દેશી કોલસા આધારિત વીજ મથકો પર કોલસાનો સ્ટોક 29 સપ્ટેમ્બર 2026 થી 18 મિલિયન ટન (MT) થી ઉપર સ્થિર રહ્યો છે. 29 સપ્ટેમ્બરે સ્ટોક 18.932 MT હતો અને 10 ઓક્ટોબર 2026 ના રોજ 18.205 MT છે. આ સ્થિરતા વીજ મથકો પર દૈનિક વપરાશની સાથે કોલસાનો પુરવઠો કદમ મિલાવી રહ્યો હોવાનું દર્શાવે છે અને કટોકટીપૂર્ણ સ્ટોક ધરાવતા પ્લાન્ટ્સમાં પુરવઠાનું ઝીણવટપૂર્વક નિરીક્ષણ કરવામાં આવી રહ્યું છે, જેમાં પર્યાપ્ત પુરવઠો અને અવિરત વીજ ઉત્પાદન સુનિશ્ચિત કરવા માટે સંવેદનશીલ સ્ટેશનો પર જરૂરિયાત આધારિત કોલસાનું પુનઃવિતરણ કરવામાં આવી રહ્યું છે.

ઓક્ટોબર 2026 માં બે તારીખોએ સ્ટોકમાં વધારો નોંધાયો હતો:

• 2 ઓક્ટોબર 2026: 0.024 MT
• 10 ઓક્ટોબર 2026: 0.017 MT

સપ્ટેમ્બરની સરખામણીમાં ઓક્ટોબરમાં સ્ટોકમાં થતા ઘટાડાની ગતિ નોંધપાત્ર રીતે ધીમી પડી છે:

• સપ્ટેમ્બર 2026માં મહિના દરમિયાન સ્ટોકમાં આશરે 7.28 MTનો ઘટાડો થયો હતો, જે સરેરાશ પ્રતિદિન આશરે 0.24 MT હતો.
• ઓક્ટોબર 2026ના પ્રથમ 10 દિવસોમાં, સ્ટોકમાં કુલ મળીને માત્ર આશરે 0.56 MTનો ઘટાડો થયો હતો, જે સરેરાશ પ્રતિદિન આશરે 0.06 MT હતો.

ઉચ્ચ રેક લોડિંગે આ સુધારાને વેગ આપ્યો છે. વીજ ક્ષેત્ર માટે લોડ કરવામાં આવેલા રેક સપ્ટેમ્બર 2026માં દરરોજ સરેરાશ 426 રેક હતા, જેની સામે ઓક્ટોબર 2026માં (1–10 ઓક્ટોબર) દરરોજ સરેરાશ 469 રેક રહ્યા હતા, જે આશરે 10% નો વધારો છે. ઓક્ટોબરમાં દૈનિક રેક લોડિંગ 447 થી 482 રેકની વચ્ચે રહ્યું છે.

પરિણામે, સપ્ટેમ્બર 2026માં વીજ ક્ષેત્રને કોલસાનો વાસ્તવિક પુરવઠો દરરોજ સરેરાશ 2.21 MT હતો, જેની સામે ઓક્ટોબર 2026માં દરરોજ સરેરાશ 2.49 MT રહ્યો હતો. ઓક્ટોબર 26 (10.10.2026 સુધી)માં વાસ્તવિક કોલસાનો પુરવઠો પ્રતિદિન 2.37 MTના સપ્લાય પ્લાન કરતા વધારે છે, અને 10માંથી 9 દિવસ પુરવઠો પ્લાન કરતા વધી ગયો હતો.

મંત્રાલય થર્મલ વીજ મથકો પર પૂરતો કોલસાનો સ્ટોક જાળવી રાખવા માટે કોલ ઈન્ડિયા લિમિટેડ (CIL), SCCL, રેલવે મંત્રાલય અને પાવર યુટિલિટીઝ સાથે સતત કોલસાના નિકાલ અને પુરવઠાને સુનિશ્ચિત કરવા માટે ગાઢ સંકલનમાં કામ કરવાનું ચાલુ રાખે છે. કોલસા મંત્રાલય કોલસાના કાર્યક્ષમ પરિવહનને સુગમ બનાવવામાં ભારતીય રેલવેના સતત સહયોગ અને વ્યાવસાયિક પ્રતિબદ્ધતાની યોગ્ય રીતે સરાહના કરે છે અને પ્રશંસા કરે છે.

 

SM/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2322071) મુલાકાતી સંખ્યા : 15