ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਹੋਈ ਆਰਥਿਕ ਮਾਮਲਿਆਂ ਦੇ ਕੈਬਨਿਟ ਕਮੇਟੀ (ਸੀਸੀਈਏ) ਨੇ ਮਾਰਕੀਟਿੰਗ ਸੀਜ਼ਨ 2027-28 ਦੇ ਲਈ ਸਾਰੀਆਂ ਨਿਰਧਾਰਿਤ ਰਬੀ ਫਸਲਾਂ ਦੇ ਘੱਟੋ-ਘੱਟ ਸਮਰਥਨ ਮੁੱਲ (ਐੱਮਐੱਸਪੀ) ਵਿੱਚ ਵਾਧੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਸਰਕਾਰ ਨੇ ਰਬੀ ਫਸਲਾਂ ਦੇ ਘੱਟੋ-ਘੱਟ ਸਮਰਥਨ ਮੁੱਲ (ਐੱਮਐੱਸਪੀ) ਵਿੱਚ ਮਾਰਕੀਟਿੰਗ ਸੀਜ਼ਨ 2027-28 ਲਈ ਵਾਧਾ ਕੀਤਾ ਹੈ, ਤਾਂ ਜੋ ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਪਜ ਦਾ ਲਾਭਕਾਰੀ ਮੁੱਲ ਮਿਲ ਸਕੇ। ਐੱਮਐੱਸਪੀ ਵਿੱਚ ਸਭ ਤੋਂ ਵੱਧ ਵਾਧਾ ਕੁਸੁਮ ਲਈ ਐਲਾਨ ਕੀਤਾ ਗਿਆ ਹੈ, ਜੋ 675 ਰੁਪਏ ਪ੍ਰਤੀ ਕੁਇੰਟਲ ਹੈ। ਇਸ ਤੋਂ ਬਾਅਦ ਰੇਪਸੀਡ ਅਤੇ ਸਰ੍ਹੋਂ ਦੇ ਲਈ 413 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਹੋਇਆ ਹੈ। ਮਸੂਰ, ਜੌਂ, ਛੋਲੇ ਅਤੇ ਕਣਕ ਲਈ ਕ੍ਰਮਵਾਰ 390 ਰੁਪਏ ਪ੍ਰਤੀ ਕੁਇੰਟਲ, 136 ਰੁਪਏ ਪ੍ਰਤੀ ਕੁਇੰਟਲ, 83 ਰੁਪਏ ਪ੍ਰਤੀ ਕੁਇੰਟਲ ਅਤੇ 25 ਰੁਪਏ ਪ੍ਰਤੀ ਕੁਇੰਟਲ ਦਾ ਵਾਧਾ ਕੀਤਾ ਗਿਆ ਹੈ। 

ਮਾਰਕੀਟਿੰਗ ਸੀਜ਼ਨ 2027-28 ਲਈ ਸਾਰੀਆਂ ਰਬੀ ਫਸਲਾਂ ਲਈ ਘੱਟੋ-ਘੱਟ ਸਮਰਥਨ ਮੁੱਲ

 (ਰੁਪਏ ਪ੍ਰਤੀ ਕੁਇੰਟਲ)

