నాడు పోస్టు చేయడమైనది:
23 OCT 2026 6:52PM by PIB Hyderabad
పారా ఆసియా క్రీడల్లో మహిళల సింగిల్స్ ఎస్‌యూ5 విభాగంలో రజత పతకం సాధించిన తులసిమతి మురుగేశన్‌కు ఈ రోజు ప్రధానమంత్రి శ్రీ నరేంద్ర మోదీ హృదయపూర్వక అభినందనలు తెలిపారు.
ఆమె ప్రదర్శన భారతీయ బ్యాడ్మింటన్ రంగానికి ఎంతో గర్వకారణమైన క్షణమని శ్రీ నరేంద్ర మోదీ పేర్కొన్నారు. ఆమె ఇదే పట్టుదలతో కష్టపడుతూ నూతన శిఖరాలను అధిరోహించాలని, దేశానికి మరిన్ని కీర్తిప్రతిష్టలు తీసుకురావాలని కోరుకుంటున్నట్లు ప్రధాని తెలిపారు.
సామాజిక మాధ్యమం 'ఎక్స్' వేదికగా ప్రధానమంత్రి కార్యాలయం (పీఎంఓ) ఈ విధంగా పేర్కొంది:
"పారా ఆసియా క్రీడల్లో మహిళల సింగిల్స్ ఎస్‌యూ5 విభాగంలో రజత పతకం గెలుచుకున్న తులసిమతి మురుగేశన్‌కు అభినందనలు! ఆమె కనబరిచిన ప్రదర్శన భారతీయ బ్యాడ్మింటన్ రంగానికి అత్యంత గర్వకారణమైన క్షణం. ఆమె ఇదే విధంగా నిరంతరం కృషి చేస్తూ నూతన శిఖరాలను అధిరోహించాలని, దేశానికి మరిన్ని విజయాలను అందించాలని కోరుకుంటున్నాను: PM @narendramodi”