম্বা জাতিগী ঋষিশিং (রাস্ত্র ঋষিশিং)না জাতি অসিগী স্পিরিচুয়েল কন্সিয়সনেসকি ৱাখল তাহনবদা লৌখিবা মান্নবা থৌদাং অদু ফোঙদোকখি। শ্রী মোদীনা নোৎ তৌখি, “মহাক্না ভারতকি নহাশিংদা য়োগাগী লম্বি তাকপিখি৷”

স্বামি বিবেকানন্দগুম্বা ঋষিশিংদগী ইন্সপিরেসন লৌদুনা প্রশান্তি কুতিরাম অমসুং এস-ভ্যাশাগুম্বা ইন্সতিত্যুসনশিং থোরকহনখি হায়না ফোঙদোক্লদুনা মিয়ামবু য়োগাগা শম্নহনবতা নত্তনা মোদর্ন সাইন্তিফিক রিসর্চ তৌবতা নত্তনা মালেমগী ওইনা সেবা তৌরিবা প্রেক্তিসনরশিং, ওজাশিং, দোক্তরশিং, অমসুং ফিলোজোফরশিং ত্রেনিং পিখি, অমসুং য়োগা, আয়ুর্বেদ, নেচরোপেথি, অমসুং মোদর্ন ইন্তিগ্রেতেদ হোলিস্তিক ৱেলনেশ ইকোসিস্তেম অমা শেমখি। মেদিসিন, প্রধান মন্ত্রীনা স্ত্রেশ অমসুং লাইফস্তাইলগী লায়নাশিংগী মতাঙদা মখোয়গী রিসর্চশিংবু থাগৎখি। পি.এম.মোদীনা রিমার্ক তৌখি, “মায়কৈ অসিদা পায়খৎলিবা রিসর্চকি থবক অসিনা মালেম পুম্বগী সেবা তৌখ্রে, অমসুং হোত্‍‌নরিবশিং অসিগীদমক ঐহাক্না প্রশান্তি কুতিরামবু থাগৎচরি।”

হৌখিবা চহি ১২ অসিদা ভারতনা মসিগী কলচর, আইদেন্তিতি, অমসুং সাইন্তিফিক হেরিতেজ অসি মপুঙ ফানা থাজবগা লোয়ননা মালেমদা পুথোকখ্রে, মসিনা শরুক য়ারিবশিং কোতি কয়াগা লোয়ননা ওস্ত্রেলিয়া, অফ্রিকা, অমসুং অমেরিকা শিনবা থুংনা মালেমগী ওইনা য়োগাগী নুমিৎ পাঙথোক্তুনা মসিদা মিওই করোর কয়ানা শরুক য়াখি৷ মসিগা লোয়ননা মালেম শিনবা থুংনা য়ৌগা অসি মালেম অসিগী স্কুলশিং, ইন্সতিত্যুসনশিং, অমসুং থবক মফমশিংগী শরুক অমা ওইরে৷ প্রধান মন্ত্রীনা মসি অমসু হায়খি মদুদি সাউদি অরাবিয়ানা য়োগা অসি শান্ন-খোৎনবগী থবক অমা ওইনা শকখঙলে অমসুং মফম অদুগী শান্ন-খোৎনবগী মন্ত্রালয়না ভারতকি আয়ুশ মন্ত্রালয়গা য়ানচে অমা খুৎয়েক পিনখ্রে। শ্রী মোদীনা হায়খি, “য়োগা প্রমোত তৌরিবা মপান লৈবাক্কি মিওইশিংগী খুদমশিং অসি লেপ্তনা মাঙদা লাকই, অমসুং লৈবাক অসিনা মখোয়বু পদ্ম শ্রীনা ইকায় খুম্নদুনা মখোয়গী চাওথোকচবসু হেনগৎহল্লি।”

য়োগাগা লোয়ননা মালেমগী ওইনা খঙনরকপা হেনগত্‍‌লকপনা ভারতকি মরমদা খঙনিঙবা পোকহল্লি অমসুং মসিগী কলচর অমসুং ত্রেদিস্নেল নোলেজগী মায়কৈদা পুক্নিং চিংশিল্লি, পুন্না হোত্‍‌নমিন্নদুনা মালেমগী ওইবা মরিগী অনৌবা লমবিশিং হাংদোক্লি হায়না পনখি, প্রধান মন্ত্রীনা আয়ুর্বেদগী পারলেল ইন্তরনেস্নেল এক্সপান্সন অদু ফোঙদোকখি। পি.এম.মোদীনা নোৎ তৌখি, “মালেমগী তোঙান তোঙানবা লৈবাকশিংদা আয়ুর্বেদ ত্রেনিং কোরশ ১৫০ হেন্না শকখঙখ্রে, অমসুং আয়ুর্বেদ পাকথোক চাওথোকহনবদা তেঙবাং পিননবগীদমক মালেমগী লৈবাক ২৮গা এম.ও.য়ু.শিং খুৎয়েক পিনখ্রে।”

