نیشنل انسٹی ٹیوٹ آف نیچروپیتھی ( این آئی این) حکومت ہند کے تحت آیوش کی وزارت نے تعلیمی سیشن 27-2026 کے لیے بیچلر آف نیچروپیتھی اینڈ یوگک سائنسز ( بی این وائی ایس) پروگرام میں داخلے کے لیے درخواستیں طلب کی ہیں ۔ یہ پروگرام پونے کے یِولے واڑی میں واقع ادارے کے اہم مرکز نِسَرگ گرام میں کرایا جائے گا۔

آیوش کی وزارت کے تحت ایک خودمختار ادارے کے طور پر این آئی این صحت کی دیکھ بھال، تعلیم، تربیت اور تحقیق کے ذریعے نیچروپیتھی اور یوگا کو فروغ دے کر مہاتما گاندھی کی وراثت اور وژن کو آگے بڑھا رہا ہے۔ این آئی این ملک کا پہلا مرکزی سرکاری ادارہ ہے جو مرکزی یونیورسٹی، شری لال بہادر شاستری نیشنل سنسکرت یونیورسٹی، نئی دہلی سے الحاق کے ساتھ بی این وائی ایس پروگرام پیش کر رہا ہے۔ یہ نیچروپیتھی اور یوگا میں ادارہ جاتی تعلیم اور تعلیمی معیار کو مضبوط بنانے کی سمت میں ایک اہم سنگ میل ہے۔

ساڑھے پانچ سالہ کل وقتی رہائشی بی این وائی ایس پروگرام میں ساڑھے چار سال کی تعلیمی اور کلینیکل تربیت شامل ہے، جس کے بعد ایک سال کی لازمی روٹیٹری رہائشی انٹرن شپ (سی آر آر  آئی) ہوگی۔ اس پروگرام میں نیچروپیتھی اور یوگا کے شعبے میں جامع تعلیمی تعلیم کے ساتھ وسیع کلینیکل تجربہ بھی فراہم کیا جائے گا۔ تعلیمی سال 2026-27 کے لیے کل 100 نشستیں پیش کی جا رہی ہیں۔

تسلیم شدہ تعلیمی بورڈ سے طبیعیات، کیمیا، حیاتیات (پی سی بی) اور انگریزی مضامین کے ساتھ 2+10 یا اس کے مساوی امتحان پاس کرنے والے اور مقررہ اہلیت اور طبی صحت کے تقاضوں کو پورا کرنے والے امیدوار درخواست دینے کے اہل ہیں۔ ان امیدواروں کو ترجیح دی جائے گی جنہوں نے این ای ای ٹی-یو جی 2026 کا امتحان دیا ہے۔ باقی ماندہ خالی نشستیں مقررہ داخلہ طریقۂ کار اور ریزرویشن کے ضوابط کے مطابق 2+10 میں پی سی بی کے نمبروں کی بنیاد پر پُر کی جائیں گی۔

اس کا نمایاں نِسَرگ گرام کیمپس 25 ایکڑ رقبے پر پھیلا ہوا ہے، جہاں 250 بستروں پر مشتمل نیچروپیتھی اسپتال، تعلیمی اور تحقیقی سہولیات، لڑکے اور لڑکیوں کے لیے الگ الگ رہائشی ہاسٹل، جدید ترین یوگا ہال اور نیچروپیتھی کے علاج کی جدید سہولیات موجود ہیں۔ یہ کیمپس تعلیم، کلینیکل تربیت، تحقیق اور صحت و تندرستی کے لیے ایک مربوط ماحول فراہم کرتا ہے۔

آن لائن درخواست دینے کا عمل 29 ستمبر 2026 کو شروع ہو چکا ہے اور 19 اکتوبر 2026 کو شام 5 بجے بند ہو جائے گا۔ عارضی میرٹ لسٹ 27 اکتوبر 2026 کو جاری کیے جانے کی توقع ہے، جس کے بعد حتمی میرٹ/انتظار کی فہرست 30 اکتوبر 2026 کو جاری کی جائے گی۔ کونسلنگ 12-13 نومبر اور 18-19 نومبر 2026 کو منعقد کی جائے گی، جبکہ کلاسز 30 نومبر 2026 سے شروع ہونے کی توقع ہے۔

تفصیلی پروسپیکٹس، فیس اسٹرکچر اور درخواست سے متعلق معلومات این آئی این کی ویب سائٹ پر دستیاب ہیں: www.ninpune.ayush.gov.in۔

ایڈمیشن  ہیلپ لائن: +91 7965220180, 9511693564

ای میل: admissions@bnysnin.in

********

) ش ح ۔ ش آ۔ش ت)

U.No. 4750

(ریلیز آئی ڈی: 2320053) وزیٹر کاؤنٹر : 8