প্রধান মন্ত্রী শ্রী নরেন্দ্র মোদীনা লুচিংবা কেবিনেত কমিতী ওন ইকোনোমিক এফিয়র্স (সি.সি.ই.এ.) না ২০২৭-২৮গী মার্কেতিং সিজনগীদমক রবি মহৈ-মরোং পুম্নমক্কীদমক মিনিমম সপোর্ত প্রাইস (এম.এস.পি.) হেনগৎনবা অয়াবা পীখ্রে।

সরকারনা লৌমীশিংদা মখোয়গী পোত্থোকশিংগীদমক অচঙবা মমলশিং ফংহন্নবা  রবি মহৈ-মরোংশিংগী মার্কেতিং সিজন ২০২৭-২৮গীদমক মিনিমম সপোর্ত প্রাইস (এম.এস.পি.) হেনগৎহনখ্রে। এম.এস.পি.দা খ্বাইদগী ৱাংনা হেনগৎলকপা অসি সেফ্লাৱরগী ওইনা ক্বিন্তল অমদা লুপা ৬৭৫ ওইখি। মসিগী মতুংদা রেপসীদ অমসুং মস্তার্দকী ওইনা ক্বিন্তল অমদা লুপা ৪১৩ ওইখি। লেন্তিল (মসুর), বার্লি, গ্রাম অমসুং গেহুগী ওইনা মথংশিৎনা ক্বিন্তল অমদা লুপা ৩৯০ ক্বিন্তল অমদা লুপা ১৩৬, ক্বিন্তল অমদা লুপা ৮৩ অমসুং ক্বিন্তল অমদা লুপা ২৫ হেনগৎলে।

মার্কেতিং সিজন ২০২৭-২৮গীদমক রবি মহৈ-মরোং পুম্নমক্কী মিনিমম সপোর্ত প্রাইস

(ক্বিনতেল অমদা লুপা করোর)

*শেল চঙলিবশিং অসিদা লৌমীগী শিন্মী নেকপদা চংবা শেল, শন ইরোই ৱাইবা/মেছিনগী, লম ৱাইবগী শেল, মরু মরাং, ফর্তিলাইজর, ইরিগেসন চার্জশিং, খুৎলাইশিং অমসুং ফার্ম বিল্দিংশিংগী  শেনফম, থবক শুফমগী শেনফম, পম্প সেৎশিং মথৌ তৌহন্নবগীদমক দিজেল/ইলেক্ত্রিসিতি অসিনচিংবা, তোঙান তোঙানবা শেনফমশিং অমসুং ইমুং মনুংগী শিন্মীগী ইম্পুত ভেল্যু য়াওরি।

২০২৭-২৮গী মার্কেতিং সিজনগীদমক রবি মহৈ-মরোংশিংগী এম.এস.পি.গী হেনগৎলকপা অসি য়ুনিয়ন বজেৎ ২০১৮-১৯দা এম.এস.পি. অসি ওল-ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা শরুক ১.৫ ওইগনি হায়না লাউথোকখিবা অদুগা চুননা চৎলি। ওল-ইন্দিয়া ৱেতেদ এভরেজ কোস্ত ওফ প্রদক্সনগী মথক্তা অপীবা মার্জিন অসি গেহুগীদমক্তা চাদা ১০৬নি, মদুগী মতুংদা রেপসিদ অমসুং মস্তর্দকীদমক্তা চাদা ৯৬নি; লেন্তিলগীদমক্তা চাদা ৯২নি; গ্রামগীদমক্তা চাদা ৫৯নি; বার্লিগীদমক্তা চাদা ৫৮নি; অমসুং সেফ্লাৱরগীদমক্তা চাদা ৫০নি। রবি মহৈ-মরোংশিংগী এম.এস.পি. হেনগৎলকপনা লৌমীশিংদা অৱামল মতীক চানা ফংহল্লগনি অমসুং মহৈ-মরোংশিং মখল-মখা কয়া থোকহনবদা পুক্নিং থৌগৎকনি।

হৌখিবা চহিশিংদা, সরকারনা হৱাই চেংৱাই নত্তবা অতোপ্পা মহৈ-মরোংশিং, হায়বদি পল্সেস অমসুং ওইল সিদকুম্বা মহৈ-মরোংশিং থাবা হেনগৎনবা অহেনবা এম.এস.পি. পীরি৷

২০১৪-১৫দগী ২০২৫-২৬ ফাওবগী মনুংদা গেহু পুথোকপা অসি ২০০৪-০৫দগী ২০১৩-১৪ ফাওবগী মনুংদা এল.এম.তি.২২৫৪গা চাংদম্নবদা এল.এম.তি.৩৭১৫দা হেনগৎখ্রে। ২০১৪-১৫দগী ২০২৫-২৬ ফাওবগী মনুংদা রবি মহৈ-মরোং তরুক পুথোকপগী চাং অসি ২০০৪-০৫দগী ২০১৩-১৪ ফাওবগী মনুংদা এল.এম.তি. ২৩০২গা চাংদম্নবদা এল.এম.তি. ৩৯২১দা হেনগৎখ্রে।

২০১৪-১৫দগী ২০২৫-২৬ ফাওবগী মনুংদা গেহু পুথোক্লিবা লৌমীশিংদা পীরিবা এম.এস.পি.গী শেনফম অসি লুপা কোতি ১.৫দা হেনগৎখ্রে। ২০০৪-০৫দগী ২০১৩-১৪ ফাওবগী মনুংদা লুপা কোতি লাখ ২.৫৬গা চাংদম্নবদা লুপা কোতি লাখ ৭.৩১ ওইখি। ২০১৪-১৫দগী ২০২৫-২৬ ফাওবদা রবি মহৈ-মরোং থাবগীদমক লৌমী ৬দা পীবা এম.এস.পি.গী শেনফম অসি ২০০৪-০৫দগী ২০১৩-১৪ ফাওবদা লুপা করোর লাখ ২.৬৫গা চাংদম্নবদা লুপা করোর লাখ ৮.৩৬দা হেনগৎলে।

***