নমস্কার!

এক্সেলেন্সিশিং, মালেম শিনবা থুংবদগী লাক্লিবা দেলিগেতশিং, বিজিনেস অমসুং ইন্দস্ত্রীগী লুচিংবশিং, পোলিসী মেকরশিং অমসুং ঐহাক্কী মরুপশিং।

ভারত্তা ময়াম পুম্নমকপু তরাম্না ওকচরি। খরা কুইদ্রিঙৈগী মমাংদা মিস্তর ব্লুমবর্গনা মফম অসিদা মহাক্কী ৱাফম থমখ্রে। মহাক্কী চহি ৩০গী খোঙচৎ অমসুং মহাক্না ঐহাকপু মহাক্কী মরুপনি হায়রি, মহাক চহিসু হেলি, মহাক্কী থবক-থৌরমগী লমদা য়াম্না মাইপাকপা মীওই অমনি। অমসুং মাইপাকপগা লোয়ননা থৱায় য়াওবা মীওই অমনি। অমসুং ভারতপু মহাক্না নুংশিজবা অদু ঐহাক্না য়াম্না ময়েক শেংনা খঙই অমসুং মরম অদুনা ঐহাক্না মহাকপু মতম পুম্নমক্তা ইকায়খুম্নৈ, ঐহাক মহাক্কী ফেন অমা ওইদুনা লাক্লি। অমসুং ঙসিসু ভারতপু মহাক্না নুংশিজবা, মালেমগী ফম্পাকশিংদা ভারতকী মতাংদা মহাক্না থম্লিবা ৱাখল্লোনশিং অসি মতম পুম্নমক্তা পোজিতিব ওইবা ইনর্জী পীবীবা অমা ওইরক্লি। অমসুং মসিগীদমক ঐহাক্না শ্রীমান অদোমগী মফমদা থম্মোয়দগী য়াম্না থাগৎপা ফোংদোকচরি। চহি খুদিংগী ফোরম অসিনা মালেমগী খ্বাইদগী ৱাখল লৈবশিং (minds)বু অমত্তা ওইনা পুনশিল্লি। মফম অসিদা ইকোনোমীগী মতাংদা খন্ন-নৈনৈ, তেক্নোলোজী, ইনর্জী অমসুং গ্লোবেল এফিয়র্সকী মতাংদা খন্ন-নৈনৈ। অমসুং হন্দক্তি, অহানবা ওইনা থৌরম অসি ভারত্তা পাংথোক্লি। ঐহাক্না মিস্তর ব্লুমবর্গ অমসুং মহাক্কী তীম পুম্নমকপু ফিরেপ অসিগীদমক য়াম্না থাগৎপা ফোংদোকচরি। অদোম্না অচুম্বা মতমদা, অচুম্বা মফম খল্লে।

মরুপশিং,

চহি অসিগী ব্লুমবর্গ ইকোনোমী ফোরমগী থিম অসি মালেমদা অনৌবা থোরক্লিবা পাৱরশিংদা (Powers) মীৎয়েং থম্লি। যুগ খুদিংমক্তা পাৱরগী মশাগী ওইবা হৌরকফমশিং লৈ, মশাগী ওইবা ৱাহন্থোক লৈ। অদুবু ২১শুবা চহিচাদা, অখন্ননা অহুমশুবা দিকেদ অসিদা, অচৌবা অহোংবা অমা লাক্লি। ঙসিদি, তেক্নোলোজী অসি পাৱরনি, দেতা অসি পাৱরনি, নোলেজ অসি পাৱরনি, ইন্নোবেসন অসি পাৱরনি।

অদুবু মরুপশিং,

অচুম্বা ৱাহংদি পাৱর অসি কনাগী মখুত্তা লৈ হায়বা অসি নত্তে, অদুবু ৱাহংদি মসি করম্না শিজিন্নরিবগে হায়বা অসিনি? তেক্নোলোজিনা মীওই খরা খক্তবু মাংলোমদা পুখৎকদ্রা? নত্রগা মীওই করোর কয়াদা অনৌবা খুদোংচাবশিং শেমগদ্রা? নোলেজ (Knowledge) অসি মীওই খরা খক্তগী শক্তি ওইনা লৈহৌগদ্রা? নত্রগা মীপুম খুদিংমক্কী মতিক-ময়াং হেনগৎহনগদ্রা? মফম অসিদগী অনৌবা ৱাখল্লোন অমা হৌরকই। অমসুং ৱাখল্লোন অদুদি - পাৱর তু এম্পাৱর (Power to Empower), কন্ত্রোল তৌনবা পাৱরদগী হেন্না ইনেবল (Enable) তৌনবা পাৱর, চাংদম্ননবগী পাৱরদগী হেন্না কোলাবোরেত (Collaborate) তৌনবা পাৱর, মাইপাক্নবা পাৱরদগী হেন্না অতৈবু মাইপাকহনবদা মতেং পাংনবা পাৱরনি। অমসুং মরম অদুনা, ঙসি ঐহাক্না মফম অসিদা পুদুনা লাক্লিবা মঙলান অদুদি পাৱর তু এম্পাৱর (Power to Empower) নি।

মরুপশিং,

ৱাখল্লোন অসি ভারতকীদমকদি অনৌবা নত্তে। ঐখোয়গী মফমদা হায়রম্মি, ‘বিদ্যা বিবাদায় ধনং মদায়, শক্তিঃ পরেসাং পরি-পীদনায়। খলস্য সাধো: বিপরীতম এতত, জ্ঞানায় দানায় চ রক্সনায়॥’ মসিগী ৱাহন্থোকদি গ্যান, লন-থুম অমসুং শক্তি কনাগুম্বা অমগী মখুত্তা লৈরবসু, মহাক্না মসি করম্না শিজিন্নবগে হায়বা অসি মরুওই। হায়বদি পাৱরগী অশেংবা মমল অসি মসিগী পান্দম (Purpose) অদুদা লৈ। অমসুং ৱাখল্লোন অসি ঙসিগী মতম অসিদা খঙবা অসি য়াম্না মরুওই।

মরুপশিং,

পাৱর তু এম্পাৱর (Power to Empower) তৌবা হায়বা মীওইবগী ৱাখল্লোন অসি, মীতোপতা তাকপীনবা খক্তা নত্তে, মসি ঐখোয়গী চহি লিশিং কয়াগী চৎনবীনা ঐখোয়দা তাকপীরকপনি। অমসুং ভারত্তা ঐখোয়না মসি ঐখোয়গী লৈঙাকপগী থৌওংদা (Governance), ঐখোয়গী থবক্কী চৎনবীদা (work culture) চৎনদুনা উৎখ্রে। মরম অদুনা, ঐহাক্না ভারতকী খুদমশিংদগী ঐহাক্কী ৱাফম অসি মাংলোমদা পুখৎচগে।

মরুপশিং,

ময়াম পুম্নমক্না খঙই, ভারত অসি মদর ওফ দেমোক্রেসীনি (Mother of Democracy)। ভারত্তা লোন চামাদগী হেন্না লৈ, রেজিস্তর তৌবা পাউচে অমসুং পব্লিকেসন লিশিং নিফু (৮০,০০০) রোম লৈ। সেতেলাইত তি.ভি. চেনেল লিশিং অমদগী হেন্না লৈ। অমসুং মরম অদু খক্তা নত্তনা, সোসিয়েল মেদিয়াগী যুগ অসিদা, ভারত্তা য়ুত্যুব শিজিন্নবা মীওই মিলিয়ন চামঙা (৫০০) দগী হেন্না লৈ। ইন্সতাগ্রাম শিজিন্নবা মিলিয়ন চামঙাদগী হেন্না লৈ। ঐখোয়গী মফমদা তোঙান-তোঙানবা ৱাফমশিংদা মনিং তম্বা মওংদা খন্ন-নৈনৈ, তোঙান-তোঙানবা মীৎয়েংশিংদা মীয়াম্না ৱাখল তাথোক-তাশিন তৌনৈ। অমসুং হৌজিক্কী মতম অসিদা, মসিদা অচৌবা থৌদাং লৌরিবা অসিদি দিজিতেল পাৱরনি (Digital Power)।

মরুপশিং,

চহি ১২-১৩গী মমাং ফাওবা ভারত্তা মতম অমা লৈরম্মি, মদুদদি মোবাইল অমসুং ইন্তরনেত ফংবা হায়বা অসি মশামক্তা শক্তি অমা ওইরম্মি। খুদোংচাবা অদু ফংবশিংগী মখুত্তা ইনফোর্মেসন (Information) লৈরম্মি, নোলেজ লৈরম্মি, ওপ্পোরচুনিতীশিং (Opportunities) লৈরম্মি। ২০১৪গী মতুংদা, ভারত্তা অনৌবা সরকার শেম্লকপা মতমদা, ঐখোয়না সেবা তৌবগী খুদোংচাবা ফংলকপা মতমদা, ভারতনা মোবাইল দেতা অসি মমল হোংহন্নবা (Affordable) মীৎয়েং থমখি। মসিগী মহৈনা ঙসিদি অপিকপা সহর অমগী মহৈরোই অমসু দিজিতেল লর্নিং (Digital Learning)গা শম্নবা ঙম্লে। খুঙ্গং অমগী অপিকপা দুকান ফম্বা অমসু অনৌবা কস্তমরশিং ফাওবা য়ৌবা ঙম্লে। নহা অমসু ওনলাইন্দা অনৌবা কোর্সশিং য়াওবা ঙম্লে। হায়বদি ভারত্তা কনেক্তিবিতীনা (Connectivity) মীয়াম্বু শম্নহনবা খক্তা নত্তনা, মসিনা খুদোংচাবশিংবুসু শম্নহনখ্রে। মসি, মসিমক্না পাৱর তু এম্পাৱর (Power to Empower)নি।

