નેશનલ ઇન્સ્ટિટ્યૂટ ઓફ નેચરોપેથી (NIN), આયુષ મંત્રાલય, ભારત સરકાર દ્વારા તેના ફ્લેગશિપ નિસર્ગ ગ્રામ કેમ્પસ, યેવલેવાડી, પુણે ખાતે શૈક્ષણિક સત્ર 2026–27 માટે બેચલર ઓફ નેચરોપથી એન્ડ યોગિક સાયન્સિસ (BNYS) પ્રોગ્રામમાં પ્રવેશ માટે અરજીઓ આમંત્રિત કરવામાં આવી છે.

NIN, આયુષ મંત્રાલય હેઠળની એક સ્વાયત્ત સંસ્થા, આરોગ્ય સંભાળ, શિક્ષણ, તાલીમ અને સંશોધન દ્વારા નેચરોપેથી અને યોગને પ્રોત્સાહન આપીને મહાત્મા ગાંધીના વારસા અને વિઝનને આગળ ધપાવી રહી છે. NIN એ દેશની પ્રથમ કેન્દ્રીય સરકારી સંસ્થા છે જે કેન્દ્રીય વિશ્વવિદ્યાલય, શ્રી લાલ બહાદુર શાસ્ત્રી નેશનલ સંસ્કૃત યુનિવર્સિટી, નવી દિલ્હી સાથે સંલગ્નતામાં BNYS પ્રોગ્રામ ઓફર કરે છે. આ નેચરોપેથી અને યોગમાં સંસ્થાકીય શિક્ષણ અને શૈક્ષણિક ધોરણોને મજબૂત કરવામાં એક મહત્વપૂર્ણ માઇલસ્ટોન દર્શાવે છે.

5½-વર્ષના આ પૂર્ણ-સમયના નિવાસી BNYS પ્રોગ્રામમાં 4½ વર્ષની શૈક્ષણિક અને ક્લિનિકલ તાલીમનો સમાવેશ થાય છે, ત્યારબાદ એક વર્ષની ફરજિયાત રોટેટરી રેનેશનલ ઇન્સ્ટિટ્યૂટ ઓફ નેચરોપથી, પુણે દ્વારા શૈક્ષણિક સત્ર 2026–27 માટે BNYS ડિગ્રી પ્રોગ્રામ માટે અરજીઓ આમંત્રિત કરવામાં આવી છે.

જે ઉમેદવારોએ માન્ય બોર્ડમાંથી ફિઝિક્સ, કેમિસ્ટ્રી, બાયોલોજી (PCB) અને અંગ્રેજી સાથે 10+2 અથવા સમકક્ષ પરીક્ષા પાસ કરી હોય અને નિર્ધારિત પાત્રતા અને તબીબી યોગ્યતાની જરૂરિયાતો પૂર્ણ કરતા હોય તેઓ અરજી કરવા માટે પાત્ર છે. NEET-UG 2026 માં ઉપસ્થિત રહ્યા હોય તેવા ઉમેદવારોને પ્રાધાન્ય આપવામાં આવશે. બાકી રહેલી કોઈપણ ખાલી બેઠકો નિર્ધારિત પ્રવેશ પ્રક્રિયા અને અનામત નિયમો અનુસાર 10+2 PCB મેરિટના આધારે ભરવામાં આવશે.

25 એકરમાં ફેલાયેલું ફ્લેગશિપ નિસર્ગ ગ્રામ કેમ્પસ 250 બેડની નેચરોપેથી હોસ્પિટલ, શૈક્ષણિક અને સંશોધન સુવિધાઓ, છોકરાઓ અને છોકરીઓ માટે અલગ રહેણાંક હોસ્ટેલ, અત્યાધુનિક યોગ હોલ અને આધુનિક નેચરોપથી સારવાર માળખાકીય સુવિધાઓ ધરાવે છે. કેમ્પસ શિક્ષણ, ક્લિનિકલ તાલીમ, સંશોધન અને સુખાકારી માટે એક સંકલિત વાતાવરણ પૂરું પાડે છે.

ઓનલાઈન અરજી પ્રક્રિયા 29 સપ્ટેમ્બર 2026ના રોજ શરૂ થઈ ગઈ છે અને 19 ઓક્ટોબર 2026ના રોજ સાંજે 5:00 વાગ્યે બંધ થશે. પ્રોવિઝનલ મેરિટ લિસ્ટ 27 ઓક્ટોબર 2026ના રોજ જાહેર કરવાનું નિર્ધારિત છે, ત્યારબાદ 30 ઓક્ટોબર 2026ના રોજ આખરી મેરિટ/વેઇટિંગ લિસ્ટ જાહેર કરવામાં આવશે. કાઉન્સેલિંગ 12–13 નવેમ્બર અને 18–19 નવેમ્બર 2026ના રોજ યોજાવાનું નિર્ધારિત છે, જ્યારે વર્ગો 30 નવેમ્બર 2026થી શરૂ થવાનું નિર્ધારિત છે.

વિગતવાર પ્રોસ્પેક્ટસ, ફી માળખું અને અરજીની વિગતો NIN વેબસાઇટ પર ઉપલબ્ધ છે: www.ninpune.ayush.gov.in.

એડમિશન હેલ્પલાઇન: +91 7965220180, 9511693564 
ઈમેલ: admission@bnysnin.in

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad