প্রধানমন্ত্রীগী লোইশঙ
পি.এম.না ওক্তোবর ৯দা নুপী অমসুং অঙাংশিংগী চাউখৎ থৌরাংগী মতাংদা পাংথোকপা দিপার্তমেন্তেল সমিৎকী ভেলেদিক্তরী সেসন্দা শরুক য়াগনি
সমিৎ অসিনা ন্যুত্রিসন, ঙন্না মহৈ তম্বা হৌবা, অঙাংশিংবু ঙাক শেনবা, নুপীবু শাফহনবা অমসুং পাঙ্গল হাপ্পগী হীরমশিংদা মিৎয়েং চঙগনি
থাগৎখিবা:
08 OCT 2026 4:44PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬গী ওক্তোবর ৯দা নুমিদাংৱাইরম পুং ৪.৩০ রোম তাবদা সুশ্মা স্বরাজ ভবন, নই দিল্লীদা নুপী অমসুং অঙাংশিংগী চাউখৎ থৌরাংগী দিপার্তমেন্তেল সম্মিৎকী লোইশিনবগী মীফমদা শরুক য়াগনি। থৌরম অদুদা মহাক্না মীয়ামদা ৱা ঙাংগনি।
২০২৬গী ওক্তোবর ৮-৯দা পাংথোক্কদৌরিবা নুমিৎ অনিগী দিপার্তমেন্তেল সমিৎ অসিদা রাজনিতীগী লুচিংবশিং অমসুং রাজ্য পুম্নমক্তগী নুপী অমসুং অঙাং চাউখৎপগী সেক্তরগা মরী লৈনবা ওফিসিএলশিংনা শরুক য়াগনি। প্রধান মন্ত্রীনা কোওপরেতিব ফেদরেলিজম মপাঙ্গল কনখৎহন্নবা, নেস্নেল প্রাইওরিতিশিংদা কোলেক্তিব ওনরশিপ পুক্নিং থৌগৎনবা অমসুং কেন্দ্র-রাজ্যগী মরক্তা হেন্না নকশিন্ননা তেংবাং পীনদুনা মহৈ-মশিং তপথহন্নবা পাংথোকপা দিপার্তমেন্তেল সম্মিতশিংগী পরিং অসিদা মসিনা অনিশুবনি।
মীফম অসিনা হীরম মরিদা মীৎয়েং থমগনি:
১. হেন্না ফবা ন্যুত্রিসন অমসুং অঙনবা মতমগী এজুকেসনগীদমক অঙ্গনৱাদি সেন্তরশিং অমুক হন্না শেমগৎপা
২. লায়রবা অঙাংশীংগী প্রোতেক্সন সিস্তেম মপাঙ্গল কনখৎহনবা
৩. ইন্সতিত্যুস্নেল অমসুং লেজিস্লেতিব ফ্রেমৱার্কশিং ইফেক্তিব ওইনা ইমপ্লিমেন্ত তৌদুনা নুপীশিংগী সেফতী
৪. মরুওইবা স্কিমশিংগী ইফেক্তিবিতী অমসুং আউতলেৎশিং হেনগৎহন্দুনা নুপীশিংগী শক্তি লৈহনবা।
দিপার্তমেন্তেল সমিত মোদেলনা কেন্দ্র অমসুং রাজ্য সরকারশিংগী স্তেকহোল্দরশিংবু সেক্তরগী ওইবা অহানবা থাক্তা খন্ন-নৈননবা, অফবা থবকশিং শেয়র তৌনবা, ইমপ্লিমেন্তেসনগী শিংনবশিং কোকহন্নবা অমসুং গবর্নান্স অমসুং সর্ভিস দেলিভরী ফগৎহন্নবগীদমক মতম চানা লৌখৎকদবা থবকশিং য়ানবা পুন্সিল্লি।
***
(রিলিজ আই.দি.: 2321198)
ভিজিতর কাউন্তর : 5
রিলিজ অসি মসিদা পাবীয়ু:
Bengali
,
Assamese
,
English
,
Urdu
,
हिन्दी
,
Marathi
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam