থাগৎখিবা:
22 OCT 2026 3:45PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ২৩, ২০২৬ দা অয়ুক পুং ১১ তাবদা ন্যু দিল্লিগী ভারত মন্দপমদা চিনময়া অমৃত মহোৎসব গ্লোবেল সম্মেলন হৌদোক্কনি। মহাক্না থৌরম অদুদা মীয়ামদা ৱা ঙাংগনি।
ওক্তোবর ২৩ দগী ওক্তোবর ২৫,২০২৬ ফাওবা পাংথোক্কদবা নুমিৎ হুম্নি সম্মেলন অসিদা ভারত অমসুং মপান লৈবাকশিংদগী মীওই ৯০০০ হেন্না শরুক য়াগনি। মীয়ামদা ভেদান্তা অমসুং ভগবদ গীতাগী লৌশিং খঙহন্নবা ১৯৫১ দা শ্বামী চিনময়ানন্দনা লিংখৎখিবা মালেমগী ভক্তি মুভমেন্ত চিনময়া মিসনগী চহি ৭৫ মপুংফারকপগী চহি অমা চুপ্না চৎথরকপা থৌরমশিং লোইশিনবা ওইনা থৌরম অসি পাংথোক্কদবনি। চহি কয়া মিসন অসিনা অধ্যতিক ইজুকেসন, নাৎ ঙাক-শেনবা, নহারোলশিংগী ফিবম ফগৎহনবা অমসুং মীয়ামগী থবক কয়া পায়খৎখি।
হৌখিবা চহিদা তামিল নাদুগী গঙ্গাইকোন্দা চোলাপুরমদা ইলাইরাজাগী ঈশৈগা লোয়ননা চিনময়া মিসন্না পুথোকপা তামিলগী ভগবত গীতা অমা প্রধান মন্ত্রীনা ফোঙদুনা চহি অমা চুপ্না চৎথবা থৌরমশিং হৌদোকখিবনি। লাইশোন থৌরমশিং, ত্রিপুরাদা মা সাউন্দরয়া চিনময়ি তেম্পল শেমজিনবা অমসুং ওনলাইন্দা মালেম শীনবা থুংনা মীওই লাখ ১ রোম ভগবত গীতগী ১৫শুবা চেপ্তর থিবা য়াওনা চহি অসিগী মনুংদা তোঙান তোঙানবা থবকশিং অমসুং থৌরমশিং পাংথোকখি। থৌরমশিংগী মরুওইবা থবক ভগবত গীতাগী খনগৎলবা ভর্স মঙাদা য়ুম্ফম ওইদুনা গীতা পঞ্চমরিত পাংথোকপনা ওইখি। লৈবাক শীনবা থুংনা গীতাগী পাউজেল পীনবা লৈবাক শীনবা থুংনা কিমি ৪০,০০০ চৎতুনা চিনময়া যুব কেন্দ্রগী মেম্বর ১৫ না চিনময়া অমৃত যাত্রা পাংথোকখি।
***