Ha ka sngi ba rakhe ia ka Gandhi Jayanti, la pynlong ia ki Special Gram Sabha ha kylleng ka ri, ha kaba palat 2.42 lak tylli ki Special Gram Sabha la pynlong ha ka GPDP Portal (https://gpdp.nic.in) bad ka Panchayat NIRNAY Portal (https://meetingonline.gov.in). Kine ki Gram Sabha ki la sakhi ia ka jingiashim bynta kaba shit rhem bad kaba radbah jong ki nongshong shnong, ki nongmihkhmat, ki nongtrei jong ki Panchayat bad ki heh sorkar. Kine ki Special Gram Sabha ki la long ruh ka dak jong ka jingsdang jong ka People’s Plan Campaign 2026-27, “Sabki Yojana, Sabka Vikas”, ha kaba ki Panchayat kin pynkhreh ïa ki Panchayat Development Plan jong ki na ka bynta u snem mang tyngka 2027-28. Ha kine ki 2.42 lak tylli ki Gram Sabha ba kyrpang, ki skhim bad ki sienjam ba prat lynti jong ka Sorkar India, kata na ka Tnat Panchayati Raj; Rural Development; ka Tnat Drinking Water and Sanitation; ka Tnat Consumer Affairs; ka Tnat Food and Public Distribution; ka Tnat Water Resources, River Development and Ganga Rejuvenation; bad ka Tnat Land Resources; bad la don ha ka bynta ba pdeng jong ki jingiakren.

Ki Gram Sabha ba kyrpang ki la ai ia ki nongshong shnong nongkyndong ia ka lad ban iashim bynta ha ki jingiakren halor ki jingthmu ba kongsan jong ka sorkar bad ki mat kiba iadei bad ka thain. Ki jingiakren ki kynthup ia ka jingpynkhlain ia ka jingai bor jong ka Central Finance Commission sha ki Panchayat, ka jingshaniah ha ka liang ka pisa tyngka lyngba ka khajna, ka hok longtrai bad jaka, ka jingpynthikna ia ka kam bad ka jingim, ka um dih kaba khuid bad ka jingkhuid jingsuba, ka jingpynbiang ia ka ioh ka kot na ka bynta ki kynthei, ka jingpynbiang ia ka ioh ka kot, ka jingbam, ka jingiada ia ki nongthied jingthied bad ka jingpynkupbor ia ki kynthei ha ki kam pisa ha ryngkat kiwei kiwei ki bynta. La pule bad pyrkhat ia ki agenda bad ki jingpynsngewthuh kiba pynpaw ia ki jingthmu ba kongsan jong ka sorkar, kynthup ia ki jingpynkylla ha ka rukom synshar ba wanrah jingkylla bad ki lad ki lynti kiba pynshong nongrim ha ki nongshong shnong ba la shim ha kine ki shiphew snem ba la dep. Ki nongshong shnong, ki nongmihkhmat, ki nongtrei jong ki Panchayat bad ki heh sorkar ki la ïashim bynta shitrhem, da kaba batai shaphang ki jingshem, ki jingïohi bad ki jingai jingmut jong ki, ki ban ïarap ban pynriewspah ïa ki jingpynkhreh jong ki Gram Panchayat ban wanrah ia ka roi ka par. Ia ka jingpyniaid ia kine ki Gram Sabha ba kyrpang ha ka ri baroh kawei la kyrshan da ka jingpyrshang ba iatreilang jong ki Tnad Sorkar, ryngkat bad ki nongtrei jong ki bad ki nongtrei mon sngewbha jong ka MY Bharat. Ka jingiatreilang jong ki ha ki Jylla, District, Block bad Gram Panchayat ka la iarap ban pynsuk ia ka jingiakren kaba don jingmut halor ki skhim bad ki jingthmu kiba pynshong nongrim ha ki nongshong shnong, katba ka dang pynkhlain ia ka Jan Bhagidari bad ka Samvaad ha ki shnong. Da kaba shim ïa ka rukom treikam jong ka sorkar baroh kawei, u Dr. Vineet Joshi, Secretary ka atnat Panchayati Raj, ha ryngkat kiwei kiwei ki ophisar jong ka Tnat bad kiwei kiwei ki Tnat Sorkar India kiba iatrei lang  ki la iakren man ka por bad ki ophisar na ki Jylla bad Union Territory baroh shi sngi, ha kaba ki la peit ia ka jingpyniaid ia ki Special Gram Sabha ha kylleng ka ri bad ki la plie lad ia ka jingiatreilang hapdeng ka Sorkar Pdeng bad ki Sorkar Jylla.  Ki sienjam jong ki Jylla bad ki Union Territory, ba la kyrrshan lang da ka Tnat Panchayati Raj, ki bor pyniaid distrik bad ki nongtrei, ki la pynthikna ia ka jingiaid beit iaid ryntih jong kane ka prokram ha kylleng ka ri ha ka jingiar kaba ym pat ju iohi mynno mynno ruh.

