পোষ্ট কৰা হৈছে:
28 OCT 2026 2:44PM by PIB Guwahati
প্ৰতিৰক্ষা মন্ত্ৰী শ্ৰী ৰাজনাথ সিঙে ২০২৬ চনৰ ২৮ অক্টোবৰত ফিলিপাইনছৰ চেবুত এচীয় প্ৰতিৰক্ষা মন্ত্ৰীসকলৰ বৈঠক-প্লাস (এ ডি এম এম-প্লাস) ৰ সৈতে সংগতি ৰাখি আমেৰিকা যুক্তৰাষ্ট্ৰৰ যুদ্ধ সচিব শ্ৰী পিট হেগছেথৰ সৈতে এখন বৈঠক অনুষ্ঠিত কৰে। এই বৈঠকখনে ভাৰত-আমেৰিকা যুক্তৰাষ্ট্ৰৰ মুখ্য প্ৰতিৰক্ষা অংশীদাৰিত্বৰ অধীনত হোৱা অগ্ৰগতিৰ পৰ্যালোচনা কৰাৰ এক গুৰুত্বপূৰ্ণ সুযোগ হিচাপে প্ৰতিফলিত হয়। চলিত সহযোগিতাৰ প্ৰতি লক্ষ্য ৰাখি, দুয়োপক্ষই তেওঁলোকৰ মৌলিক সুৰক্ষা চুক্তিৰ শক্তিশালী অগ্ৰগতিৰ কথা উল্লেখ কৰাৰ লাগতে কাৰ্য্যকৰী প্ৰস্তুতি, প্ৰযুক্তিৰ আদান-প্ৰদান আৰু প্ৰতিৰক্ষা ঔদ্যোগিক একত্ৰীকৰণ ত্বৰান্বিত কৰাৰ বাবে নতুন পথ অন্বেষণ কৰে।
দুয়োখন ৰাষ্ট্ৰই সন্ত্ৰাসবাদৰ আন্তৰ্জাতিক বিপদ নিৰ্মূল কৰাৰ বাবে তেওঁলোকৰ যৌথ সংকল্পৰ ওপৰত দৃঢ়তাৰে গুৰুত্ব আৰোপ কৰাকে ধৰি আঞ্চলিক নিৰাপত্তাৰ পৰ্যালোচনা আছিল এই আলোচনাৰ এক গুৰুত্বপূৰ্ণ দিশ । প্ৰতিৰক্ষা মন্ত্ৰীগৰাকীয়ে গুৰুত্ব আৰোপ কৰি কয় যে বিশ্ব সম্প্ৰদায়ে সন্ত্ৰাসবাদী সংগঠনসমূহক সমৰ্থন, প্ৰশিক্ষণ বা পুঁজি যোগান ধৰা ৰাষ্ট্ৰসমূহৰ প্ৰতি এক আপোষহীন, শূন্য সহনশীলতাৰ দৃষ্টিভংগী বজাই ৰাখিব লাগিব। সচিব হেগছেথে আন্তঃসীমান্ত সন্ত্ৰাসবাদৰ বিৰুদ্ধে যুঁজত ভাৰতৰ প্ৰতি আমেৰিকা যুক্তৰাষ্ট্ৰৰ অটল সংহতি আৰু সম্পূৰ্ণ সমৰ্থনৰ কথা পুনৰ নিশ্চিত কৰে। প্ৰতিৰক্ষা মন্ত্ৰীগৰাকীয়ে আমেৰিকা যুক্তৰাষ্ট্ৰৰ ধাৰাবাহিক আৰু শক্তিশালী সমৰ্থনৰ বাবে ভাৰতৰ হৈ গভীৰ কৃতজ্ঞতা প্ৰকাশ কৰে।
দুয়োগৰাকী নেতাই ১০ বছৰীয়া ভাৰত-আমেৰিকা যুক্তৰাষ্ট্ৰৰ প্ৰতিৰক্ষা পৰিকাঠামোৰ অগ্ৰগতিৰ পৰ্যালোচনা কৰাৰ লগতে ভাৰত-আমেৰিকা যুক্তৰাষ্ট্ৰৰ প্ৰতিৰক্ষা সম্পৰ্কক কৌশলগত সমন্বয়লৈ উন্নীত কৰাৰ বাবে তেওঁলোকৰ অংশীদাৰী প্ৰতিশ্ৰুতি পুনৰ নিশ্চিত কৰি সামৰণি মাৰে। এই আলোচনাত সামৰিক বিনিময়ৰ অগ্ৰগতি, সামুদ্ৰিক সুৰক্ষা সহযোগিতা বৃদ্ধি, আৰু বৰ্তমানৰ প্ৰতিৰক্ষা উদ্যোগৰ সহযোগিতা অধিক গভীৰ তথা সম্প্ৰসাৰণৰ বাবে শক্তিশালী প্ৰতিৰক্ষা যোগান শৃংখল একত্ৰিত কৰাৰ ওপৰত আলোকপাত কৰা হয়।
বৈঠকৰ পিছত এক্স-ত এটা পোষ্টত প্ৰতিৰক্ষা মন্ত্ৰীগৰাকীয়ে ভাৰত আৰু আমেৰিকা যুক্তৰাষ্ট্ৰৰ মাজত শক্তিশালী অংশীদাৰিত্বক এক মুক্ত, মুকলি আৰু সুৰক্ষিত ভাৰত-প্ৰশান্ত মহাসাগৰীয় অঞ্চলৰ আধাৰশিলা বুলি অভিহিত কৰে।
***
VK/Savvy/DD