ভারতকি উপ রাস্ত্রপতিনা রেলৱে মন্ত্রালয়বু পি.এম.সুর্য় ঘর এক্সেলেন্স এৱারদ পিদুনা ইকায় খুম্নরি

ভারতকি ইকায় খুম্নজরবা উপ রাস্ত্রপতি শ্রী সি.পি.রাধাকৃষ্ণননা ঙসি ন্যু দিল্লীগী ভারত মন্দপমদা পাঙথোকখিবা রিন্যুএবল ইনর্জি শমিৎ & এক্সপো ২০২৬তা রেলৱে মন্ত্রালয়বু ইকাই খুম্ননিংঙাই ওইরবা পি.এম. সুর্য় ঘর এক্সেলেন্স এৱার্দ পীদুনা ইকাই খুম্নবা উৎখ্রে৷

মন্ত্রালয় অসিনা পি.এম.সুর্য় ঘর: মুফ বিজলি য়োজনাগী মখাদা “কেন্দ্র মন্ত্রালয়শিং/দিপার্তমেন্তশিংনা সোলরাইজ তৌবা মেক্সিমম বিল্দিংশিং”গী কেতেগোরিদা মকোক থোঙবা পোজিসন অমা ফংলে, মসিনা মিয়ামগী ইন্সতিত্যুসনশিংগী মরক্তা রিন্যুএবল ইনর্জি এদোপ্ত তৌনবগীদমক্তা পুক্নিং থৌগৎনিংঙায় ওইরবা নেশ্নেল বেঞ্চমার্ক অমা শেমখ্রে।

মন্ত্রালয় অসিনা লৈবাক শিনবা থুংনা রুফতোপ সোলর ইনস্তোলেসনগীদমক ফিজিকেল রেলৱে বিল্দিং ১৫,৮৬৮ মশক খঙদোক্লে। হৌজিক ফাওবদা অপুনবা মশক খঙদোক্লবা বিল্দিংশিংগী ৭৯% ওইরিবা বিল্দিং ১২,৪৯৫দা রুফতোপ সোলর সিস্তেমশিং হাপখ্রে। মন্ত্রালয় অসিনা মেগাৱাত্‍‌ ৪২৪গী পান্দম থম্লিবা রুফতোপ সোলর কেপাসিতি ৩৫১ মেগাৱাত্‍‌ কম্মিসন তৌখ্রে।

জাতিগী থাক্তা, সেন্ত্রেল মিনিস্ত্রি অমসুং দিপার্তমেন্ত ৭৭কি মনুংদা মশক খংদোক্লবা বিল্দিং ৩৯,১৩৫গী মনুংদা ২৫,৯৮৪দি হৌজিক ফাওবদা সোলরাইজ তৌখ্রে, মসিনা অপুনবা মশক খংদোক্লবা বিল্দিংশিংগী ৬৬% ওইরি। লৈবাক শিনবা থুংনা ফংবা অসিদা রেলৱে মন্ত্রালয়না মশক থোকপা শরুক অমাা কন্ত্রিব্য়ুৎ তৌখ্রে।

রেলৱে মন্ত্রালয়না অসি মার্চ ২০২৭ ফাওবগী মনুংদা লেমহৌরিবা ফিজিকেল বিল্দিং পুম্নমকপু সোলরাইজ তৌনবা ৱাশক্লি, মসিনা ভারতকি শেংলবা, ইনর্জি ইফিসিয়েন্ত অমদি তুং কোয়না চৎকদবা তুংলমচৎকি ৱাশক অদু হেন্না চেৎশিলহল্লি।

*****