মরুপশিং,

ময়ামগী মনুংদা মপান লৈবাক্তগী লাক্লিবা মীথুংলেনশিংদা ঐহাক্না হায়জগে মদুদি অদোমসু ভারতকী দিজিতেল পেমেন্ত ইকোসিস্তেম (Digital Payments Ecosystem) অসি শিজিন্নদুনা মফম অসিদদি লম্বীদা পোৎ-চৈ য়োল্লিবা মীওই অমা অমসুং অচৌবা কার শোরুম অমগী ললোন-ইতিক্কী মওং তোঙান-তোঙানবনি, মখোয়গী পাক-চাউবগী চাং তোঙানবনি, অদুবু ভারত্তদি মখোয় অনিমক্না দিজিতেল পেমেন্তকী ইকোসিস্তেম অমখক শিজিন্নরি। মসি ইনক্লুসিব তেক্নোলোজীগী (Inclusive Technology) শক্তিনি।

মরুপশিং,

ভারতকী তৌবা ঙম্বশিং অদু অমহেক্তা ওইরবসু, মসিবু ঐখোয়না ঐখোয়গী য়ুমদা থমজবা পামদে, মসিবু ঐখোয়না গ্লোবেল সাউথকা লোয়ননা অতোপ্পা পার্তনর লৈবাকশিংগা লোয়ননা লেপ্পা লৈতনা শরুক য়াজরি। দিজিতেল পব্লিক ইনফ্রাস্ত্রকচরগী (Digital Public Infrastructure) এক্সপরিয়েন্স অদু ঐখোয়না অতৈ লৈবাকশিংগা শরুক য়ামিন্নরি, মরমদি মখোয়না মখোয়গী মথৌ তাবগী মতুং ইন্না মখোয়গী দিজিতেল সিস্তেমশিং শেমগৎপা ঙম্নবা। ঐখোয়না কোবিদকী মতমদসু কোৱিন (CoWIN) প্লেতফোর্ম শেমখি, মদু ওপন সোর্স ওইরম্মি, হায়বদি ভারতকী তৌবা ঙম্বশিং অসিনা অতৈ লৈবাক্কীদমক্তসু খুদোংচাবগী অনৌবা থোং কয়া হাংদোক্নবা ঐখোয়না লেপ্পা লৈতনা হোৎনরি। হায়বদি ঐখোয়গী তৌবা ঙম্বশিং অসিনা মীওইবা খুন্নাইবু এম্পাৱর তৌবা হায়বা অসিনি।

মরুপশিং,

ইন্নোবেসনগী (Innovation) শক্তিসু মসিগা মান্নৈ, ৱাখল্লোন অমা পোত্থোক অমা ওইনা ওন্থোকপা, খুদোংচাদবা অমা পাম্বৈ অমা ওইনা ওন্থোকপা, মসি মশামক্তা অচৌবা তৌবা ঙম্বগী শক্তি অমনি। অদুবু খুদোংচাবা অসি খুন্নাইগী হেন্না য়াম্লবা মীওইশিংনা ফংলকপা মতমদা, পাৱরগী বেলেন্স অমা শেম্লকই অমসুং মসিগী শাফু অসি শরুক কয়া হেনগৎলকই। ভারতকী স্তার্তঅপ (Startup) খোঙচৎ অসি অহোংবা অসিগী খুদম অমনি। চহি ২০১৪গী মমাংদা, ভারত্তা স্তার্তঅপ চামখক খক্তা লৈরম্মি, হৌজিক্তি লৈবাক অসিদা মসিগী মশিং অসি লাখ অমা মখায়দগী (২.৫ লাখ) হেনখ্রে। শরুক তংখায়রোমগী স্তার্তঅপশিংদি অপিকপা সিতীশিং অমসুং তাউনশিংদগী হৌরকপনি। চাদা নিফুমঙা (৪৫%) দগী হেনবা স্তার্তঅপশিংদা য়ামদ্রবদা নুপী দাইরেক্তর নত্রগা পার্তনর অমা য়াওরি। হায়বদি ইন্নোবেসনগী খুদোংচাবশিং অসি হেন্না য়াম্লবা মীওইশিংদা য়ৌরি, অনৌবা হৈথোই-শিংথোইবশিং থোরক্লি, অনৌবা পাম্বৈশিং শেম্লক্লি।

