وزیراعظم کا دفتر
کینیڈا کی وزیرِ خارجہ نے وزیرِ اعظم سے ملاقات کی
دونوں فریقین نے تعاون کے اہم شعبوں میں دوطرفہ تعلقات کو مزید مستحکم کرنے کے طریقوں پر تبادلہ خیال کیا
وزیرِ اعظم نے دوطرفہ تعلقات میں مثبت رفتار کو ٹھوس نتائج میں تبدیل کرنے کی اہمیت پر زور دیا
وزیرِ اعظم نے وزیرِ اعظم مارک کارنی کو گرم جوش مبارکباد پیش کی
پوسٹ کرنے کی تاریخ:
14 OCT 2026 6:56PM by PIB Delhi
کینیڈا کی وزیرِ خارجہ، محترمہ انیتا آنند نے آج وزیرِ اعظم جناب نریندر مودی سے ملاقات کی۔
ملاقات کے دوران، وزیرِ اعظم مودی اور وزیرِ خارجہ آنند نے دوطرفہ تعلقات کو مستحکم کرنے اور تجارت، سائنس و ٹکنالوجی، دفاع، سلامتی، توانائی، تعلیم، عوام سے عوام کے تعلقات اور کثیر جہتی تعاون سمیت باہمی دل چسپی کے شعبوں میں تعاون کو وسعت دینے کی جاری کوششوں پر تبادلہ خیال کیا۔
وزیرِ اعظم نے دوطرفہ مشغولیت میں رفتار کو برقرار رکھنے اور اسے ٹھوس نتائج میں تبدیل کرنے کی اہمیت پر زور دیا، جس میں جامع اقتصادی شراکت داری معاہدے (سی ای پی اے) پر مذاکرات کا جلد اختتام بھی شامل ہے۔
انھوں نے باہمی دل چسپی کی علاقائی اور عالمی پیش رفت پر بھی تبادلہ خیال کیا۔
وزیرِ اعظم نے وزیرِ اعظم کارنی کو اپنی گرم جوش مبارکباد پیش کی اور کہا کہ وہ ان کی مشغولیت کو جاری رکھنے کے منتظر ہیں۔
***
(ش ح - ع ا)
U.No. 6097
(ریلیز آئی ڈی: 2323540)
وزیٹر کاؤنٹر : 13