People’s Plan Campaign 2026-27 ‘Sabki Yojana, Sabka Vikas’

Ka People’s Plan Campaign, ba la ïalam da ka Tnat Panchayati Raj ryngkat ka jingïatreilang bad ki 21 tylli ki Tnad jong ka Sorkar India, ka pyni ïa ka rukom treikam jong ka Sorkar Baroh Kawei hapoh ka jingïalam jong u Myntri Rangbahduh ka ri u Narendra Modi. Ka Tnat ka la pyntreikam ïa ka People’s Plan Campaign ha baroh ki Jylla bad ki Union Territory naduh u snem 2018 ban plie lad ïa ki Panchayat ban pynkhreh ïa ki plan kiba pynshong nongrim ha ki sakhi sabut, kiba pura bad kiba ïashim bynta lang. Hapoh ka Rashtriya Gram Swaraj Abhiyan, ka tnad ka kyrshan ia ka jinghikai bad ka jingpynkhlain bor ha kylleng ki khyndai tylli ki phang pdeng jong ka roi ka par ha ki thain. Palat 2.55 lak tylli ki Gram Panchayat ki pynkhreh ïa ki Gram Panchayat Development Plan bad buh ïa ki ha ka rynsan eGramSwaraj, katba ka Panchayat Advancement Index ka ïarap ïa kawei pa kawei ka Gram Panchayat ban ithuh ïa ki jingjop bad ki jingduna jong ka. Halor kane ka nongrim, ka Gram Sabha ka lah ban shim ïa ka Sankalp halor ki bynta ba donkam eh, ban pynïaid shakhmat ïa ka Jingpyntreikam ha ki jaka ïa ki thong jong ka roi ka par ba iaineh bad ka jingthmu jong ka Viksit Bharat.

Ki jingpynkylla bad ki jingjop ba kongsan ba la wanrah ha ki Special Gram Sabha

Ki Panchayat kiba la pynkupbor bad kiba lah ban Shaniah ha lade (Ka Tnat Panchayati Raj). Ka Sixteenth Finance Commission ka la ai jingmut ban ai pisa T 4,35,236 klur na ka bynta ki Rural Local Body na ka bynta u snem 2026-31, kaba kiew haduh 84 percent ban ia kaba la ai ha ka Fifteenth Finance Commission, ha kaba ka annual per capita grant ka la kiew na kumba T 400 sha jan T 950. Ka SAMARTH Panchayat Portal ka la pynrung kyrteng palat 57 lak ki nongsiew khajna bad 15 lak ki jaka, bad ka khusnam Atma Nirbhar Panchayat Special Award ka ai ki jingmyntoi kiba haduh T 1 klur. Ki jingkheiñ jingdiah jong ki Panchayat mynta ki bud ïa ka rukom treikam ba don hynriew kyrdan ba la pyndonkam da ka Sorkar Pdeng bad ki Sorkar Jylla, bad palat 2.5 lak tylli ki jaka treikam jong ki Panchayati Raj ki la ïasoh bad ka AuditOnline system. Hapoh ka skhim Survey of Villages Abadi and Mapping with Improvised Technology in Village Areas (SVAMITVA), la pynmih 3.33 klur ki kard jaka na ka bynta 2.06 lak tylli ki shnong, da kaba ai ram kumba T 1,713 klur kiba la mynjur bad ka jingithuh ia ki kynthei kum ki trai jaka.