মরুপশিং,

পাৱরগী পান্দমদা (Purpose) থম্লিবা মীৎয়েং অসি, ৱাখল্লোন অসি লৈঙাকপগী থৌওংদসু (Governance) য়াম্না মরুওই। সরকারগী মখুত্তা ওথোরিতী (Authority) লৈ, অদুবু মসিগী পান্দমদি লৈবাক অসিগী নাগরিকশিংনা সিস্তেমদ খক্তা মখা পোন্দুনা লৈবা অদু ওইরোইদবনি, অদুবু মসিগী পান্দমদি লৈবাক অসিগী নাগরিকশিংবু থবক তৌবা ঙম্বগী শক্তি লৈহনবা, মপাঙ্গল কনখৎহনবা অদু ওইগদবনি অমসুং ভারতনা লম্বী অসিদা চংশিল্লি। লম্বী অসিদা চংশিল্লদুনা ভারতনা হৌখিবা চহি ১০গী মনুংদা মীওই করোর ২৫বু, মালেমগী লৈবাক কয়াগী মীশিংদগীসু হেনবা, মীওই করোর ২৫বু লাইরবদগী কোকহনখ্রে।

মরুপশিং,

জেম ত্রিনিতী (JAM Trinity) অমসুং দাইরেক্ত বেনিফিত ত্রান্সফরগী (Direct Benefit Transfer) মতাংদসু তাবীরমগনি। ঐখোয়না তেক্নোলোজী শিজিন্নদুনা, ঐখোয়না বেনিফিসরীশিংগী বেঙ্ক একাউন্তশিংদা সরকারগী মতেং হকথেংননা য়ৌহনবগী থৌরাং শেমখ্রে। মসিনা করপ্সন হন্থহনখ্রে, লৈবাক অসিগী নাগরিক্কী খুদোংচাবা হেনগৎহনখ্রে, সরকার অমসুং নাগরিক্কী মরক্তা হকথেংনবা লম্বী অমা শেমখ্রে।

মরুপশিং,

পাৱর তু এম্পাৱরগী (Power to Empower) ৱাখল্লোন অসি ভারতকী গ্লোবেল এঙ্গেজমেন্ততসু (Global Engagement) উবা ফংই। কোবিদ লায়চৎকী মনুংদা ভেক্সিন মেন্যুফেকচরিং কেপাসিতিগী অচৌবা মরুওইবা লৈরম্মি। মতম অদুদা ৱাহং লৈরম্মি মদুদি, শক্তি অসিগী কান্নবা অসি লৈবাক খরা খক্তদা লোইশিনগদ্রা? নত্রগা খুদোংচাবা অসি অমসুং কেপাবিলিতী অসি লৈতবা লৈবাকশিং, মীওইশিং অদুদসু ভেক্সিন য়ৌহনগদ্রা? ভারতনা মীওইবগী খুন্নাইবু এম্পাৱর তৌবগী লম্বী অদু খনখি। ঐখোয়না লৈবাক ১০০ দগী হেনবদ ভেক্সিন সপ্লাই (Supply) তৌখি। ঐখোয়গী মেন্যুফেকচরিং কেপেবিলিতী অদু অতৈ লৈবাকশিংগীদমকসু মতেং পাংনবগী পাম্বৈ অমা ওইখি। ঐহাক্না ময়ামদা য়াম্না পুক্নিং চিংশিন্নিংঙাই ওইবা খুদম অমসু পীজগে। থা খরগী মমাংদা, ভারত্তা এ.আই. ইমপেক্ত সম্মিত (AI Impact summit) পাংথোকখি, অমসুং শ্রীমান ব্লুমবর্গ জিনা এ.আই. সম্মিত অদুগী মতাংদসু য়াম্না থাগৎপা ফোংদোকখ্রে। মসিদা ঐখোয়না মীওইবা খুন্নাইগীদমক এ.আই. শিজিন্নবগা লোয়ননা শা-উচেকশিংদসু এ.আই. গী কান্নবা করম্না ফংহনগদগে হায়বদুসু খন্ন-নৈনবগী ৱাফম অমা ওইহনখি। নন্দন মফম অসিদা ফম্লি, মসি করম্না তৌখিবগে হায়বদু মতুংদা মহাক্না ময়ামদা অকুপ্পা ৱারোল পীবা ঙমগনি। হায়বদি ভারতনা মতিক-ময়াই লৈবা হেনগৎলকপমখৈ, মীওইবগী খুন্নাইগীদমক, মালেমগীদমক মদু অদুক্কী মতিক কান্নবা হেনগৎলক্কনি।

মরুপশিং,

পাৱর হায়বা অসি মাংলোমদা চংশিনবগী ঙম্বগী মতিক অদু খক্তা নত্তে। মসি অতৈবু এম্পাৱর তৌবা, মাংলোমদা পুখৎপগী মতিক-ময়াইসুনি। ভারতনা থাজৈ মদুদি, চাংদম্নবা হায়বা অসি মরুওই, অদুবু মীনুংশি (compassion) হায়বসু লৈগদবনি। ইন্নোবেসন (Innovation) মরুওই, অদুবু মসিগী কান্নবা অসি পাকথোক-চাউথোকহনগদবনি। নেস্নেল স্ত্রেংথ (National Strength) মরুওই, অদুবু গ্লোবেল চেলেঞ্জশিংগী (Global Challenges) পাম্বৈশিং পুথোকপদা শরুক য়াগদবনি। ক্লাইমেত চেঞ্জ (Climate Change) ওইরো, ৱাতর গভর্নান্স (Water Governance) ওইরো, পব্লিক হেল্থ (Public Health) ওইরো, নত্রগা ইমর্জিং তেক্নোলোজীশিং (Emerging Technologies) শিজিন্নবদা খঙনা শিজিন্নবা (Responsible Use) ওইরো, মালেম অসিদা পাম্বৈ পীবা ঙম্বা, অনৌবা খুদোংচাবশিং পুথোকপা ঙম্বা মতিক-মগুন মথৌ তাই।

মরুপশিং,

ঐহাক্না ময়াম পুম্নমক্তা খুদম অমগা পীজগে। পেরিস এগ্রিমেন্তকী (Paris Agreement) মখাদা ক্লাইমেত চেঞ্জগা (Climate Change) থেংননবা ভারতনা অচৌবা কমিতমেন্ত (Commitment) অমা তৌরম্মি। চহি ২০১৫দা ঐখোয়না পান্দম থমলম্মি মদুদি, ২০৩০ ফাওবগী মনুংদা ঐখোয়গী ইন্সতোল্দ ইলেক্ত্রিসিতী কেপাসিতীগী (Installed Electricity Capacity), চাদা নিফু (৪০%)দি নন-ফোসিল সোর্সশিংদগী (Non-Fossil Sources) ফংহনগনি। অমসুং ভারতনা মাইপাকপা অসি নবেম্বর ২০২১দগী ফংখ্রে। হায়বদি লেপখিবা মতম অদুগী চহি মাপলগী মমাংদা। ভারতনা মসি তৌবা ঙম্বা অহানবা জি-২০ (G20) লৈবাক ওইখি। মসি কমিতমেন্ত অমা মঙফাওনহনবা খক্তগী ৱাফম নত্তে, মসি ভারতনা হোংলক্লিবা ইনর্জী জর্নীগী (Energy Journey) খুদম অমসুনি।

মরুপশিং,

২০১৪দা ভারতকী রিন্যুৱেবল ইনর্জী কেপাসিতী (Renewable Energy Capacity), চাউরাক্না গিগাৱাত ৭৪ (75 GW) রোম ওইরম্মি। ঙসিদি মসি গিগাৱাত চাহুম (300 GW) রোম ওইখ্রে। হায়বদি ঐখোয়না চাউরাক্না শরুক মরি (4 Times) হেন্না কেপাসিতী হাপচিনখ্রে।

মরুপশিং,

ভারত্তা থোক্লিবা ইনর্জী ত্রাঞ্জিসন (energy transition) অসিগী অনৌবা খুদোংচাবশিং শেম্লক্লি। ঙসি ঐখোয়গী মফমদা পি.এম. সুর্য় ঘর অমসুং পি.এম.-কুসুমগুম্বা স্কিমশিং চলায়রি। থৌরাং অমনা য়ুমশিংবু সোলার পাৱরগা (Solar Power) শম্নহল্লি, অতোপ্পা থৌরাং অমনা, লৌমীশিংদা সোলার ইনর্জী (Solar Energy) পুথোক্নবা অমসুং মসি শিজিন্নদুনা ইনপুত কোস্ত (input cost) হন্থহনবা ঙমহল্লি। থৌরাং অনিমক অসিগী খুত্থাংদা, ভারতনা সোলার কেপাসিতী (Solar Capacity) গিগাৱাত কুন্থ্রা (30 GW)দগী হেন্না ফংবা ঙমখ্রে। মসিদগী চহি খুদিংগী কার্বোন ইমিসন (carbon emission) তোন মিলিয়ন কুন্থ্রা (30 Million Tonnes)দগী হেন্না হন্থরক্কনি হায়না পানরি। হায়বদি সোলার পাৱর (Solar Power) অসি মহৌশাবু ঙাক-শেনবগী পাম্বৈ অমা ওইরক্লি। অমসুং মীয়াম্বু এম্পাৱরসু (Empower) তৌরি।

মরুপশিং,

মালেমদা পাৱর তান্নবগী লমজেল অসিদা, ভারতনা তোঙানবা মওং অমা পুদুনা চংশিল্লি। অমসুং দিকেদ অসি মসিগী শাখিনি।

মরুপশিং,

২১শুবা চহিচাগী দিকেদ অসি, মতম অমত্তা থোকখিদ্রিবা গ্লোবেল চেলেঞ্জশিং (Global challenges) পুদুনা লাক্লি। ঐখোয়না হৌখিবা চহি তরুক অসি য়েংলুরবদি, ঐখোয়না গ্লোবেল পেনদেমিক (global pandemic) উখ্রে, মখাতানা তোঙান-তোঙানবা লমশিংদা লাল হৌখ্রে, মসিদসু নত্তনা, ত্রেদ (trade) ওইরো, ক্রিতিকেল মিনরেলশিং (critical minerals) ওইরো নত্রগা ইনর্জী সপ্লাই (energy supply) ওইরো, মসিদসু অথিংবশিং লাক্লি। মালেম্না অৱাবা অমদগী থোক্নবা লম্বী থিরিঙৈদা, অনৌবা অৱাবা অমমুক  থোরক্লি। অমুক্তংদা মালেম অসিবু পুনশিনহল্লম্বা পোৎলমশিং, অদুমক ঙসি খুৎলায় (Weapon) ওইরক্লি। সপ্লাই চেনশিং (Supply Chains) ওইরো, ইনর্জী (Energy) ওইরো, মিনরেলশিং (Minerals) ওইরো, পেমেন্তশিং (Payments) ওইরো, নত্রগা তেক্নোলোজী (Technology) ওইরো, মসি অকি-অখং অমসুং নমথনবগী পাম্বৈ ওইরক্লি। হৌখিবা দিকেদশিংদা গ্লোবেলাইজেসন্না (globalisation) শেমখিবা মরমশিং অদু, কদাইদা অমসুং কদাইদা চোকপ্বাইন্তশিং (chokepoints) ওইরকপগে হায়বা অদু ঐখোয় পুম্নমক্না উরি। মসিগী মরক অসিদা, আর্তফিসিয়েল ইন্তেলিজেন্সনা (Artificial Intelligence), সেক্তর খুদিংমক্তা থবক তৌবগী মওং-মতৌশিং হোংহল্লি। লৈবাক কয়া অমদা, চহি য়ামশিল্লকপগা (Ageing) মরী লৈনবা চেলেঞ্জশিংসু থুনা হেনগৎলক্লি। ফিভম অসিদা, ঙসি মালেমগী মমাংদা লৈরিবা অচৌবা ৱাহংদি, থাজবগীনি (Trust)। থাজবা হায়বদি, মথৌ তাবা মতমদা সপ্লাই (Supply) লেপ্তনা লৈগনি হায়বা। থাজবা হায়বদি, তৌখিবা ৱাশকশিং অদু মঙফাওনহনগনি হায়বা। থাজবা হায়বদি, অৱাবা তারকপা মতমদা ঐখোয়গী পার্তনর কন্ত্রী (Partner Country)না ঐখোয়গা লোয়ননা লেপকনি হায়বা। অমসুং মফম অসিদা, ভারতনা তোঙানবা মওং অমা, তোঙানবা ৱাখল্লোন অমগা লোয়ননা ময়ামগী মমাংদা লেপ্লি।

মরুপশিং,

২১শুবা চহিচাদা, ভারতকী চাউখৎ-থৌরাং অসি, মীপুম খুদিংমক্কা পুন্না, মীপুম খুদিংমকপু পুন্না পুদুনা মাংলোমদা চংশিনবগী ৱারীনি। মালেমদা মমল হোংবা হিদাক-লাংথকশিং (Affordable Medicines) মথৌ তাবা মতমদা, জেনেরিক মেদিসিন (Generic Medicine) মঙাগী মনুংদা অমদি ভারত্তগী চৎলি। দিজিতেল আইদেন্তিতী (Digital Identity) অমসুং পেমেন্তশিংগী পাম্বৈশিং মথৌ তাবা মতমদা, ভারত্তা শেমগৎপা মোদেল (Model) উবা ফংই। মালেম্না তেলেন্ত (Talent) মথৌ তাবা মতমদা, ভারতকী হৈ-শিংলবা নহাশিংদা থাজবা থম্মী। ঙসি ভারত্তা গ্লোবেল কেপাবিলিতী সেন্তর (Global Capability Centres) ২০০০ দগী হেন্না লৈ, মদুনা মালেম শিনবা থুংবগী কম্পেনীশিংদা মখোয়গী সর্বিসশিং পীরি।