য়োগা অমসুং আয়ুর্বেদগী কান্নবা অসি নাগরিক খুদিংমক্তা য়ৌবা ঙম্নবা য়োগা প্রমোত তৌবগা লোয়ননা সরকারনা চৎন-কাংলোন কয়া অমা শেমদোকখি হায়না ফোঙদোক্লদুনা প্রধান মন্ত্রীনা য়োগাসন অসি ভারত্তা চাংদম্নবা য়াবা শান্ন-খোৎনবা অমা ওইনা শকখঙলে অমসুং খেলো ইন্দিয়া অমসুং নেস্নেল গেমসতাা কত্থোক্লবা মফম অমা পিরে হায়না ফোঙদোকখি। শ্রী মোদীনা অকনবা ৱাফম থমখি, “অহোঙবা অসি ভারতকিদমক য়াম্না মরুওই, মরমদি য়োগাগা মরি লৈনবা মিওইশিংনা কম্পিতিতিব তুর্নামেন্তশিংদা শরুক য়ানবগী লম্বিশিংসু হাংদোক্লে।”

কত্থোক্লবা আয়ুশ মন্ত্রালয় অমা শেমগৎপগী খুত্থাংদা সরকারনা আয়ুর্বেদ প্রমোত তৌবগী মতাঙদা অকুপ্পা মরোল পিরদুনা অমসুং আয়ুশকি রিসর্চ অমসুং পেতেন্তশিংদা মতেং পাঙবগী মতাঙদা অকুপ্পা মরোল পিরদুনা প্রধান মন্ত্রীনা য়াইঙংগী এক্সপোর্ত হেঙ্গৎহন্নবা ইন্সতিত্যুস্নেল খোঙথাংশিং ফোঙদোকখি। পি.এম.মোদীনা নোৎ তৌখি, “য়াইঙং পুথোকপা, ক্বালিতি, অমসুং মপান্দা থাদোকপদা অনৌবা পাঙ্গল পিনবা ঐখোয়না নেস্নেল তর্মরিক বোর্দ অমসু শেমখ্রে।”

নহাশিংগী খুদোংচাবশিং শেমগৎপগা লোয়ননা ভারতকি অরিবা সাইন্স অমসুং মোদর্ন রিসর্চকি কান্নবশিং মিওইবা জাতিগা শম্নহনবগী মথৌ তাবা অদুদা অকনবা ৱাফম থম্লদুনা প্রধান মন্ত্রীনা মপান লৈবাক্কি মেদিকেল ভিজিতরশিংগী চত্থোক-চৎশিন লাইথোকহন্নবা ই-আয়ুশ ভিজা ফেসিলিতি হৌদোকপা অমসুং জমনগরদা দবল্যু.ঐচ.ও. শ্রী মোদীনা হায়খি, “মসিগী খুত্থাংদা ত্রেদিস্নেল মেদিসিন্দা রিসর্চ অমসুং ইন্তরনেস্নেল কোওপরেসন প্রমোত তৌরি।”

প্রশান্তি কুতিরামগী মতেংগা লোয়ননা ইমুং মনুংশিংদা য়োগাগী খুত্থাংদা হকশেলবু মরু ওইনা লৌনবা অনৌবা লম্বিশিং হাংদোক্তুনা চহি ১২দগী ১৩ ফাওবগী মনুংদা চাওরাক্না ভারত মচা ক্রোর ৫০না য়াম্না লায়রবদগী নান্থোকখিবা উৎপা ৱর্ল্দ বেঙ্ককি খ্বাইদগী নৌবা রিপোর্তনা ইনর্জি পিদুনা নাগরিক কোতি ১৪০না বিকসিত ভারত অমগী মায়কৈদা থবক তৌরি হায়বা পল্লদুনা প্রধান মন্ত্রীনা ইন্সতিত্যুসন অসিবু অনৌবা পান্দমশিংগীদমক রোদমেপ অমা শেম্নবা তকশিনখি। পি.এম. না রিমার্ক তৌখি, “মখোয়গী নহাশিংগী ইনর্জী অদু প্রশান্তি কুতিরাম্নসু ফংগনি অমদি লৈবাক অসিনসু ফংগনি৷”

***


(রিলিজ আই.দি.: 2336924) ভিজিতর কাউন্তর : 3