Ka Jingioh kam bad ki lad kamai ja kpoh (Department of Rural Development). Ka Viksit Bharat Guarantee and Rozgar and Ajeevika Mission (Gramin), kaba treikam naduh ka 1 tarik u Naitung 2026, ka kular iban ai ka bylla sngi 125 sngi man la u snem mang pisa sha ki longiing nongkyndong kiba dei hok ban ioh, ryngkat ka jingbuh jingtip shaphang ka jingwan bylla lyngba ka Face Authentication bad ki jingai jingsiew lyngba ki lad digital. La pynmih ia ki sngi bylla na ka bynta palat 31.69 klur ngut ki briew, palat 2.81 klur ki nongtrei na kumba 2.23 klur ki longïing ki la ïoh kam ïoh jam, bad ki kam ki dang ïaid shakhmat ha jan 2.31 lak tylli ki Gram Panchayat. Ka jingmang pisa shipor kaba T 93,841 klur ka dei kaba la mang na ka bynta ki Jylla bad ki Union Territory na ka bynta u snem 2026-27, bad ka Viksit Gram Panchayat Plan ka plie lad ïa ki Gram Sabha ban jied ïa ki kam katkum ki jingdonkam ha ka thaiñ.

Ka umdih kaba shngain bad ka jingkhuid jingsuba (Ka Tnat Drinking Water and Sanitation). Hapoh ka Jal Jeevan Mission, ka jingpynpoi um kor ha ki jaka nongkyndong ka la kiew na kumba 3.23 klur tylli ki longing (17 percent) sha palat 16 klur (palat 80 percent), bad la pynpaw ruh ia ka Jal Arpan, ka jingaiti ia ki skhim sam um ba la pyndep sha ki Gram Panchayat bad ki shnong ki thaw. Hapoh ka Swachh Bharat Mission (Grameen), la shna 12.22 klur tylli ki paiñkhana ha ki ïing bad palat 5.25 lak tylli ki shnong (89.6 per cent) ki la pynbna ïalade kum ki Open Defecation Free Plus (Model). La ïakren shaphang ki kyndon Solid Waste Management Rules, 2026 ha ki jingïalang gram sabha, katba ka Swachhata Hi Seva 2026 ka dang kut.

Ka Jingshngain ha kaba iadei bad ka Um (Ka Tnat Water Resources, River Development and Ganga Rejuvenation). Lyngba ka Jal Sanchay Jan Bhagidari: Catch the Rain, la shna palat 1.55 klur tylli ki jaka pyndap um bad buh um da kaba iashim bynta lang ki paidbah, bad ha ka jingpeit ia ka jingktah jong ka bynta ba nyngkong la antad ba ka jingpyndap um kaba don hapoh khyndew kan long 2.43 billion cubic metre. Ki kyndon kyntiew ia ki wah ba la pynkylla thymmai ki la kyntiew ia ka pisa sha ka T 22,000 shi hectare ha ki jaka madan bad T 28,000 ha ki jaka lum bad ki jaka ba eh ban poi, bad la pynduna ia ka por jong ka projek na ka hynniew sha ka san snem. Ki kam Gram Sabha hapoh ka Catch the Rain ki la pynleit jingmut ha kaba pynsngewthuh shaphang ka jinglum ia ka um slap, ka jingpyndap biang ia ka um kaba don hapoh khyndew bad ka jingpynneh pynsah ia ka um ba la ialam da ki paidbah. Ki nongshong shnong, ki nongmihkhmat jong ka Panchayati Raj bad ki heh jong ka district ki la ïashim bynta shitrhem ha kane ka prokram, ha kaba la pynïaid ïa ki jingialam lynti ha kaba iadei bad ki teknoloji, ka jingpyni ïa ki video pynsngewthuh, ka jingthung dieng bad ki kam Shramdaan, ha ryngkat ka jingpynïaid ïa ka Jal Shapath. La pynsawa bad pyni ruh ia ka Jingrwai Catch the Rain (CTR) ban pynskhem ia ka khubor ban pynneh pynsah ia kawei pa kawei ka jingjaw um slap bad ban pynlong ia ka jingtreilang na ka bynta ka jingpyndonkam ia ka um ha ka rukom kaba lah ban iaineh.