মরুপশিং,

মসি ময়েক শেংই মদুদি, মালেমদা অচেৎপা য়ুম্বী (Steady Pillar) অমা মথৌ তাবা মতম খুদিংমক্তা, ভারতনা মসিগী থৌদাং অদু খঙলদুনা মাংলোমদা চংশিল্লি। ঐখোয়না কনাগুম্বা অমগী খুদোংচাদবা ওইহন্দুনা চাউখৎপা নত্তে। ঐখোয়না মালেমগা লোয়ননা চাউখৎমিন্নৈ, অমসুং মালেমগীদমক চাউখৎলি।

অমসুং মরুপশিং,

ভারতনা তৌরিবা থবকশিং অদুগীদমক ক্রেদিত (credit) পামদে। মালেম্না চাউথোকচবগা লোয়ননা হায় মদুদি, ভারতনা মালেমদা জিরো (Zero) পীখি। জিরো অসিনা মীওইবা পুম্নমক্তা কান্নবা পীখি। অদুবু ভারতনা মসিগীদমক কৈদৌঙৈদসু রোয়েলতী (royalty) নিখিদে। অমসুং ঙসিসু ভারতনা ৱাখল্লোন অসিগা লোয়ননা থবক তৌরি। অমসুং ঙসিগী চেলেঞ্জশিংগা থেংননবা, ঐখোয়গী ৱাখল্লোনশিং অদুদা ৱাফম পুম্নমক উবা ফংই। পুৱারীদা গ্লোবেলগী ওইবা লুপ কয়া শেমখ্রে, মখোয়গী মশাগী ওইবা কান্নবশিং লৈরম্মি। অদুবু ভারতনা করম্বা মখলগী গ্লোবেল প্লেতফোর্মশিং (global platforms) শেমখিবগে, অদোমসু মীৎয়েং চংবীয়ু, ঐখোয়না করম্বা মখলগী লুপশিং শেমখিবগে, অমসুং মালেমদা করি থোকখিবগে, মদু অমুক্তং চাংদম্নদুনা য়েংবীয়ু। ঐখোয়না করি পীখি, ইন্তর্নেস্নেল সোলার এলাইন্স (International Solar Alliance), ঐখোয়না করি পীখি, কোলিসন ফোর দিজাস্তর রেজিলিয়েন্ত ইনফ্রাস্ত্রকচর (Coalition for Disaster Resilient Infrastructure), ঐখোয়না করি পীখি, বিগ কেত এলাইন্স (Big Cat Alliance), গ্লোবেল বাইওফ্যুএল এলাইন্স (Global Biofuel Alliance), ইন্দিয়া মিদল ইস্ত য়ুরোপ ইকোনোমিক কোরিদোর (India Middle East Europe Economic Corridor) - আই-মেক (IMEC), মিসন লাইফ (Mission LiFE) লাইফ স্তাইল ফোর ইনভাইরনমেন্ত (Lifestyle for Environment), হায়বদি মীপুম খুদিংমক্তা কান্নবা পীগদবা, পুন্সি খুদিংমক্তা কান্নবা পীগদবা, অসিগুম্বা খোঙথাংশিং ভারতনা লৌখৎখ্রে।

মরুপশিং,

ভারতনা করম্বা ৱাখল্লোনশিং পুদুনা মমাংদা থোরক্লিবগে হায়বা অদুসু ময়ামগী মমাংদা লৈরি। ৱান সন, ৱান ৱার্ল্দ, ৱান গ্রিদকী (One Sun, One World, One Grid) মঙলান। ৱান অর্থ, ৱান ফেমিলী, ৱান ফ্যুচর (One Earth, One Family, One Future), মসি ঐখোয়গী ৱাখল্লোননি। ৱান অর্থ, ৱান হেল্থ (One Earth, One Health), মসি ঐখোয়গী মাংজৌননা উবা ঙম্বা মীৎয়েংনি, হায়বদি ভারতনা পুনশিনবদা অমসুং শম্নবদা মীৎয়েং থম্মী। অমসুং মসিদসু, পাৱর (Power) শিজিন্নবা অসি অতৈবু এম্পাৱর (Empower) তৌনবা খক্তনি।

মরুপশিং,

থাজবা লৈতবা ফিভমশিংনা থল্লবা মালেম অসিদা ভারতনা, থাজবা য়াবা (reliability) অমসুং তংদু-লৈতাবা (stability) ফিভম অমগী থাজবা পীরি। চহি অসিগী এপ্রিল-জুন ক্বাতরদা (quarter), ভারতকী গ্রোথ রেত (growth rate) চাদা ৭.৮ (7.8%) ওইখি। অমসুং গ্রোথ অসি অচেৎপা য়ুম্ফম অমদা লেপ্লি। চহি ১২-১৩গী মমাংদা, ভারতকী করেন্ত একাউন্ত দেফিসিত (Current Account Deficit), জি.দি.পি. (GDP) গী চাদা মরী (4%) দগীসু হেনখি। মমাং চহিদা মসি হন্থরদুনা, চাউরাক্না তঙ্খায়রোম, হায়বদি চাদা ০.৬১ (0.61%) ওইখ্রে। ঙসি ঐখোয়গী ফোরেন এক্সচেঞ্জ রিজর্ব (Foreign Exchange Reserves), দোলর বিলিয়ন ৭০০ (700 Billion Dollar)দগী হেনখ্রে। ঐখোয়গী বেঙ্কিং সিস্তেম (Banking System), দিকেদ কয়াগী মনুংদা খ্বাইদগী চেৎপা ফিভমদা লৈরি।

মরুপশিং,

মপাঙ্গল কনবা অসিগী মহৈনা, ভারতকী সোভরেন রেতিংশিং (Sovereign ratings) অপগ্রেদ (Upgrade) তৌরি। ঙসি ভারতকী থাজবা (Confidence) অসি অহানবা ওইনা খ্বাইদগী ৱাংবা থাক্তা লৈরি। ঐখোয়না ময়েক শেংবা পোলিসী দাইরেক্সন (Policy Direction) অমগা লোয়ননা রিফোর্ম (Reform) তৌরি। জি.এস.তি. (GST)গী খুত্থাংদা, ঐখোয়না তেক্সকী (Taxes) য়াম্না কমপ্লেক্স ওইবা ৱেব অমা, নেস্নেল মার্কেত্তা (National Market) ওন্থোকখ্রে। ঐখোয়না ইন্সোলভেন্সী লো (Insolvency Law) শেমখ্রে। লেবর কোদ ২৯ (29 Labour codes), হৌজিক্তি অরাইবা কোদ ৪ (4 simple codes)দা পনশিনহনখ্রে। ললোন-ইতিক্কী (business) মরী লৈনবা অপিকপা অশোয়বশিং কয়া, দিক্রিমিনালাইজ (Decriminalise) তৌখ্রে। অমসুং ঐখোয় মফম অসিদা লেপখিদ্রি, ভারতকী রিফোর্ম এক্সপ্রেস (Reform express) য়াম্না থুনা মাংলোমদা চংশিল্লি। ঐখোয়গীদমক রিফোর্ম (Reforms) অসি, নামা শিনবা (compulsion) নত্তে। রিফোর্ম অসি ঐখোয়গী কনভিক্সননি (Conviction)।

মরুপশিং,

চহি লিশিং কয়াগী মমাংদা, ঐখোয়গী বেদশিংনা ঐখোয়দা লাইৱা অমা পীরম্মি, ‘সঙ্গচ্ছধ্বং সংবদধ্বং সং বো মনাংসি জানতাম।’ লাকউ, ঙসি অমুক হন্না লাইৱা অদু পল্লসি, ঐখোয় পুন্না চৎমিন্নশি (Let us walk together)। ঐখোয় পুন্না ৱারী শানমিন্নসি (Let us speak together)। ঐখোয় অমনা অমবু খঙননবা হোৎনমিন্নসি (Let us strive to understand one another)। মরমদি পুন্না চৎমিন্নবনা ঐখোয়গী শক্তি হেনগৎহল্লি। ৱারী শানবনা ঐখোয়গী খঙবা হেনগৎহল্লি। অমসুং অমনা অমবু খঙবনা, ঐখোয় পুন্না অচৌবা চেলেঞ্জশিংগী পাম্বৈ পুরকপা ঙমগনি। মসিদি পাৱর তু এম্পাৱরনি (Power to Empower)। মশাগী পাৱর অদু মশাগী চাউখৎ-থৌরাংদা খক্তা অকক্নবা ওইহন্দবা। অদুবু মসিদগী অতৈগীদমক্তসু অনৌবা খুদোংচাবশিং শেমবা। ঐহাক্না থাজৈ মদুদি ব্লুমবর্গ ইকোনোমিক ফোরমগী (Bloomberg Economic Forum) মফম অসি, ৱাখল্লোন অসি মাংলোমদা পুখৎনবগী অচৌবা প্লেতফোর্ম (Platform) অমা ওইরক্কনি। অমুক হন্না, পার্তিসিপেন্ত (Participants) পুম্নমকপু, থৌরম অসিগীদমক ঐহাক্কী য়াইফ-পাউজেল কয়া পীজরি। ময়াম পুম্নমকপু য়াম্না থাগৎচরি। থাগৎচরি (Thank you)।

*****