30 ستمبر 2026 کو، جاپان کے سفیر برائے بھارت، عزت مآب جناب کیچی اونو اور اُس وقت کے سکریٹری (ایم او ای ایف سی سی)، جناب تنمے کمار نے نئی دہلی میں بھارت-جاپان مشترکہ کریڈٹنگ میکانزم (جے سی ایم) کے لیے آپریشنل مینوئل کا مشترکہ طور پر اِفتتاح کیا۔

بھارت اور جاپان کے درمیان مشترکہ کریڈٹنگ میکانزم کا مقصد جدید کم کاربن ٹیکنالوجیز کی تعیناتی کو فروغ دینا، آب و ہوا کی مالیات کو متحرک کرنا، ٹیکنالوجی کے تعاون کو آسان بنانا اور بھارت میں اعلیٰ سالمیت کے اخراج میں کمی اور ہٹانے کی حمایت کرنا ہے۔ یہ میکانزم بین الاقوامی کاربن مارکیٹوں میں اعتماد اور شفافیت کو مضبوط کرتے ہوئے بھارت میں پائیدار ترقی میں اپنا حصہ ڈالے گا۔

اس مینوئل کا اِفتتاح پیرس معاہدے کے آرٹیکل 6.2 کے تحت بھارت اور جاپان کے درمیان دو طرفہ تعاون کو عملی جامہ پہنانے میں ایک اہم سنگ میل کی نشان دہی کرتا ہے، جو 7 اگست 2025 کو مفاہمت نامہ (ایم او سی) پر دستخط اور 8 جون 2026 کو نفاذ کے اصول (آر او آئی) کو اپنانے کے بعد کیا گیا ہے۔

یہ پیش رفت ادارہ جاتی تیاری سے نفاذ کی طرف منتقلی کا اشارہ دیتی ہے اور بھارت-جاپان جے سی ایم کے تحت سرگرمیوں کو نافذ کرنے کے لیے ایک واضح، شفاف اور جامع طریقہ کار کا فریم ورک قائم کرتی ہے۔ یہ مینوئل پروجیکٹ آئیڈیا نوٹ جمع کرانے سے لے کر جے سی ایم کریڈٹس کے اجراء اور اجازت تک پورے پروجیکٹ سائیکل کا احاطہ کرنے والے تفصیلی طریقہ کار فراہم کرتا ہے۔

***

(ش ح - ع ا)

U.No. 4670

(ریلیز آئی ڈی: 2319402) وزیٹر کاؤنٹر : 10