Ka Jingshngain ha ki mar bam bad ka jingiada ia ki nongthied jingthied (Ki Tnat Food and Public Distribution, bad Consumer Affairs). Hapoh ka One Nation One Ration Card, kumba 3.27 klur ki jingai jingsiew ki jia man la u bnai, bad ka Pradhan Mantri Garib Kalyan Anna Yojana ka ai khaw khlem jingsiew sha 81.35 klur ngut ki nongioh jingmyntoi, ia kaba la pynjlan haduh u snem 2028. Ka National Consumer Helpline, kaba lah ban ioh ha ki 17 jait ki ktien, ka la ioh 3,42,371 tylli ki jingphone ha u Nailar 2026 haba ianujor bad ki 78,477 tylli ki jingphone ha u Nailar 2019, bad ka la plie lad ia ka jingpynphai pisa kaba palat T 105 klur naduh u Iaiong 2025. Ka rynsan e-Jagriti ka la pyndep palat 2.55 lak na ki 2.81 lak tylli ki case bad ka la ïoh ïa ka khusnam Silver Award ha ka National Award for e-Governance 2026.

Ki kot khyndew lyngba ki lad Digital (Ka Tnat Land Resources). Hapoh ka Digital India Land Records Modernization Programme, 99.90 per cent ki Record of Rights bad 97.4 per cent ki Cadastral Map ki dei kiba la pynkylla digital. Ki nongshong shnong ha ki 31 tylli ki Jylla bad ki Union Territory ki lah ban ioh ia ki kot jaka online, bad ha ki 24 tylli ki jylla/UT ki lah ban shim ia ki kot ba la soi da ki lad digital, kaba iada ia ki trai na ki jingpynkylla thok bad pynsuk ban ioh ia ka ram.

Ka Jingai jingtip bad kiwei kiwei ki sienjam ba kongsan ha ka ri

Katto katne ki Tnad Sorkar ki la ai ka jingkyrshan kaba kordor ha kaba pynthikna ia ka jingpynsngewthuh ha ki shnong. Ka tnad kam pohiing ka la pynsuk ia ka jingpynsngewthuh halor ki ain pynshitom ia ki kam bein kiba thymmai, kata ka Bharatiya Nyaya Sanhita, ka Bharatiya Nagarik Suraksha Sanhita bad ka Bharatiya Sakshya Adhiniyam; ka Tnat Kam Iaterilang halor ka Jingkylla Digital bad Jingpynkhlain ia ki Kam Iatreilang,; Ka Tnat Women and Child Development halor ka Bal Vivah Mukt Bharat; bad ka Tnat Social Justice and Empowerment halor ka Nasha Mukt Bharat Abhiyan na ka bynta ki shnong kiba shngain, kiba koi tba khiah bad kiba lait na ka jingshongkha jong ki khynnah bad ka jingpyndonkam ia ki drok. Kine ki Special Gram Sabha ki la pynskhem biang ia ka Gram Sabha kum ka nongrim jong ka synshar paidbah kaba iashim bynta lang bad ka jingsynshar shnong. Ka tnat Panchayati Raj ka khmih lynti ban pynkhreh ia ki Panchayat Development Plan kiba pynshong nongrim ha ki paidbah na ka bynta u snem 2027-28 hapoh ka People’s Plan Campaign, na ka bynta ka jingtei ia ki Sashakt, Atmanirbhar bad Viksit Panchayat ha ka sienjam kaba kham heh jong ka Viksit Bharat.

Ban ioh jingtip shaphang ki jingpynkylla bad ki Tnat ba Iashim bynta: Shon hangne

***