ਇਸ ਵਿੱਚ ਸਾਰੀਆਂ ਭੁਗਤਾਨ ਕੀਤੀਆਂ ਗਈਆਂ ਲਾਗਤਾਂ ਸ਼ਾਮਲ ਹਨ, ਜਿਵੇਂ ਕਿ ਕਿਰਾਏ ‘ਤੇ ਲਏ ਗਏ ਮਨੁੱਖੀ ਕਿਰਤ, ਬੂਲਲੌਕ  ਲੇਬਰ ਦੀ ਮਜ਼ਦੂਰੀ/ਮਸ਼ੀਨ ਮਜ਼ਦੂਰੀ, ਲੀਜ਼ ‘ਤੇ ਲਈ ਗਈ ਜ਼ਮੀਨ ਲਈ ਭੁਗਤਾਨ ਕੀਤਾ ਗਿਆ ਕਿਰਾਇਆ, ਬੀਜ, ਖਾਦਾਂ, ਖਾਦ ਵਰਗੀ ਸਮੱਗਰੀ ਦੀ ਵਰਤੋਂ ‘ਤੋ ਹੋਣ ਵਾਲਾ ਖਰਚ, ਸਿੰਚਾਈ ਫੀਸ, ਔਜਾਰਾਂ ਅਤੇ ਖੇਤੀਬਾੜੀ ਭਵਨਾਂ ‘ਤੇ ਡੈਪਰੀਸਿਏਸ਼ਨ, ਕਾਰਜਸ਼ੀਲ ਪੂੰਜੀ ‘ਤੇ ਵਿਆਜ, ਪੰਪ ਸੈੱਟਾਂ ਦੇ ਸੰਚਾਲਨ ਲਈ ਡੀਜ਼ਲ/ਬਿਜਲੀ ਆਦਿ, ਫੁੱਟਕਲ ਖਰਚੇ ਅਤੇ ਪਰਿਵਾਰਕ  ਕਿਰਤ ਦਾ ਅਨੁਮਾਨਿਤ ਮੁੱਲ।

ਮਾਰਕੀਟਿੰਗ ਸੀਜ਼ਨ 2027-28 ਲਈ ਨਿਰਧਾਰਿਤ ਰਬੀ ਫਸਲਾਂ ਦੇ ਘੱਟੋ-ਘੱਟ ਸਮਰਥਨ ਮੁੱਲ (ਐੱਮਐੱਸਪੀ) ਵਿੱਚ ਵਾਧਾ ਕੇਂਦਰੀ ਬਜਟ 2018-19 ਵਿੱਚ ਐੱਮਐੱਸਪੀ ਨੂੰ ਆਲ ਇੰਡੀਆ ਵ੍ਹੇਟਿਡ ਐਵਰੇਜ ਪ੍ਰੋਡਕਸ਼ਨ ਕੌਸਟ ਦੇ ਘੱਟੋ-ਘੱਟ 1.5 ਗੁਣਾ 'ਤੇ ਤੈਅ ਕਰਨ ਦੇ ਐਲਾਨ ਦੇ ਅਨੁਕੂਲ ਹੈ। ਆਲ ਇੰਡੀਆ ਵ੍ਹੇਟਿਡ ਐਵਰੇਜ ਪ੍ਰੋਡਕਸ਼ਨ ਕੌਸਟ 'ਤੇ ਅਨੁਮਾਨਿਤ ਮਾਰਜਨ ਕਣਕ ਲਈ 106 ਫੀਸਦੀ, ਉਸ ਤੋਂ ਬਾਅਦ ਸਰ੍ਹੋਂ ਅਤੇ ਰੇਪਸੀਡ ਲਈ 96 ਫੀਸਦੀ, ਮਸੂਰ ਲਈ 92 ਫੀਸਦੀ, ਛੋਲਿਆਂ ਲਈ 59 ਫੀਸਦੀ, ਜੌਂ ਲਈ 58 ਫੀਸਦੀ ਅਤੇ ਕੁਸੁਮ ਲਈ 50 ਫੀਸਦੀ ਹੈ। ਰਬੀ ਫਸਲਾਂ ਦੇ ਇਸ ਵਧੇ ਹੋਏ ਐੱਮਐੱਸਪੀ ਨਾਲ ਕਿਸਾਨਾਂ ਨੂੰ ਲਾਹੇਵੰਦ ਮੁੱਲ ਯਕੀਨੀ ਬਣੇਗਾ ਅਤੇ ਫਸਲੀ ਵਿਭਿੰਨਤਾ ਨੂੰ ਉਤਸ਼ਾਹ ਮਿਲੇਗਾ।

ਹਾਲ ਦੇ ਵਰ੍ਹਿਆਂ ਵਿੱਚ, ਸਰਕਾਰ ਅਨਾਜ ਤੋਂ ਇਲਾਵਾ ਦਾਲਾਂ ਅਤੇ ਤੇਲ ਬੀਜਾਂ ਵਰਗੀਆਂ ਹੋਰ ਫਸਲਾਂ ਲਈ ਉੱਚ ਐੱਮਐੱਸਪੀ ਦੀ ਪੇਸ਼ਕਸ਼ ਦੇ ਜ਼ਰੀਏ ਇਨ੍ਹਾਂ ਨੂੰ ਹੁਲਾਰਾ ਦੇ ਰਹੀ ਹੈ।

ਵਰ੍ਹੇ 2014-15 ਤੋਂ 2025-26 ਦੌਰਾਨ ਕਣਕ ਦੀ ਖ਼ਰੀਦ 3715 ਲੱਖ ਮੀਟ੍ਰਿਕ ਟਨ ਤੱਕ ਵਧ ਗਈ ਹੈ, ਜਦੋਂ ਕਿ 2004-05 ਤੋਂ 2013-14 ਦੌਰਾਨ ਇਹ 2254 ਲੱਖ ਮੀਟ੍ਰਿਕ ਟਨ ਸੀ। ਇਸੇ ਤਰ੍ਹਾਂ, 2014-15 ਤੋਂ 2025-26 ਦੌਰਾਨ ਰਬੀ ਦੀਆਂ ਛੇ ਫਸਲਾਂ ਦੀ ਖ਼ਰੀਦ 3921 ਲੱਖ ਮੀਟ੍ਰਿਕ ਟਨ ਤੱਕ ਵਧ ਗਈ ਹੈ, ਜੋ 2004-05 ਤੋਂ 2013-14 ਦੌਰਾਨ 2302 ਲੱਖ ਮੀਟ੍ਰਿਕ ਟਨ ਸੀ।

ਵਰ੍ਹੇ 2014-15 ਤੋਂ 2025-26 ਦੌਰਾਨ ਕਣਕ ਉਤਪਾਦਕ ਕਿਸਾਨਾਂ ਨੂੰ ਭੁਗਤਾਨ ਕੀਤਾ ਗਿਆ ਐੱਮਐੱਸਪੀ (ਘੱਟੋ-ਘੱਟ ਸਮਰਥਨ ਮੁੱਲ) ਵਧ ਕੇ 7.31 ਲੱਖ ਕਰੋੜ ਰੁਪਏ ਹੋ ਗਿਆ ਹੈ, ਜਦੋਂ ਕਿ ਵਰ੍ਹੇ 2004-05 ਤੋਂ 2013-14 ਦੌਰਾਨ ਇਹ 2.56 ਲੱਖ ਕਰੋੜ ਰੁਪਏ ਸੀ। ਇਸੇ ਤਰ੍ਹਾਂ, ਵਰ੍ਹੇ 2014-15 ਤੋਂ 2025-26 ਦੌਰਾਨ ਰਬੀ  ਦੀਆਂ 6 ਫਸਲਾਂ ਦੇ ਉਤਪਾਦਕ ਕਿਸਾਨਾਂ ਨੂੰ ਭੁਗਤਾਨ ਕੀਤਾ ਗਿਆ ਐੱਮਐੱਸਪੀ ਵਧ ਕੇ 8.36 ਲੱਖ ਕਰੋੜ ਰੁਪਏ ਹੋ ਗਿਆ ਹੈ, ਜਦਕਿ ਵਰ੍ਹੇ 2004-05 ਤੋਂ 2013-14 ਦੌਰਾਨ ਇਹ 2.65 ਲੱਖ ਕਰੋੜ ਰੁਪਏ ਸੀ।

****

ਐੱਮਜੇਪੀਐੱਸ/ਏਕੇ